Warning: Undefined array key "frettanr" in /web/akhandadmin/public_html/index.php on line 15
Öruggur sigur karlaliðsins á ÍBV - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2007-08

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna




Tölfræði leiksins 
    Akureyri - ÍBV  42-33 (18-17)
N1 deild karla
KA heimilið
3. maí 2008 klukkan: 14:00
Dómarar: Arnar Sigurjónsson og Svavar Pétursson
Umfjöllun

Hödda leiddist ekki á línunni gegn ÍBV

10. maí 2008 - Akureyri handboltafélag skrifar

Öruggur sigur karlaliðsins á ÍBV

Karlalið Akureyrar vann öruggan sigur á Vestmannaeyingum í lokaleik sínum í N1 deildinni sl. laugardag. Leikmönnum Akureyrar gekk þó ekkert alltof vel að slíta sig frá Eyjamönnum framan af leik og höfðu aðeins eins marks forystu í hálfleik 18-17. Friðrik Sigmarsson markvörður Eyjamanna var að verja mjög vel og kunni greinilega vel við sig í KA heimilinu eins og karl faðir hans hér á árum áður (Sigmar Þröstur Óskarsson).

Í síðari hálfleik sýndu leikmenn Akureyrar hins vegar yfirburði sína og völtuðu yfir gestina þannig að lokatölur urðu 42-33.

Ásbjörn Friðriksson var sérstaklega iðinn við kolann í markaskoruninni og skoraði 11 mörk, Andri Snær skoraði 8, Nikolaj 7, Heiðar Þór 5, Björn Óli og Hörður Fannar 4 mörk hvor, Goran, Jónatan og Þorvaldur 1 mark hver.

Sveinbjörn stóð vaktina í markinu í fyrri hálfleik og varði 11 skot. Gleðilegt að hann virðist vera að ná sér af meiðslum en maður átti ekki von á því að hann næði bata fyrir lok leiktíðarinnar.
Elmar Kristjánsson kom í markið í síðari hálfleik og var smástund að finna sig en datt fljótlega í banastuð og átti stórgóðan leik með 12 skot varin.

Hér er hægt að skoða myndir Þóris Tryggvasonar frá leiknum.

Tengdar fréttir

Akureyrarliðið býður upp á fjölskylduskemmtun

2. maí 2008 - Akureyri handboltafélag skrifar

Heljarinnar veisla kringum síðasta leikinn hjá karlaliðinu á laugardag

Á morgun spila strákarnir okkar í Akureyri Handboltafélag sinn síðasta leik á þessu tímabili þegar þeir taka á móti ÍBV. Það má með sanni segja að strákarnir ætli að klára tímabilið með flugeldasýningu. Strákarnir sjálfir hafa séð um allan undirbúning leiksins, eins og auglýsingar og fleira.



Fyrir leik verða grillaðar Goðapylsur og ölgerðin býður upp á gosdrykki. Í hálfleik verður mikið húllum hæ þegar leikmenn Akureyrar munu stjórna mikilli skemmtihátíð. Áhorfendum verður boðið að taka þátt í ýmsum þrautum sem leikmenn hafa skipulagt. Fjölbreytt og skemmtileg verðlaun eru í boði fyrir þáttakendur, þar má m.a. nefna síma, bíómiða, ljósakort, fataúttekt og margt fleira.



Við hvetjum alla til að fjölmenna á síðasta leik Akureyrar í vetur, endilega mæta snemma í pylsur og gos og taka þátt í þessum miklu hátíðarhöldum. Góða skemmtun og áfram Akureyri!


Íslandsmótið klárast á laugardaginn

29. apríl 2008 - Akureyri handboltafélag skrifar

Breyting á leikdegi - Akureyri og ÍBV mætast á laugardag

HSÍ hefur tilkynnt breytingu á síðustu umferð N1-deildar karla. Fyrirhugað var að leikirnir yrðu spilaðir næstkomandi sunnudag en nú hafa þeir flestir verið færðir yfir á laugardag.

Þetta þýðir að karlalið Akureyrar tekur á móti ÍBV á laugardaginn klukkan 14:00 í KA-heimilinu og lýkur þar með N1 deild karlanna.

Strax þar á eftir eða klukkan 16:00 leikur meistaraflokkur kvenna sinn síðasta leik þegar Gróttustúlkur koma norður og er sömuleiðis um að ræða síðustu leiki kvennaliðanna á þessu tímabili.

Það verður því líf og fjör á laugardaginn og handboltaáhugamenn hvattir til að mæta og ná upp góðri stemmingu fyrir sumarfríið í handboltanum.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson