
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Geir þarf að kenna strákunum að halda haus á lokasekúndum háspennuleikja

7. mars 2009 - Akureyri handboltafélag skrifar

2. flokkur: Jafntefli eftir vandræðagang í lokin

Akureyri og Valur mættust í deildarkeppni 2. flokks í dag og var í járnum allan tímann. Akureyri hafði frumkvæði framan af fyrri hálfleik og náðu mest þriggja marka forystu 9-6 en Valsarar náðu þá góðum kafla, skoruðu fjögur mörk í röð og héldu frumkvæðinu út hálfleikinn sem endaði 12-13.

Einhverra hluta vegna virtist vanta neistann og baráttuna í lið Akureyrar, Hákon átti þó stórleik í sókninni með 5 góð mörk fyrir utan. Elmar byrjaði vel í markinu en dalaði þegar á leið og kom Siguróli inná í hans stað.

Seinni hálfleikur byrjaði ágætlega og Akureyri tók frumkvæðið í leiknum, fljótlega náðist þriggja marka forskot 19-16 og hélst 2-3 marka munur mestallan hálfleikinn. Leikmenn Akureyrar voru í raun klaufar að hrista Val ekki af sér, fengu þannig kjörið tækifæri þegar þeir voru tveim leikmönnum fleiri en tókst ekki að nýta það.

Heiðar Þór fann fjölina sína og skoraði fimm mögnuðu mörk eftir mögnuð uppstökk eftir hlaup úr horninu, einnig kom Fannar sterkur inn í seinni hálfleikinn og skilaði fjórum góðum mörkum.

Undir lokin virtist stefna í þægilegan sigur Akureyrar þegar staðan var 31-28, Valur minnkaði muninn í eitt mark, Heiðar Þór geystist í hraðaupphlaup og virtist vera að tryggja sigurinn en brotið var á honum án þess að nokkuð væri dæmt. Heiðar lét óánægju sína í ljós við dómarana og fékk brottvísun fyrir. Þrátt fyrir það vann Akureyri boltann og virtust vera með pálmann í höndunum en misstu boltann þegar 5 sekúndur voru til leiksloka, Atli Ævar stöðvaði hraðaupphlaup Valsara og fékk brottvísun að launum. Þessar fimm sekúndur dugðu fullskipuðu liði Vals til að skora jöfnunarmarkið gegn fjórum Akureyringum.

Að vonum var það svekkelsi að missa unninn leik niður í jafntefli og umhugsunarefni að þetta er annar leikurinn í röð sem það gerist að liðið er í sókn og nokkrar sekúndur til leiksloka en í stað þess að halda boltanum er farið í vafasamar aðgerðir þar sem andstæðingurinn fær boltann og jafnar.

Eins og áður segir vantaði einhverja stemmingu í liðið sem náði aldrei að sýna sínar bestu hliðar. Atli Ævar var maður leiksins en hann barðist af krafti bæði í sókn og vörn, skoraði fjögur mörk og fiskaði jafn mörg vítaköst enda var hann tekinn harkalegum tökum af Valsvörninni.

Hákon fór á kostum í fyrri hálfleik en sást lítið í seinni hálfleik, Heiðar Þór var hinsvegar varla með í fyrri hálfleik en kom sterkur inn í seinni hálfleiknum.

Mörk Akureyrar: Hákon 6, Bjarni, Fannar, Heiðar og Oddur 5 mörk hver, Atli 4 og Jón Þór 1 mark.

Elmar varði 11 skot og Siguróli 4.

Eftir leikinn er Akureyri í öðru sæti í deildinni, stigi á eftir FH sem hefur reyndar leikið þremur leikjum fleira en staðan er nú sem hér segir:

Nr.	Félag	Leik	U	J	T	Mörk	Nett	Stig
1.	FH	18	14	0	4	612:481	131	28
2.	Akureyri	15	13	1	1	504:393	111	27
3.	Víkingur	17	10	2	5	502:433	69	22
4.	Haukar	17	8	5	4	483:449	34	21
5.	Selfoss	16	10	1	5	520:452	68	21
6.	ÍR	17	8	1	8	500:485	15	17
7.	HK	17	7	1	9	533:497	36	15
8.	Valur	17	6	3	8	492:519	-27	15
9.	Afturelding	15	6	1	8	412:457	-45	13
10.	Fram	16	5	0	11	455:504	-49	10
11.	Stjarnan	16	4	1	11	425:464	-39	9
12.	Fjölnir	17	0	0	17	336:640	-304	0

Samkvæmt leikjaniðurröðuninni eiga strákarnir þrjá útileiki um næstu helgi, gegn FH, Víkingum og Fram.

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson