"Okkar menn í útlandinu" – Halldór í varaliðið

Halldór Jóhan Sigfússon, fyrrverandi leikmaður KA, hefur verið færður úr leikmannahópi aðalliðs TuSEM Essen og æfir nú með varaliðinu. Dóri hefur leikið með Essen síðustu ár og lék stórt hlutverk þegar liðið tryggði sér sæti í þýsku 1. deildinni síðastliðinn í vetur. Á þessu keppnistímabili hefur hann hins vegar ekki fengið tækifæri, eftir að nýr þjálfari kom til starfa.

Varalið TuSEM Essen leikur í hinni svokölluðu Verbandsliga, nánar tiltekið í riðli 2. Þar er liðið í sjötta sæti af fjórtán liðum, með fjögur stig eftir fjóra leiki.

• Alfreð Gíslason stýrði sínum mönnum í Gummersbach til sigurs á Nordhorn í þýsku deildinni í gækvöldi, 34:32.
• Hreiðar Levý Guðmundsson lék mjög vel í marki Sävehof sem tapaði í vikunni, 28:31, fyir Redbergslid á heimavelli í sænsku deildinni. Hreiðar varði 21 skot í leiknum. Redbergslid er efst í deildinni með 9 stig eftir 6 leiki, en Sävehof er í 5. sæti með 8 stig.
• Elverum, sem Axel Stefánsson þjálfari, tapaði í vikunni 35:30 fyrir Runar í norsku deildinni. Samúel Ívar Árnason gerði 2 mörk fyrir Elverum. Liðið er nú í 10. sæti með 4 stig eftir 6 leiki.
• Árni Sigtryggsson komst ekki á blað þegar lið hans, Granollers, tapaði fyrir Ólafi Stefánssyni og félögum í Ciudad Real í gærkvöldi í spænsku deildinni. Ciudad vann 30:28 í Granollers og er efst í deildinni.