Norðlenska: Grótta náði jafntefli gegn Fram


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Guðlaugur þarf að sætta sig við 3. sætið að þessu sinni		29. ágúst 2015 - Akureyri handboltafélag skrifar Norðlenska: Grótta náði jafntefli gegn Fram Nú var að ljúka leik Fram og Gróttu á lokadegi Opna Norðlenska mótsins. Eftir óskabyrjun Framara náðu Seltirningar að koma sér inn í leikinn og eftir dramatík á lokamínútum fóru leikar 28-28. Með þeim úrslitum tryggði Grótta sér 2. sætið á mótinu en Grótta og Fram enduðu með 3 stig og bæði með -2 í markatölu en Seltirningar skoruðu 85 mörk á mótinu en Fram 77 og eru því fyrir ofan. Framarar hófu leikinn mikið mun betur, léku fínan bolta á meðan leikmenn Gróttu voru mjög mistækir og leið ekki á löngu uns staðan var orðin 10-5. Framarar héldu forskotinu næstu mínútur áður en Gróttumenn löguðu stöðuna aðeins fyrir hálfleik, hálfleikstölur 16-13. Grótta hóf síðari hálfleikinn af miklum krafti og jöfnuðu strax metin í 16-16 og var mikil spenna út allan leikinn eftir það. Liðin skiptust á að leiða leikinn en þó aldrei með meira en tveimur mörkum. Stefán Darri kom Fram yfir í 28-27 þegar 45 sekúndur voru eftir en Guðni Ingvarsson jafnaði metin með laglegu marki. Framarar höfðu 10 sekúndur til að skora sigurmarkið eftir það en sókn þeirra slök og jafntefli 28-28 staðreynd. Eins og kom fram þýða úrslitin það að Grótta nær 2. sætinu á mótinu á fleiri mörkum skoruðum og Fram endar í 3. sæti. Leikur Akureyrar og Aftureldingar skiptir þá engu máli í lokastöðu mótsins, Afturelding sigrar mótið á meðan Akureyri rekur lestina. Mörk Fram: Þorgrímur Smári Ólafsson 7, Ragnar Þór Kjartansson 5 (5 úr vítum), Óðinn Ríkharðsson 4, Garðar Benedikt Sigurjónsson 4, Arnar Freyr Ársælsson 4, Arnar Snær Magnússon 2, Ólafur Ægir Ólafsson 1 og Stefán Darri Þórsson 1 mark. Í markinu varði Valtýr Már Hákonarson 7 skot og Kristófer Fannar Guðmundsson varði 5 skot. Mörk Gróttu: Finnur Stefánsson 6 mörk (4 úr vítum), Árni Árnason 5, Aron Dagur Pálsson 5, Vilhjálmur Hauksson 4, Styrmir Sigurðsson 3, Guðni Ingvarsson 3 og Kristján Karlsson 2 mörk. Í markinu varði Lárus Gunnarsson 9 skot og Stefán Huldarson 3 skot
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson