Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Siguróli varði vítakast með stæl

19. janúar 2009 - Akureyri handboltafélag skrifar

2. flokkur: Stórsigur á Fram í bikarkeppninni

Strákarnir í 2. flokki gerðu góða ferð suður í gær (sunnudag) en þeirra beið leikur gegn Fram í 8-liða úrslitum bikarkeppninnar. Liðin mættust síðast í Íslandsmótinu um miðjan desember og þá sigraði Akureyri örugglega 39-25. Vitað var að Fram sendi ekki sitt öflugasta lið í þann leik en annað var uppi á teningnum í gær. Þar fór fremstur í flokki landsliðsmaðurinn Rúnar Kárason (sem er á leiðinni til Fuchse Berlín) og því ljóst að Fram lagði allt í sölurnar í þessum leik.

Akureyrarstrákar mættu hins vegar ákveðnir til leiks og náðu fljótlega góðum tökum á leiknum og leiddu með fimm mörkum í hálfleik, 16-21.

Í seinni hálfleik héldu strákunum engin bönd og þeir hreinlega völtuðu yfir Framliðið sem hreinlega gafst upp við mótlætið og lauk leiknum með fimmtán marka yfirburðasigri Akureyrar 30-45 og liðið komið í 4-liða úrslit bikarkeppninnar.

Geir Aðalsteinsson þjálfari liðsins var hæstánægður með strákana og sagði að þetta hefði klárlega verið besti leikur liðsins frá upphafi. Allir í leikmannahópnum tóku virkan þátt í leiknum og allir útileikmenn skoruðu. Á þessu stigi höfum við ekki frekari upplýsingar um markaskorun eða markvörslu en óskum strákunum til hamingju með frábæra frammistöðu.

Þá bárust fréttir af því að á sama tíma hefði HK slegið FH út úr bikarkeppninni en 8-liða úrslitum á að ljúka í kvöld, og verður fróðlegt að sjá hvaða lið dragast saman í næstu umferð.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson