Warning: Undefined array key "frettanr" in /web/akhandadmin/public_html/index.php on line 15 Arfaslakur lokakafli fyrri hálfleiks kostaði tap - Akureyri Handboltafélag
Áhorfendur og fánaberar á Víkingsleiknum - myndasyrpa
Eins og jafnan áður stóðu áhorfendur sig með sóma á leik Akureyrar og Víkings og þeim verður ekki kennt um úrslit leiksins. Enn og aftur er ástæða til að óska stuðningsmönnum liðsins til hamingju með sína frammistöðu. Að sögn aðkomuliðanna er hvergi á landinu slík stemming og umgjörðin sem skapast á leikjum hér til fyrirmyndar og vonum við að svo verði áfram!
Þórir Tryggvason var að senda okkur fjölmargar myndir frá leiknum þar sem áhorfendur og fánaberar eru í aðalhlutverkum. Skoða myndirnar.
Jonni og Andri Snær fengu að kenna á því gegn Víkingum
24. janúar 2009 - Akureyri handboltafélag skrifar
Víkingar harðhentir í vörninni - myndir
Það var ekki laust við að Víkingar spiluðu fasta vörn gegn Akureyri á fimmtudaginn svo ekki sé fastar að orði kveðið. Stundum þótti manni jafnvel keyra um þverbak og stundum ástæða til þyngri refsingar en raunin varð stundum á, þetta er kannski það sem kallað er að spila eins fast og dómararnir leyfa!
Þórir Tryggvason sendi okkur myndir af þremur slíkum brotum og takið eftir að það eru sömu Víkingarnir sem koma við sögu í þeim öllum.
Stórsveit Tónlistarskóla Akureyrar fór hreinlega á kostum þegar sveitin lék fyrir leik og aftur í hálfleik í Íþróttahöllinni á fimmtudagskvöldið í tengslum við leik Akureyrar og Víkings. Sveitin var með ákaflega skemmtilegt prógram og vakti gríðarlega athygli áhorfenda.
Stjórnandi sveitarinnar Alberto Carmona er greinlega að gera frábæra hluti með sitt lið.
Þórir Tryggvason sendi okkur hátt í sextíu myndir af stórsveitinni sem er hægt að skoða hér.
Hér er heimasíða Tónlistarskólans en þar er m.a. hægt að skoða upptöku frá jólatónleikum sveitarinnar í Samkomuhúsinu nú í desember.
Hreinn Hauksson er klár í slaginn í dag
22. janúar 2009 - Akureyri handboltafélag skrifar
Leikur dagsins: Akureyri - Víkingur í beinni textalýsingu
Þá er komið að leikdegi hjá Akureyri Handboltafélagi. Það verður mikið um dýrðir í Íþróttahöllinni í kvöld í fyrsta leik ársins þegar Akureyri tekur á móti Víkingum. Stórsveit Tónlistarskóla Akureyrar, eða Big Bandið undir stjórn Alberto Carmona ætlar að spila, ekki bara fyrir leik heldur líka í hálfleik þannig að það verður sannkallað stuð og sveifla. Það sem mestu máli skiptir þó er hörkuleikur þar sem bæði munu leggja allt í sölurnar.
Leikurinn sjálfur hefst klukkan 19:30 og að sjálfsögðu ætlum við að bjóða stuðningsmönnum sem ekki eiga heimangegnt á leikinn upp á beina lýsingu frá leiknum hér á síðunni og hefst hún rétt fyrir leik.
Það er virkilega auðvelt að fylgjast með leiknum í gegnum Beinu Lýsinguna.
Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.
Spurning hvernig liðin koma til leiks eftir langt hlé
20. janúar 2009 - Akureyri handboltafélag skrifar
Víkingar - sýnd veiði en ekki gefin
Andstæðingar okkar á fimmtudaginn, Víkingar eru með mjög sterkt lið og hafa í raun verið mjög óheppnir í vetur að hafa ekki landað nema einu stigi. Það er mikil seigla í liðinu og þar eru menn ekkert að gefast upp. Síðasti leikur Víkinga fyrir jól var gegn Fram sem mátti þakka fyrir að fara með eins marks sigur í leiknum þannig að það getur ekkert lið bókað sigur fyrirfram gegn Víkingum. Akureyri sótti Víkinga heim 18. október og var sá leikur sýndur í sjónvarpinu. Þrátt fyrir að Akureyri ynni þar fimm marka sigur 23-28 var leikurinn lengst af í jafnvægi og ekki fyrr en undir lokin sem Akureyri náði afgerandi forystu.
Þjálfari Víkinga er enginn annar en línujaxlinn Róbert Sighvatsson sem gerði garðinn frægan með landsliði Íslands, markmannsþjálfari Víkinga er annar reynslubolti Guðmundur Hrafnkelsson.
Síðan er aldrei að vita nema hinn síungi og stórhættulegi Bjarki Sigurðsson mæti með þeim á fimmtudaginn en hann dró skóna fram fyrir áramótin og hefur leikið nokkra leiki með Víkingum.
Langatkvæðamestur Víkinga hefur verið skyttan Sverrir Hermannsson en hann var einmitt valinn í 2012 landslið Íslands nú á dögunum. Þá hafa skytturnar Sveinn Þorgeirsson og Davíð Georgsson verið drjúgir svo og hornamaðurinn Hreiðar Haraldsson.
Markvörður Víkinga, Björn Viðar Björnsson reyndist okkur verulega erfiður þegar liðin mættust í október þannig að Akureyri þarf að taka á öllu sínu á fimmtudaginn.
Leikmenn Akureyrar hafa æft vel í þessu langa hléi sem verið hefur á deildinni og koma vel stefndir í leikinn, staðráðnir í að sýna áhorfendum hvað í þeim býr. Árni Sigtryggsson kemur aftur inn í liðið en hann missti af tveim síðustu leikjunum þar sem hann fór í skurðaðgerð á öxl en hann er allur að koma til og verður fróðlegt að sjá í hvernig standi hann er. Að öðru leiti er mannskapurinn í fínu standi, allir heilir heilsu og klárir í slaginn.
Frá fyrri leik liðanna, Árni Sigtryggsson sendir eitraða sendingu á Atla Ævar
Eins og áður hefur komið fram verður glæsilegt tónlistaratriði í boði fyrir leik og í hálfleik en það Stórsveit Tónlistarskóla Akureyrar sem ætlar að troða upp. KEA sýnir mikinn höfðingsskap með því að bjóða öllum sem vettlingi geta valdið á leikinn og því vonumst við til að troðfylla Höllina þannig að sú frábæra stemming sem ríkti á leikjunum fyrir áramót haldi áfram.
Höfðinglegt boð KEA sem býður frítt á leikinn
19. janúar 2009 - Akureyri handboltafélag skrifar
KEA býður frítt á Víkingsleikinn á fimmtudag
Loksins loksins er komið að heimaleik hjá meistaraflokki Akureyrar en liðnir eru rúmir tveir mánuðir síðan strákarnir spiluðu hér síðast. Mótherjar okkar eru Víkingar sem eru svo sannarlega sýnd veiði en ekki gefin þrátt fyrir að sitja á botni deildarinnar. Þannig mátti efsta lið deildarinnar, Fram þakka fyrir eins marks sigur á þeim í síðasta leik liðanna fyrir jólafrí og sömuleiðis var sigur Hauka einungis þrjú mörk í leik liðanna þar á undan.
Það er því óhætt að lofa því að það verður engin lognmolla í Íþróttahöllinni á fimmtudagskvöldið og mikilvægt fyrir Akureyrarliðið að fá stuðning sinna frábæru áhorfenda sem hafa ítrekað sýnt það í vetur að þeir eru bestu stuðningsmenn á landinu. KEA leggur sitt lóð á vogarskálarnar og býður öllum frítt á leikinn og færum við félaginu bestu þakkir fyrir höfðinglegt framlag og því getum við með sanni sagt að á Akureyri séu íþróttir fyrir alla þessa dagana.
Við höldum hefðinni sem hefur skapast í vetur og bjóðum upp á tónlistaratriði fyrir leikinn og að þessu sinni er það Stórsveit Tónlistarskóla Akureyrar, eða Big Bandið undir stjórn Alberto Carmona sem ætlar að spila, ekki bara fyrir leik heldur líka í hálfleik þannig að það verður stuð og sveifla.
Stórsveitin á jólatónleikum 2008
Í stuðningsmannaherberginu verður að vanda matur fyrir leik, Rúnar Sigtryggsson kemur og leggur upp leikinn og í hálfleik fáum við skýrslu Stefáns Árnasonar aðstoðarþjálfara.
Okkar menn gerðu góða æfingaferð suður um síðustu helgi og klæjar í lófana að spila loksins alvöruleik. Það er fagnaðarefni að Árni Sigtryggsson verður með en hann er óðum að ná sér eftir aðgerðina sem hann gekkst undir í nóvember.
Við hvetjum því alla til að taka fimmtudagskvöldið frá og nýta sér höfðinglegt tilboð KEA, við lofum frábærri skemmtun og Akureyringar hafa svo sannarlega sýnt það í vetur að þeir eru bestu áhorfendur landsins.
Smelltu á myndina til að fá hana stærri t.d. til að prenta hana út
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Textalýsing frá leiknum
Tölfræði leiksins 
Markvörður Víkinga, Björn Viðar Björnsson reyndist okkur verulega erfiður þegar liðin mættust í október þannig að Akureyri þarf að taka á öllu sínu á fimmtudaginn.
Senda á Facebook