Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Páll átti sannkallaðan stórleik í markinu

27. mars 2010 - Akureyri handboltafélag skrifar

2. flokkur: Jafntefli í lokaleiknum gegn FH

Akureyri og FH mættust í gærkvöldi í Íþróttahúsi Síðuskóla og var mikið í húfi fyrir Akureyri sem gat með sigri tryggt sér deildarmeistaratitilinn en leikurinn hafði í raun enga þýðingu fyrir FH. Fjölmargir áhorfendur mættu á leikinn og var fín stemming í húsinu.

Akureyri hafði fín tök á leiknum í upphafi og náði öruggri forystu 6-2. FH svaraði fyrir sig og náði að jafna í 8-8 en Akureyri hélt frumkvæðinu og hafði yfir 15-13 í hálfleik. Strákarnir voru reyndar klaufar að hafa ekki meira forskot því ekki nýttist að vera tveim mönnum fleiri undir lok hálfleiksins.

Barningurinn hélt áfram í seinni hálfleik og náðu FH ingar að jafna í stöðunni 18-18 og linntu ekki látunum fyrr en þeir voru komnir í 18-21 og höfðu þá skorað fimm mörk í röð. Á þessum tíma var sóknarleikur Akureyrar vandræðalegur, Geir Guðmundsson hafði farið mikinn en aðrir leikmenn virtust missa sjálfstraustið og biðu bara eftir að Geir gerði eitthvað.

Akureyrarliðið kom til baka, jafnaði í 21-21 en FH hélt frumkvæðinu og juku muninn í þrjú mörk, 24-27 þegar stutt var til leiksloka. Akureyri sýndi hins vegar mikla baráttu og jöfnuðu í 27-27 og allt á suðupunkti í húsinu.

FH spilaði langa sókn en missti loks boltann þegar þrjár sekúndur voru til leiksloka. Sá tími dugði þó ekki Akureyri til að koma almennilegu skoti á markið og því varð jafntefli niðurstaðan.

Páll markvörður Akureyrar átti stórleik í markinu og varði fjölmörg skot FH inga úr dauðafærum.

Mörk Akureyrar: Bergvin 8, Geir 6, Halldór Logi 3, Bjarni, Jóhann, Jón Heiðar, Jón Þór og Valþór 2 mörk hver.

Akureyri, Haukar og Selfoss urðu því efst og jöfn að stigum í deildinni en úr innbyrðis viðureignum þeirra eru Haukar með 5 stig, Akureyri 4 og Selfoss 3. Það eru því Haukar sem hampa deildarmeistaratitlinum að þessu sinni en Akureyri hafnar í 2. sæti.

Framundan eru átta liða úrslit hjá strákunum og við greinum frá framhaldinu þegar niðurröðun leikja liggur fyrir.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson