Sigþór leikmaður 19. umferðar að áliti Morgunblaðsins


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Til hamingju Sissi, Hreinn og Þrándur		29. mars 2014 - Akureyri handboltafélag skrifar Sigþór leikmaður 19. umferðar að áliti Morgunblaðsins Morgunblaðið hefur valið leikmenn 19. umferðar Olís-deildar karla sem fór fram í síðustu viku. Akureyrarliðið á þrjá fulltrúa í liði vikunnar að þessu sinni eftir magnaðan sigurleik gegn FH. Það eru Sigþór Árni Heimisson vinstri skytta, Þrándur Gíslason línumaður og Hreinn Þór Hauksson sem varnarmaður. Auk þess er Sigþór Árni valinn leikmaður umferðarinnar. Úrvalsliðið er þannig skipað að áliti Morgunblaðsmanna (tölurnar innan sviga segja til um hve oft viðkomandi hefur verið valinn í lið umferðarinnar. Vinstri hornamaður: Einar Pétur Pétursson, Haukum (3) Vinstri skytta: Sigþór Árni Heimisson, Akureyri Leikstjórnandi: Andri Heimir Friðriksson, ÍBV (5) Hægri skytta: Sigurður Örn Þorsteinsson, Fram Línumaður: Þrándur Gíslason, Akureyri (2) Hægri hornamaður: Elías Már Halldórsson, Haukum (5) Markvörður, Kristófer Fannar Guðmundsson,ÍR (2) Varnarmaður: Hreinn Þór Hauksson, Akureyri Við óskum öllum þessum leikmönnum til hamingju með viðurkenninguna en þess má einnig geta að samkvæmt samantekt Mbl þá er Jovan Kukobat sá markvarða sem hefur varið flest skot allra í deildinni og Bjarni Fritzson er í öðru sæti yfir markahæstu menn deildarinnar. Guðmundur Hilmarsson, blaðamaður Morgunblaðsins ræddi við Sigþór Árna í tilefni þess að hann var valinn leikmaður umferðarinnar, en Sigþór er fjölhæfur leikmaður og hefur spilað margar stöður og gengið vel sem skytta vinstra megin í undanförnum leikjum. Viðtalið fer hér á eftir: Sigþór Árni: Þetta virðist allt vera að koma hjá okkur Sigþór Árni Heimisson, 21 árs gamall leikmaður í liði Akureyrar, er leikmaður 19. umferðar í Olís-deildinni í handknattleik að mati Morgunblaðsins en hann átti fínan leik í góðum sigri Akureyringa gegn FH-ingum í Kaplakrika í fyrrakvöld. Sigþór, sem lék í skyttustöðunni vinstra megin, skoraði 7 mörk í leiknum og áttu varnarmenn FH-inga erfitt með að stöðva þennan lipra leikmann sem er ekki hár í loftinu. Sigþór skoraði mörk sín með góðum gólfskotum eða eftir að hafa platað varnarmennina upp úr skónum. Sigþór er hér einu sinni sem oftar kominn í gegnum vörn andstæðinganna Kannski of seint í rassinn gripið „Ég var mjög ánægður með mína frammistöðu í leiknum og enn meira með sigur okkar. Þetta var rosalega dýrmætur sigur og þennan leik eins og leikina á undan höfum við lagt upp sem úrslitaleik og munum halda því áfram. Við fórum í leikinn á móti FH með sama hugarfari og í leiknum gegn Val, það er að hafa gaman af þessu og berjast eins og ljón. Þetta virðist allt vera að koma hjá okkur en það er kannski of seint í rassinn gripið. Það er engin spurning um það að það býr heilmikið í okkar liði og þegar maður horfir á þessa blessuðu stigatöflu í dag er ansi súrt að hafa bara gert jafntefli við Val heima og ná ekki stigi í leiknum þar á undan sem var á móti Fram,“ sagði Sigþór Árni við Morgunblaðið. Sigþór fór ekki með félögum sínum í rútuferðina heim til Akureyrar eftir sigurinn á móti FH þar sem hann spilar tvo leiki með 2. flokki Akureyrar um helgina. Fyrsta alvöru tímabilið með meistaraflokki „Við erum nokkrir úr meistaraflokknum sem erum gjaldgengir með 2. flokknum og við höfum spilað nokkra leiki upp á síðkastið,“ sagði Sigþór, sem hefur spilað alla 19 leiki Akureyringa í deildinni á tímabilinu og skorað í þeim 41 mark. Í fyrra kom hann mun minna við sögu og spilaði þá aðeins níu leiki í deildinni. „Ég hef verið að dútla með meistaraflokknum undanfarin ár en það má segja að þetta sé fyrsta alvöru tímabilið hjá mér. Ég hef æft og spilað handbolta frá því ég man eftir mér og þá með KA. Ég hef í gegnum árin verið svolítill trúður hvað stöður á vellinum varðar. Ég spilaði sem hornamaður en færði mig svo inná miðjuna sem leikstjórnandi. Eftir að útlendingurinn, Vladimir Zejak, var sendur heim þá var ég settur í skyttustöðuna og er ein hávaxnasta skyttan á Íslandi í dag,“ sagði Sigþór Árni og hló hressilega. Stigið gegn Val gæti reynst dýrmætt Með sigrinum á móti FH eiga Akureyringar enn von um að komast úr sjöunda sæti deildarinnar og losna þannig við að fara í umspil um að halda sæti sínu í deildinni. Akureyri er einu stigi á eftir ÍR og tveimur á eftir FH þegar tvær umferðir eru eftir. Í næstsíðustu umferðinni sækja Akureyringar bikarmeistara Hauka heim og taka síðan á móti botnliði HK í síðustu umferðinni. Vegna innbyrðis úrslita dugar Akureyri að ná ÍR eða FH að stigum til að sleppa við umspilið. „Nú sér maður það að stigið sem við náðum á móti Val gæti orðið ansi dýrmætt þegar upp verður staðið. Vissulega eigum við erfiðan leik á móti Haukum í næstu umferð en það getur allt gerst. Fyrir leikinn á móti FH fann maður á umræðunni að það hafði enginn minnstu trú á því að við værum að fara að vinna þennan leik. Sumir spáðu okkur tíu marka tapi og við yrðum auðveld bráð fyrir FH-ingana. Annað kom hins vegar á daginn,“ segir Sigþór. Sigþór segir að það sé bara nokkuð bjart framundan hjá Akureyrarliðinu en hann þjálfar 4. flokk karla. „Handboltahefðin er rík á Akureyri. Yngri flokka starfið er alltaf að styrkjast og ég held að við eigum að geta verið með gott lið fyrir norðan næstu árin í það minnsta.“ Ótrúlega gefandi starf Sigþór hefur lokið námi við Menntaskólann á Akureyri og er nú í skóla lífsins. „Ég er að vinna núna enda er gott að breyta til. Ég starfa í leikskólanum Naustatjörn og það virðist líka vera hefð fyrir því að handboltamenn í Akureyri fari að vinna í leikskóla. Við erum núna þrír úr liðinu sem störfum í Naustatjörn og það hafa að minnsta kostir þrír aðrir unnið þar. Ég er leikskólaleiðbeinandi eins og það er kallað og þetta er ótrúlega gefandi starf,“ sagði Sigþór Árni.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson

Sigþór leikmaður 19. umferðar að áliti Morgunblaðsins

Sigþór Árni: Þetta virðist allt vera að koma hjá okkur