Engin stig sótt í Kaplakrikann


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Mindaugas var markahæstur Akureyringa í leiknum		6. febrúar 2017 - Akureyri handboltafélag skrifar Engin stig sótt í Kaplakrikann Eftir magnaðan sigur á Valsmönnum á fimmtudaginn vonuðust menn eftir hagstæðum úrslitum gegn FH-ingum á sunnudaginn. Byrjun leiksins lofaði líka góðu, jafnræði með liðunum og hörkuleikur. Bergvin Þór Gíslason fór á kostum, með þrjú af fyrstu sex mörkum liðsins. En í stöðunni 7-6 kom afdrifaríkur kafli þar sem fjölmargar feilsendingar lentu í höndum FH inga sem refsuðu grimmilega með auðveldum hraðaupphlaupsmörkum og staðan orðin 12-7 á augabragði. En Akureyringar gáfust ekki upp og komu sér rækilega inn í leikinn á ný og minnkuðu muninn í eitt mark, 15-14. Mindaugas var öflugur á þessum kafla með fjögur mörk, en alls skoraði hann sex mörk í fyrri hálfleiknum. FH átti raunar síðasta mark fyrri hálfleiksins og leiddi 16-14 í hálfleik. FH ingar hófu seinni hálfleikinn af krafti og juku forskotið strax í fimm mörk, 20-15 en aftur gáfu Akureyringar í og minnkuðu muninn niður í tvö mörk, 22-20. FH ingar virtust þó eiga meira inni og stóðust öll áhlaup og lönduðu að lokum sex marka sigri, 33-27. Leikur Akureyrar var kaflaskiptur, margir fínir sprettir en alltof margir tæknifeilar í sóknarleiknum sem í raun fóru með leikinn. Mindaugas og Bergvin báru uppi markaskorunina með 9 og 7 mörk auk þess sem Arnþór Þorri Þorsteinsson átti góða innkomu með þrjú mörk. Hornamennirnir fengu hins vegar ekki úr miklu að moða að þessu sinni og lítið kom af línunni. Bergvin sækir að vörn FH. Mynd mbl.is/Árni Sæberg Tomas Olason varði vel í fyrri hálfleiknum en datt niður í þeim seinni. Arnar Þór Fylkisson kom í markið undir lokin en fann ekki taktinn. Vörnin átti erfitt með að stöðva Einar Rafn Eiðsson sem var illviðráðanlegur með 9 mörk svo og Ásbjörn Friðriksson með 7 mörk. Mörk Akureyrar: Mindaugas Dumcius 9, Bergvin Þór Gíslason 7, Arnór Þorri Þorsteinsson 3, Kristján Orri Jóhannsson 3 (2 úr vítum), Igor Kopyshynskyi 2, Friðrik Svavarsson 1, Róbert Sigurðarson 1 og Sigþór Árni Heimisson 1 mark. Tomas Olason varði 14 skot og Arnar Freyr Fylkisson 1 skot. Mörk FH: Einar Rafn Eiðsson 9 (2 úr vítum), Óðinn Þór Ríkharðsson 8, Ásbjörn Friðriksson 7 (1 úr víti), Ágúst Birgisson 3, Jóhann Birgir Ingvarsson 2, Arnar Freyr Ársælsson 2, Gísli Þorgeir Kristjánsson 1 og Jóhann Karl Reynisson 1 mark. Ágúst Elí Björgvinsson stóð í markinu í fyrri hálfleik og varði 6 skot en Birkir Fannar Bragason var með 9 varin skot í seinni hálfleik. Nú þarf að bíða eftir að öðrum leikjum umferðarinnar ljúki en þá kemur í ljós hvernig lokahluti deildarinnar raðast upp.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson