Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Sveinbjörn og félagar í 2. flokk eru komnir í undanúrslit eftir 16 marka sigur í dag

24. apríl 2007 - ÁS skrifar 

2. flokkur: Akureyri burstaði Selfoss í skrípaleik

Nú rétt í þessu tryggði 2. flokkur Akureyrar sér sæti í undanúrslitum í baráttunni um Íslandsmeistaratitilinn. Liðið tók á móti Selfoss í 8-liða úrslitum og var sigur Akureyrar aldrei í hættu. Leikurinn í dag var í raun algjör skrípaleikur en ritari hefur aldrei orðið vitni að öðru eins.

Akureyri hóf leikinn mun betur og náði forystunni strax í fyrstu sókn. Eftir fjórar mínútur var staðan orðin 4-1 og stuttu síðar var staðan orðin 7-2. Dómarar leiksins fóru snemma að reka menn útaf og pirraðir Selfyssingar urðu enn pirraðri þegar þeir fóru að fjúka útaf. Akureyri hélt forystunni út fyrri hálfleikinn og hálfleikstölur voru 14-8 fyrir Akureyri. Selfoss hafði fengið 8 brottvísanir í fyrri hálfleik og Akureyri 3.

Í síðari hálfleik var nákvæmlega það sama upp á teningunum í sambandi við dómgæslu en lið Akureyrar mætti enn betur stemmt og bætti við forskotið. Akureyri vann á endanum stórsigur á Selfoss 33-17 og var mikið mun betra liðið.

4 rauð spjöld litu dagsins ljós í dag, 3 á Selfoss og 1 á Akureyri. Alls voru 22 brottvísanir í leiknum, 13 á Selfoss og 9 á Akureyri. Leikurinn var þó alls ekki grófur og má segja að dómararnir hafi aldrei verið í takt við leikinn. Það hallaði ekki á annað liðið í þessum leik, Selfoss spilaði harðari vörn og uppskar því fleiri brottvísanir.

Spilamennska Akureyrar var ákaflega góð hjá vörninni og hjá markmönnunum. Sóknarleikurinn hinsvegar var of kaflaskiptur og komu tímar þar sem ekkert var í gangi. Liðið getur þó borið það fyrir sig að forskotið var allan tímann stórt og leikurinn sjálfur mjög furðulegur.

Það er mjög gott að 2. flokkur hafi komist í gegnum þessa hindrun og það jafn vel og eru undanúrslitin því bara næst. Með sigri þar er liðið komið í úrslitaleik en liðið á eftir að leika úrslitaleik gegn Val um Deildarmeistaratitilinn. 2. flokkur hefur því komið sér í fína stöðu en það er ekki nóg og nú er spurningin hvort leikmennirnir séu nógu miklir kallar til að fara lengra.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson