
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Úrslit leikja

Deild karla

Deild kvenna

Leikmenn meistarafl. kvenna

Textalýsing frá leiknum

Tölfræði leiksins

		Fram - Akureyri 32-29 (19-12)
		DHL deild karla
		Safamýri
		22. nóvember 2006 klukkan: 19:00
		Dómarar: Þorlákur Kjartansson og Valgeir Egill Ómarsson

Umfjöllun


Fín spilamennska gegn Fram en skelfilegur kafli eyðilagði leikinn		23. nóvember 2006 - ÁS skrifar Akureyri tapar gegn Fram (umfjöllun) Akureyri fór suður í gær og keppti gegn Íslandsmeisturum Fram í Safamýri. Leikurinn byrjaði vel en skelfilegur kafli undir lok fyrri hálfleiks eyðilagði leikinn og þrátt fyrir flotta baráttu í seinni hálfleik þá var það ekki nóg og Fram sigraði 32-29. Spilamennska liðsins var betri en gegn HK en þó er enn langt í land sóknarlega. Jafnt var á öllum tölum til að byrja með og skoraði Goran Gusic fyrstu þrjú mörk Akureyrar og þau öll úr vítum. Liðnar voru um það bil 12 mínútur af leiknum og staðan var jöfn 5-5 og hafði sóknin verið að ganga vel en vörn og markvarsla var ekki til staðar. Svona hélt spilamennska liðsins áfram þar til Akureyri komst yfir í 8-9 og rétt rúmlega kortér liðið af leiknum. Framarar ákveða að skipta yfir í 5+1 vörn og þá hrundi gjörsamlega sóknarleikur Akureyrar og í kjölfarið sigldu Framarar langt framúr með auðveldum hraðaupphlaupsmörkum. Fram náði að skora 11 mörk gegn aðeins 2 mörkum Akureyrar og möguleiki á sigri í leiknum í raun farinn. Kuzmins náði að skora á síðustu sekúndum fyrri hálfleiks og staðan var því 19-12 fyrir Fram í hálfleik. Það sem var fyrst og fremst að klikka í fyrri hálfleik var að vörnin komst aldrei almennilega í gang og markvarslan var nákvæmlega engin eða þrír boltar. Sóknin byrjaði fínt en síðasta kortérið var hún bitlaus og menn biðu eftir að einhver annar reddaði málunum. Í seinni hálfleik kom liðið hinsvegar öflugt til leiks og sýndi karakter. Liðið virtist alltaf vera að koma sér af fullri alvöru inn í leikinn og minnkar muninn niður í 5 mörk strax í upphafi seinni hálfleiks. Vörnin komst í gang og þegar Framarar þurftu að stilla upp komust þeir lítt áfram og þá fór Hreiðar fór að verja þá bolta sem maður ætlaðist til að hann verði. Framarar náðu að auka muninn aftur upp í 7 mörk og það var aðallega eftir hraðar sóknir. Með þessum fína varnarleik náði lið Akureyrar smám saman að minnka muninn og þegar um kortér var eftir munaði 4 mörkum á liðunum. Sá munur hélst næstu mínútur og einhverjir voru farnir að halda að möguleikinn væri farinn er Fram leiddi 30-25 og 7 mínútur eftir af leiknum. Þá nær Akureyri að skora þrjú mörk í röð og allt í einu munaði tveim mörkum og fjórar mínútur eftir. Jóhann skytta Framarar skaut yfir og Akureyri náði boltanum. Hinsvegar klikkar skot Akureyringa og Framarar fara í þann pakka að eyða tímanum. Framarar ná að skora og fá boltann aftur, Kuzmins stelur honum hinsvegar og skorar en það var ekki nóg, Framarar skoruðu síðasta mark leiksins og fögnuðu sigri 32-29. Spilamennska Akureyrar var sveiflukennd en þegar á heildina er litið fannst mér liðið vera betri en Framarar í dag. Það var bara þessi kafli undir lok fyrri hálfleiks þar sem Framarar hreinlega klára leikinn og það er í raun ekki hægt að ná að vinna upp 8 marka forystu gegn Fram á heimavelli. Það sama gerðist gegn HK á sunnudaginn, skelfilegur kafli undir lok fyrri hálfleiks skemmdi mikið fyrir möguleikum Akureyrar. Á sunnudaginn tekur Akureyri á móti Valsmönnum og ef að liðið ætlar sér sigur þar verða þeir að halda ró sinni, spila sinn bolta og ekki koma með eins kafla og gegn Fram og HK í síðustu leikjum. Vörn Akureyrar er óstöðvandi þegar sókn andstæðinganna þarf að stilla upp en þegar keyrt er á vörnina getur hún ekkert gert. Sigfús Páll leikmaður Fram skoraði þó nokkur mörk eftir hraða miðju eða eftir seinni bylgju og þá komu ófá mörkin eftir hraðaupphlaup. Maður leiksins: Andri Snær Stefánsson, Andri nýtti færin sín í horninu vel í leiknum og var öflugur jafnt í vörn sem og sókn.


Tengdar fréttir
Siffi var ótrúlegur og skoraði 9 mörk Mynd: Fram.is		23. nóvember 2006 - ÁS skrifar Sigfús Páll: "Akureyringar alltof seinir til baka" Eftir leik Íslandsmeistara Fram og Akureyrar Handboltafélags ákvað heimasíðan að taka Sigfús Pál, oftast nefndur Siffi, í viðtal. Drengurinn reyndist leikmönnum Akureyrar gríðarlega erfiður og setti hann hvorki fleiri né færri en 9 mörk í leiknum áður en hann var svo tekinn úr umferð nánast allan seinni hálfleikinn. ÁS: Hvernig fannst þér leikurinn? Sigfús: Mér fannst fyrri hálfleikurinn mjög góður, við vorum að láta boltann ganga mjög vel og létum þessa stóru og stæðilegu varnarmenn Akureyrar ekki negla okkur. Við fengum því góð færi sem við nýttum vel. ÁS: Hvernig lýst þér á að mæta Akureyri á Akureyri í Bikarnum? Sigfús: Það verður gríðarlega erfiður leikur fyrir okkur sérstaklega þegar má búast við fjölda áhorfenda. Maður er búinn að heyra að það hafi verið mætt vel síðast og þeir eru alltaf mjög sterkir á sínum heimavelli. Ég man allavega ekki eftir að hafa unnið fyrir norðan. ÁS: Hvernig finnst þér spilamennska Akureyrar vera? Sigfús: Mér finnst vörnin gríðarlega sterk þegar þeir ná að stilla upp. Þeir eru hinsvegar alltof seinir til baka, við náum að skora fullt af mörkum eftir hraðaupphlaup og eftir seinni bylgju. Það er eitthvað sem þarf að laga sem og auðvitað sóknarleikurinn. Mér finnst sóknin ekki vera nógu skipulögð og þeir eru ekki að skapa nein færi. ÁS: Nú ert þú að leika ákaflega vel um þessar mundir, hvernig ert þú líkamlega séð? Sigfús: Mér finnst ég alltaf geta komið mér í betra form en þetta er allt að koma hjá mér. Þarf að laga skotin aðeins og svo þarf ég að fá að spila vörnina alveg 100%. Þá verð ég orðinn gríðarlega sáttur. Heimasíðan þakkar Sigfúsi kærlega fyrir viðtalið og bendir lesendum á leikinn gegn Val í KA-Heimilinu á sunnudaginn sem og Bikarslag Akureyrar og Fram sem verður væntanlega 6. desember.


Nær Akureyri að leggja Íslandsmeistara Fram? Fylgist með		22. nóvember 2006 - ÁS skrifar Bein Lýsing: Fram - Akureyri Leikur Íslandsmeistara Fram og Akureyrar í 4. umferð DHL-Deildar karla fer fram í kvöld í Safamýri klukkan 19:00. Það skiptir gríðarlega miklu máli fyrir Akureyri að sigra og komast þar með aftur í slaginn á toppnum eftir tapið gegn HK. Heimasíðan býður upp á beina textalýsingu frá leiknum í kvöld og hvetur hún alla til að fylgjast vel með gangi mála ef það kemst ekki á leikinn. Mjög auðvelt er að fylgjast með í gegnum Beinu Lýsinguna. Smellið hér til að opna Beina Lýsingu Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 en við hvetjum alla til að fylgjast vel með.


Fylgist grannt með Hödda og félögum á morgun		21. nóvember 2006 - ÁS skrifar 1 dagur í leik: Fram - Akureyri í Beinni Lýsingu Leikur morgundagsins milli Íslandsmeistara Fram og Akureyrar Handboltafélags verður að sjálfsögðu í Beinni Lýsingu hér á heimasíðunni. Við hvetjum alla til að fylgjast vel með gangi mála í leiknum enda er um stórleik að ræða. Þeir sem hafa fylgst með Beinu Lýsingunum til þessa hafa verið gríðarlega sáttir og því um að gera að prófa að fylgjast með ef þú hefur ekki orðið vitni að Beinni Lýsingu hér á síðunni.

Hvernig mun ganga gegn Íslandsmeisturum Fram á morgun?

21. nóvember 2006 - ÁS skrifar

1 dagur í leik: Allt um lið Fram

Á morgun fer lið Akureyrar Handboltafélags til Reykjavíkur til að leika frestaðan leik við Íslandsmeistara Fram. Leikurinn er liður í 4. umferð DHL-Deildarinnar og er gríðarlega mikilvægur fyrir bæði lið en HK og Valur virðast vera að stinga af á toppi deildarinnar.

Fram var spáð 2. sæti í deildinni fyrir tímabilið og eftir að hafa byrjað ekki nægilega vel hefur liðið verið að ná leik sínum upp og virðist vera komið í gírinn.

Tímabilið til þessa
Hér eru öll úrslit Fram í keppnum hér á landi. Fram tók einnig þátt í Meistaradeild Evrópu og náði að sýna flotta spilamennsku þar á tímum en því miður náðu þeir ekki að hala inn stigi á þessari sterkustu deild í heimi.

Keppni	Lið	Úrslit
Meistarar Meistaranna	Fram - Stjarnan	25-29
DHL-Deild	Stjarnan - Fram	26-30
DHL-Deild	Fram - Haukar	29-30
DHL-Deild	HK - Fram	22-22
DHL-Deild	Valur - Fram	30-25
SS-Bikar	Fram - Fylkir	34-31
DHL-Deild	ÍR - Fram	29-40

Spilamennska Fram
Íslandsmeistarar Fram leika hraðan bolta og geta kaffært lið ef þeir komast í gírinn. Liðið vill spila sókn á meðan okkar lið vill helst spila vörn. Því verður virkilega gaman að fylgjast með gangi mála í leiknum á morgun.

Árangur Fram á síðustu leiktíð
Fram varð Íslandsmeistari á síðustu leiktíð eftir að hafa endað með jafnmörg stig og Haukar, Framarar höfðu hinsvegar betur á innbyrðisviðureignum.
Í SS-Bikarnum tapaði liðið gegn Haukum í undanúrslitum.
Liðið tapaði svo í undanúrslitum Deildarbikarsins gegn Fylki, 0-2.

Helstu leikmenn liðsins
Sigfús Páll Sigfússon er leikstjórnandi Framara og er hann einn öflugasti sóknarmaður landsins. Siffi skorar kannski ekkert alltof mörg mörk sjálfur en það eru ansi fá mörk sem Fram skorar sem Siffi á ekki part í. Til að leggja Íslandsmeistara Fram á morgun þarf að stöðva Siffa.

Jóhann Gunnar Einarsson er skytta í liði Fram og hefur hann blómstrað á tímabilinu sem og í fyrra. Í Meistaradeild Evrópu skoraði hann grimmt og stórlið eins og Gummersbach og Celje Pivovarna Lasko áttu í miklum erfiðleikum með að stöðva hann.

Hornamenn liðsins eru mjög öflugir og eru Guðjón Drengsson, Þorri Gunnarsson og Hjörtur Hinriksson gríðarlega öflugir hornamenn sem fá yfirleitt mörg færi í leik og þeir nýta þau mjög vel.

Björgvin Páll Gústavsson gekk í raðir Fram fyrir tímabilið og hefur verið að verja mjög vel í flestum leikjum en aðeins dottið niður í öðrum leikjum. Það er mjög mikilvægt fyrir Akureyri Handboltafélag að Björgvin fari ekki í ham.

Sergiy Serenko spilar stórt hlutverk í liði Fram en þessi öfluga skytta skýtur verulega fast og getur verið erfitt að stöðva hann. Hann þarf sín skref áður en hann fer í loftið en það er ekki nóg að mæta honum þar sem hann býr yfir fínum fintum og getur einnig farið í gegn.

Guðmundur Þórður Guðmundsson þjálfari liðsins er að gera mjög góða hluti með liðið og hefur hann sýnt bæði með Fram og með Íslenska landsliðinu á sínum tíma að hann er frábær þjálfari.

Fram - Akureyri, Safamýri 22. nóvember klukkan 19:00

Heimasíðan hvetur alla til að mæta á leikinn eða fylgjast með Beinni Lýsingu af leiknum.


Aigars og liðsfélagar hans þurfa að bíða með það að leggja Íslandsmeistara Fram		16. október 2006 - ÁS skrifar Leik Akureyrar og Fram frestað Leikur karlaliðs Akureyrar og Fram sem átti að fara fram á sunnudaginn 22. október hefur verið frestað um mánuð og verður leikinn 22. nóvember. Þetta hefur verið gert vegna mikils leikjaálags sem er á liði Fram en liðið hefur verið að leika að undanförnu í Meistaradeild Evrópu. 22. nóvember er miðvikudagur og verður leikurinn spilaður klukkan 19:00. Leikurinn mun fara fram á heimavelli Fram, Safamýri. Akureyri og Fram eru jöfn með 3 stig eftir þrjá leiki.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

Akureyri tapar gegn Fram (umfjöllun)

Sigfús Páll: "Akureyringar alltof seinir til baka"

Bein Lýsing: Fram - Akureyri

1 dagur í leik: Fram - Akureyri í Beinni Lýsingu

1 dagur í leik: Allt um lið Fram

Leik Akureyrar og Fram frestað