Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Guðmundur Hólmar lék seinni hálfleikinn í dag

1. maí 2012 - Akureyri handboltafélag skrifar

2. flokkur: Akureyri í úrslitaleikinn eftir sigur á Gróttu

Akureyri og Grótta mættust í dag í leik um hvort liðið færi í úrstlitaleikinn um Íslandsmeistaratitilinn. Það var flott mæting í Höllinni, yfir 350 áhorfendur sem studdu heimamenn vel. Akureyrarstrákar tóku leikinn í sínar hendur strax í upphafi og náðu fljótt fimm marka forystu 6-1.

Strákarnir héldu áfram, munurinn jókst jafnt og þétt og varð mestur sjö mörk 11-4. Þá kom upp kæruleysi og nokkur æðibunugangur í sókninni sem skilaði Gróttu ófáum hraðaupphlaupum sem komu þeim inn í leikinn á ný. Staðan í hálfleik var 14-11 fyrir Akureyri og spenna komin í leikinn á ný.

Akureyri hóf seinni hálfleikinn af krafti sem skilaði þrem fyrstu mörkum hálfleiksins og þar með sex marka forystu 17-11. Gangur seinni hálfleiksins var einmitt þannig að Grótta náði að minnka muninn nokkrum sinnum niður í fjögur mörk en Akureyri bætti þá vel í og jók muninn á ný upp í sex til sjö mörk. Þannig sáust tölur eins og 20-13, 21-17, 23-18. Grótta minnkaði muninn í 24-20 en þá gerði Akureyrarliðið út um leikinn með þrem mörkum í röð, staðan 27-20. Það var síðan Grótta sem skoraði lokamark leiksins sem lauk með góðum sex marka sigri 27-21.

Páll Snævar Jónsson, markvörður hélt upp á afmælisdaginn með frábærum leik en hann varði eins og berserkur, alls 18 skot og var maður leiksins í dag.


Páll Snævar Jónsson ver með tilþrifum

Mörk Akureyrar: Bergvin Þór Gíslason 6, Jón Heiðar Sigurðsson 5, Valþór Atli Guðrúnarsson 5, Geir Guðmundsson 4, Guðmundur Hólmar Helgason 4, Halldór Örn Tryggvason 2 og Bjarki Halldórsson 1.

Í liði Gróttu skoraði Þráinn Orri Jónsson 6 mörk og Júlíus Þórir Stefánsson 5 mörk.

Sigur Akureyrar var sanngjarn og býsna öruggur en þó er ýmislegt sem hægt er að bæta fyrir úrslitaleikinn sjálfan sem verður næstkomandi laugardag.

Í hinni undanúrslitaviðureigninni mættust Valur og Fram og þar fór Fram með sigur af hólmi 25-27 eftir framlengingu. Það verða því Akureyri og Fram sem leika til úrslita á laugardaginn klukkan 15:30 í Scenkerhöllinni (heimavöllur Hauka).

Flottur árangur hjá strákunum en Akureyri hefur nokkrum sinnum komist í úrslitaleikinn en ekki náð að klára hann. Það er því kominn tími á að fara alla leið núna.

Sjá myndir Þóris Tryggvasonar frá leiknum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson