Warning: Undefined variable $udleiks in /web/akhandadmin/public_html/index.php on line 16
2. flokkur: Góður bikarsigur á HK - myndir - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Hafþór Vignisson átti stórleik 10 mörk í leiknum

11. febrúar 2017 - Akureyri handboltafélag skrifar

2. flokkur: Góður bikarsigur á HK - myndir

Það var ekta bikarstemming í Höllinni í gær þegar 2. flokkur Akureyrar tók á móti HK. Fjölmargir áhorfendur lögðu leið sína í Höllina til að hvetja strákana og fín stemming á pöllunum. Leikurinn var í járnum og skiptust liðin á að leiða framan af.

Eftir átján mínútna leik var staðan 8-6 fyrir Akureyri en þá sofnaði klukkan á ritaraborðinu og varð töluverð töf á leiknum á meðan klukkumálunum var bjargað. HK náði í kjölfarið að jafna í 10-10 en Akureyri var sterkara á lokasprettinum og skoraði þrjú síðustu mörk fyrri hálfleiksins þannig að staðan var 13-10 í hálfleik.

Akureyri hélt frumkvæðinu áfram í seinni hálfleiknum en erfiðlega gekk að hrista HK liðið af sér. Það var ekki fyrr en stutt var til leiksloka að Akureyri náði fimm marka forskoti, 27-22 og sigurinn í höfn. HK menn klóruðu þó í bakkann með tveim síðustu mörkum leiksins þannig að lokastaðan varð 28-25 og strákarnir þar með komnir í fjögurra liða úrslit bikarkeppninnar.


Brosmildir piltar eftir góðan sigur

Mörk Akureyrar: Hafþór Vignisson 10, Heimir Pálsson 6, Daði Jónsson 4, Kristján Garðarsson 4, Vignir Jónsson 2, Aron Tjörvi Gunnlaugsson 1 og Sigþór Gunnar Jónsson 1 mark.
Arnar Þór Fylkisson stóð í markinu og varði vel, þar af tvö vítaköst.

Mörk HK: Elías Björgvin Sigurðsson 7, Bjarki Finnbogason 6, Kristján Ottó Hjálmsson 4, Pálmi Fannar Sigurðsson 3, Ársæll Ingi Guðjónsson og Kristófer Dagur Sigurðsson 2 mörk hvor, Jósef Samir 1 mark.

Hér má sjá myndir Hannesar Péturssonar frá leiknum.

Ungmennalið Akureyrar mætir svo meistaraflokki HK í 1. deildinni í dag og viðbúið að þar verði margir sömu strákanna mætti á ný. Sá leikur hefst klukkan 13:30 í Íþróttahöllinni.

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson