Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Páll stóð fyrir sínu um helgina

29. nóvember 2010 - Akureyri handboltafélag skrifar

2. flokkur: Tveir góðir sigrar um helgina

Strákarnir áttu tvo útileiki um helgina, lagt var af stað suður klukkan 2 á föstudegi og stefnan sett á Hlíðarenda þar sem keppt var við Valsara klukkan 21:30.

Akureyri byrjaði mun betur og komst í 1-6 og tóku Valsmenn þá leikhlé. Eitthvað virðist ræða þjálfara þeirra hafa skilað sér því Valsarar fóru að vinna sig hægt og bítandi inn í leikinn og þegar fyrri hálfleikur var búinn var staðan 14-16 Akureyri í vil.

Í seinni hálfleik tóku Akureyringar leikinn í sínar hendur og náðu mest 11 marka forustu og uppskáru að lokum öruggan sigur 26-34. Páll var að verja vel í markinu og Bergvin var öruggur í horninu, skoraði 9 mörk. Þá kom Oddur Gretarsson einnig sterkur af bekknum með 5 mörk. Vörnin í seinni hálfleik var mjög góð hjá Akureyri og þrátt fyrir að dómarar leiksins hafi rekið Akureyringa óspart útaf spilaði liðið vel einum færri. Alls fengu Akureyringar 8 sinnum tveggja mínútna brottrekstur, þ.a.m. fékk Jón Heiðar sína þriðju brottvísun eftir 40 mínútna leik.


Bergvin skorar í leik gegn Stjörnunni

Seinni leikur helgarinnar var á erfiðum útivelli Selfyssinga og vissu Akureyringar að þeir þyrftu að eiga toppleik til þess að sigra.

Selfoss byrjaði leikinn betur og komst í 5-2 en Akureyringar voru pollrólegir, spiluðu hörkugóða vörn og skoruðu þrjú hraðupphlaupsmörk í röð og jöfnuðu í 5-5. Akureyri náði síðan forustunni og leiddi 11-8 í hálfleik. Í seinni hálfleik héldu Akureyringar sama dampi og með flottri vörn og yfirveguðum sóknarleik uppskáru þeir að lokum 5 marka sigur 27-32.

Akureyri leiddi allan seinni hálfleikinn með 4-6 mörkum og voru Selfyssingarnir aldrei líklegir til þess að jafna. Eins og í leiknum kvöldið áður var Páll að verja mjög vel og vörnin frábær. Hlynur og Ásgeir fastir fyrir í miðju varnarinnar og Bergvin og Jóhann tóku vel á sterkum skyttum Selfyssinga. Sóknarlega hélt liðið ró og spilaði sín kerfi sem gengu vel upp. Ólafur, Jóhann og Bergvin voru góðir í hornunum og Jón Heiðar stýrði liðinu vel af miðjunni. Jóhann, Ásgeir og Hlynur spiluðu vel fyrir utan og Halldór var að finna sig á línunni. Valþór Atli átti líka góðar innkomur á vítapunktinn og skoraði úr öllum 5 vítum Akureyrar af miklu öryggi.

Það má segja að allir í liðinu hafi spilað vel og var þetta eflaust besti leikur liðsins það sem af er tímabili en strákarnir eru með fullt hús eftir fjóra leiki.


Ólafur var öflugur í horninu líkt og hér gegn Stjörnunni

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson