Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan




    Fréttir                       Þú flettir milli frétta með örvalyklunum eða smellir á bláu örvarnar! 

Jón Heiðar og Valþór eru reyndar ekki alveg svona hárprúðir í dag



4. mars 2012 - Akureyri handboltafélag skrifar

2. flokkur: Sigur á Val í toppbaráttu 1. deildar

Það var sannkölluð baráttustemming á laugardaginn þegar tvö efstu liðin í 1. deildinni, Akureyri og Valur mættust. Akureyri skoraði fyrstu tvö mörk leiksins, Valur svaraði með þremur mörkum í röð sem Akureyrarliðið svaraði aftur með þremur næstu mörkum.
Eftir að staðan var jöfn 6 - 6 var jafnt á öllum tölum upp í 10 – 10, Valsmenn ávallt skrefinu á undan en Akureyri náði þó forystunni í lok hálfleiksins og leiddi 11 – 10 þegar gengið var til leikhlés.

Akureyrarliðið hóf seinni hálfleikinn af krafti og náði fljótlega fjögurra marka forystu 16 – 12, sem varð síðan mest fimm mörk í stöðunni 19 - 14. En þá kom slakur kafli og Valsmenn skoruðu fjögur mörk í röð og aðeins eins marks munur 19 – 18 þannig að heldur fór að fara um áhorfendur.
En heimamenn voru ekki hættir og með frábærum kafla juku þeir muninn aftur í fjögur mörk 22 – 18.
Valsmenn voru ekki hættir og jöfnuðu leikinn í 23 – 23 þegar sex mínútur voru til leiksloka.

Það voru hins vegar Akureyringar sem voru sterkari á lokasprettinum og unnu þessar síðustu mínútur með fjórum mörkum gegn einu marki Valsmanna og þar með leikinn 27 – 24.

Mörk Akureyrar: Bergvin 7, Jón Heiðar 5, Valþór 5, Ásgeir 2, Geir 2, Halldór 2, Hlynur 2, Óli 1 og Snorri 1.
Páll Jónsson varði 15 skot í markinu, þar af eitt vítakast og Gunnar Bjarki kom í markið í eitt vítakast sem Valsmenn misnotuðu reyndar.
Með sigrinum fór Akureyri í efsta sæti deildarinnar, raunar með jafnmörg stig og Valur en Akureyri hefur betur í innbyrðisviðureignum liðanna, hefur unnið báða leikina.

Leikur Akureyrar og Vals í 2. deild
Fljótlega á eftir hófst leikur sömu liða í 2. deild. Akureyrarstrákarnir fóru betur af stað í leiknum og leiddu 8 – 6 eftir tuttugu mínútna leik en í hálfleik hafði Akureyri yfir 11 - 9. En þá þurfti tíðindamaður heimasíðunnar að hverfa af vettvangi. Samkvæmt heimildum var spennan ekki síður mikil í lok þessa leiks en Valsmenn knúðu fram eins marks sigur 24 – 25 með marki úr vítakasti eftir að leiktíminn var útrunninn.

Mörk Akureyrar: Bjarki Sæþórsson 7, Halldór Kristinn Harðarson 6, Heimir Sigurðsson 5, Aðalsteinn Halldórsson 4, Atli Eðvaldsson 2, Elvar Sigurðsson 1 mark.


Hér er hægt að sjá stöðu og úrslit leikja hjá 2. flokks liðunum en úrslit leikja helgarinnar koma væntanlega ekki inn fyrr en á mánudaginn.
Staðan í 1. deild
Staðan í 2. deild.

Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson