Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Árni Sigtryggsson átti frábæran leik í kvöld
Flóki var drjúgur í markinu



8. febrúar 2010 - Akureyri handboltafélag skrifar

Auðveldur sigur Akureyrar á Gróttu - myndir

Leikur Akureyrar og Gróttu í Íþróttahöllinni kvöld var vel sóttur af áhorfendum að vanda og hlýtur megnið af áhorfendum að hafa farið ánægður heim eftir stórsigur heimamanna 33-19. Þó verður að segja að spennuleysið í leiknum hafi dregið örlítið úr skemmtanagildi hans en við stuðningsmenn AHF kvörtum nú samt ekki yfir því.

Strákarnir okkar í Akureyri gáfu tóninn strax í byrjun og komust í 5-1. Munurinn hélst næstu mínútur en þegar um 10 mín voru til hálfleiks kom ákveðinn vendipunktur þegar gestirnir minnkuðu muninn í tvö mörk 10-8. Akureyri setti þá í hærri gír og hreinlega keyrði yfir ráðalausa og þunga Gróttumenn á síðustu mínútum fyrri hálfleiksins og var staðan 17-10 í hálfleik.


Árni lék Gróttumenn grátt í fyrri hálfleik og fékk líka að kenna á því

Óþarfi er að hafa mörg orð um seinni hálfleikinn, þar hélt einfaldlega sama sagan áfram, Akureyri mun fremra gestunum á öllum sviðum og mestur varð munurinn 16 mörk í stöðunni 30-14. Rúnar þjálfari leyfði yngri strákunum að spreyta sig síðustu mínútur leiksins og stóðu þeir ágætlega fyrir sínu en lokatölur urðu 33-19 fyrir Akureyri.

Árni Sigtryggsson var að leik loknum valinn maður leiksins, hann skoraði alls 8 mörk, þar af 7 í fyrri hálfleik og átti nokkrar glæsilegar stoðsendingar á félaga sína. Oddur Gretarsson spilaði einnig frábærlega (að vanda liggur manni við að segja) og var markahæsti maður liðsins með 9 mörk. Hörður Flóki var með um 20 bolta varða í markinu og stóð að vanda fyrir sínu. Raunar átti allt Akureyrarliðið fínasta leik, jafnt í vörn sem sókn og verður það ekki tekið af þeim þrátt fyrir að andstæðingurinn í kvöld hafi ekki sýnt mikla mótspyrnu.

Mörk Akureyrar: Oddur Gretarsson 9 (3 víti), Árni Þór Sigtryggsson 8, Heimir Örn Árnason 4, Hörður Fannar Sigþórsson 3, Hreinn Þór Hauksson 2, Jónatan Þór Magnússon 2 (1 víti), Andri Snær Stefánsson, Bjarni Jónasson, Geir Guðmundsson, Guðlaugur Arnarsson og Guðmundur Hólmar Helgason 1 mark hver.


Tvö stig í hús og fagnað að hætti hússins

Sjá fleiri myndir Þóris Tryggvasonar frá leiknum

Næsti leikur er gegn Stjörnunni á útivelli fimmtudaginn 18. febrúar nk. og vonandi halda Akureyringar áfram á sömu braut þá.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson