Warning: Undefined array key "frettanr" in /web/akhandadmin/public_html/index.php on line 15
Mikilvægur baráttusigur á ÍR - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2006-07

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna




Textalýsing frá leiknum     Tölfræði leiksins 
    Akureyri - ÍR  24-21 (9-10)
DHL deild karla
KA-Heimilið
18. mars 2007 klukkan: 16:00
Dómarar: Helgi Rafn Hallsson og Sigurjón Þórðarson
Umfjöllun

Drengirnir hans Sævars unnu glæstan sigur í gær





19. mars 2007 - ÁS skrifar

Mikilvægur baráttusigur á ÍR

Í gær vann Akureyri Handboltafélag sinn fyrsta leik eftir áramót. Leikurinn var gríðarlega mikilvægur fyrir félagið og með sigrinum hefur liðið komið sér betur frá fallbaráttunni. Leikurinn einkenndist af ótrúlegri baráttu hjá liðunum tveim og má segja að þegar mest á reyndi sást það að Akureyringar höfðu meiri vilja á meðan ÍR-ingar misstu trúna og misstu leikinn frá sér.

Lið ÍR var betri framan af leik, fyrri hálfleikur var frekar hægur og átti hvort lið einungis 20 sóknir. Lið ÍR spilaði gríðarlega framarlega og góða 3-2-1 vörn á meðan Akureyri hóf leikinn í 6-0 vörn. Sóknarleikur Akureyrar átti í ótrúlegu basli með vörn ÍR-inga en hægt og sígandi komst liðið upp á lagið. 6-0 Akureyrar var fín en gat ekki stöðvað langskot ÍR-inga sem skiluðu mörkum. Akureyri fór því að leika 3-2-1 vörn sem gafst afar vel.

Akureyri komst einu sinni yfir í fyrri hálfleik í stöðunni 8-7 er 20 mínútur voru liðnar. En gestirnir leiddu 9-10 í hálfleik og áttu þeir það í raun skilið.

Baráttan var ótrúleg enda voru bæði lið að leika frábæran varnarleik en sóknarleikur liðanna var ekki eins beittur, ÍR hefur nokkrar fínar skyttur og næstum öll mörk þeirra komu fyrir utan. Síðari hálfleikur var eilítið hraðari og sveiflurnar urðu aðeins meiri. ÍR byrjaði hálfleikinn betur og náði meðal annars að komast 13-16 yfir er tæpar 17 mínútur voru eftir. Þá kviknaði heldur betur líf í sóknarleik Akureyrar og vörnin náði að loka vel og Hreiðar sem hafði verið að verja vel í leiknum gerði enn betur.

ÍR skoraði ekki mark á rétt rúmum 10 mínútum en á sama tíma gerði Akureyri 6 mörk og komst 19-16 yfir. Eftir það var aldrei spurning hvort liðið myndi sigra. Akureyri var með leikinn alveg í höndum sér og komst meðal annars 24-19 yfir er 2 mínútur voru eftir. ÍR náði að laga stöðuna aðeins og lokatölur Akureyri 24 ÍR 21.

Frábært hjá liðsmönnum Akureyrar að sigra þennan leik en eins og komið hefur fram var gríðarleg barátta í liðinu og það sást á mönnum að þeir ætluðu sér sigur. Þrátt fyrir að vera undir lungann úr leiknum tókst leikmönnum að rífa sig upp og 10 mínútna kafli sem kom um miðjan síðari hálfleik hreinlega slátraði ÍR-ingum.

Allir leikmenn sem spiluðu sýndu frábæra varnarvinnu og sóknarleikurinn var á köflum fínn. Hinsvegar er enn langt í að sóknarleikurinn sé nægilega góður en á meðan liðið fær jafn fá mörk á sig þarf liðið jú að skora færri mörk.

Magnús Stefánsson er að mínu mati maður leiksins en hann gerði 7 mörk úr 8 skotum og var ótrúlega beittur í sókninni þegar þess þurfti. Ég vil hinsvegar einnig benda á mjög góðan leik Hreiðars Levý sem varði mjög vel í leiknum. Svo vil ég óska Valdimar Þengilssyni til hamingju með að vera búinn að stíga skrefið upp í meistaraflokk en drengurinn fékk sitt fyrsta tækifæri með liðinu í leiknum og fiskaði víti.

Næsti leikur liðsins er gegn Haukum og verður í Beinni Útsendingu á RÚV á laugardaginn klukkan 16:15, sá leikur mun segja margt um hvar Akureyri mun standa þegar upp er staðið.

Tengdar fréttir

Einar Logi kom eftir áramótin úr atvinnumennskunni í Þýskalandi og hefur nú unnið sín fyrstu stig með Akureyri Handboltafélagi

19. mars 2007 - ÁS skrifar

Einar Logi: Þurfum að vinna í sókninni

Heimasíðan ákvað eftir sigurleik Akureyrar á ÍR í gær að ræða við Einar Loga Friðjónsson. Einar sem kom til liðs við liðið eftir að hafa verið í atvinnumennsku í Þýskalandi var að vinna sín fyrstu stig með liðinu en eftir slæma byrjun á árinu 2007 er Einar fullviss um að liðið muni leika vel gegn Haukum á laugardaginn.

ÁS: Jæja Einar, þetta tókst og þetta voru gríðarlega mikilvæg stig
Já, þetta voru mjög mikilvæg stig, loksins kom sigurleikur á árinu

ÁS: Og þetta voru þín fyrstu stig
Einar Logi: Jú það er rétt, svolítill léttir!

ÁS: Búið að vera erfitt eftir áramót, væntanlega léttir að sigra núna
Einar Logi: Já, þetta liggur núna bara upp á við, mjög mikilvægt að vinna þennan leik í dag og nú stefnum við ótrauðir á að vinna á laugardaginn.

ÁS: Hvernig líst þér á þann leik gegn Haukum?
Einar Logi: Bara mjög vel, mér finnst að við eigum góðan séns á móti þeim. Ef við bætum það sem klikkaði í dag þá mun ganga vel á laugardaginn, sérstaklega ef ég bæti mig persónulega líka.

ÁS: Nú voruð þið að spila hörkuvörn í dag en sóknarleikurinn mistækur, þið farið væntanlega yfir hann á næstunni?
Einar Logi: Jú við þurfum að fara að vinna í sókninni, vörnin er komin og við þurfum að taka sóknina í kjölfarið.

ÁS: Er búið að setja eitthvert markmið fyrir síðustu leiki vetrarins?
Einar Logi: Við förum í alla leiki til að vinna og vonandi kemur það okkur ofar í töflunni.

Við þökkum Einari kærlega fyrir spjallið og minnum á sjónvarpsleik Hauka og Akureyrar á RÚV að Ásvöllum laugardaginn kemur klukkan 16:15.


Hvernig fer stórslagur Akureyrar og ÍR?

18. mars 2007 - ÁS skrifar

Bein Lýsing: Akureyri - ÍR

Akureyri Handboltafélag leikur í dag gríðarlega mikilvægan leik og er leikurinn gegn ÍR og byrjar klukkan 16:00. Það verður gaman að sjá hvernig liðið kemur tilbúið til leiks en liðið þarf á sigri að halda til að komast aftur í gang. Leikur dagsins er gegn ÍR en ÍR er á botni deildarinnar og verður einnig að sigra. Heimasíðan býður upp á beina textalýsingu af leiknum sem hún hvetur fólk til að fylgjast með ef það kemst ekki á leikinn, en það er frítt inn á leikinn. Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 16:00 en við hvetjum alla til að fylgjast vel með.


Akureyri þarf stuðning á sunnudaginn, hjálpum liðinu aftur í gang!



16. mars 2007 - SÁ skrifar

2 dagar í einn mikilvægasta heimaleik ársins

Akureyri fær ÍR í heimsókn á sunnudaginn klukkan 16:00 í KA-Heimilið í einhverjum mikilvægasta leik þessa nýsameinaðs liðs. Hreinlega allt er undir um helgina og þurfa okkar menn svo sannarlega á stuðningi að halda.

Akureyri er í 6. sæti deildarinnar eða seinasta sætinu sem tryggir sæti í efstu deild að ári. Baráttan um sæti í deildinni að ári er orðin gríðarleg en Akureyri, Haukar og Fylkir eru öll í einum pakka. Með sigri á sunnudaginn gæti ÍR svo blandað sér hressilega í þá baráttu svo leikurinn er afar mikilvægur fyrir bæði lið.

ÍR hélt lífi í þessu tímabili hjá sér í seinasta leik er liðið vann Hauka sannfærandi á heimavelli og koma þeir heitir í þennan leik. Þetta er því seinasti séns fyrir þá á sunnudaginn þegar þeir koma til Akureyrar að spila. Um gengi okkar manna þarf lítið að segja að okkar menn hafa alls ekki farið vel af stað eftir áramót en hins vegar var margt jákvætt gegn Val um seinustu helgi og verður liðið hreinlega að ná toppleik á sunnudaginn.

Akureyri og ÍR hafa mæst tvívegis í vetur. Í fyrri leiknum á Akureyri unnu okkar menn afar sannfærandi sigur í klassaleik 33-24. Í seinni leiknum vann ÍR svo 34-28 eftir að Akureyri hafi leitt 15-18 í hálfleik.

Í liði ÍR er Björgvin Hólmgeirsson lang markahæstur með 105 mörk en hann minnir nokkuð á Einar bróðir sinn, Björgvin er á tuttugusta aldursári. Annar ungur leikmaður Davíð Georgsson hefur verið að skora mikið fyrir liðið en ÍR er með lang yngsta lið deildarinnar. Þeir byggja lang mest á leikmönnum sem hafa komið uppúr yngri flokkunum en fyrrum leikmaður KA Ólafur Sigurgeirsson leikur meðal annars með liðinu.

Eitthvað er um meiðsli hjá Akureyri og örugglega er eitthvað svipað í gangi hjá ÍR en staðreyndin er einfaldlega sú að í svona mikilvægum leikjum þá skipta svoleiðis hlutir engu máli. Ef að menn koma stemmdir til leiks tilbúnir að leggja allt á sig fyrir liðið þá munu þeir vinna leikinn. Svona leikir snúast ekkert endilega um hvað leikmennirnir inni á vellinum heita og hvað þeir geta heldur hvað þeir gera á vellinum. Það er því fyrst og fremst spurning um það hvernig liðin koma tilbúin til leiks á sunnudaginn og hvet ég fólk að mæta á leikinn og styðja okkar menn.

Akureyri - ÍR, sunnudaginn klukkan 16:00 í KA-Heimilinu.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson