Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Nú þarf að peppa liðið upp fyrir lokaátökin í deildinni

18. mars 2009 - Akureyri handboltafélag skrifar

2. flokkur: Tap á heimavelli gegn Selfoss

Ekki náðu Akureyrarstrákar að gulltryggja deildarmeistaratitilinn í dag þegar þeir tóku á móti Selfyssingum því að þeir steinlágu fyrir spræku liði gestanna 31-38. Á upphafsmínútum leiksins var Akureyri þó sterkara liðið og leiddi lengi vel í fyrri hálfleik án þess þó að ná nokkurntíma að hrista Selfyssingana af sér. Leikurinn var mjög hraður í upphafi, jafnvel um of því liðin virtust ekki alveg ráða við keyrsluna. Jafnt var á flestum tölum en lokakafli fyrri hálfleiks var afleitur hjá Akureyri sem leiddi 13-12 en Selfyssingar skoruðu síðustu sex mörk hálfleiksins og fóru til leikhlés með örugga forystu 13-18.

Munurinn jókst frekar en hitt í upphafi seinni hálfleiks og varð mestur sjö mörk áður en Akureyri tókst að klóra í bakkann og minnka muninn nokkrum sinnum í fjögur mörk en lengra komst liðið ekki og á lokamínútum leiksins var liðið hreinlega alveg sprungið á meðan Selfyssingar gengu á lagið, röðuðu inn mörkum undir lokin og unnu sannfærandi sigur 31-38.

Það verður að segjast eins og er að Akureyrarliðið lék afar illa mestallan leikinn, vörnin var máttlaus og réð ekkert við sterka línumenn Selfyssinga, markvarslan var með minnsta móti og sóknin var ráðvillt. Sóknin fór að mestu fram á miðjunni og enn einu sinni fengu hornamennirnir Heiddi og Oddur varla nokkurn bolta.

Ekki er gott að segja hvort þreyta eftir helgina hafi setið í liðinu eða hvort menn komu værukærir í leikinn sem er reyndar ótrúlegt því vitað var að lið Selfyssinga er mjög öflugt. Allavega var leikur liðsins einhver sá daprasti sem það hefur sýnt hér á heimavelli í vetur. Liðið er þó eftir sem áður í efsta sæti deildarinnar, einu stigi á undan FH en bæði lið eiga þrjá leiki eftir. Akureyri á eftir Stjörnuna og ÍR á útivelli 27. og 28. mars og loks botnlið Fjölnis á heimavelli þann 4. apríl. Með eðlilegum leik eiga allir þessir leikir að vinnast og deildarmeistaratitillinn þar með en það er víst að liðið verður að mæta betur stemmt í útileikina heldur en það gerði í dag til að ná því takmarki.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson