
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2009-10

Úrslit leikja

Deild karla

Ljósmyndir frá leiknum

Textalýsing frá leiknum

Tölfræði leiksins

		Haukar - Akureyri 30-34 (16-10)
		N1 deild karla
		Ásvellir
		Fim 8. apríl 2010 klukkan: 19:30
		Dómarar: Svavar Pétursson og Arnar Sigurjónsson

Umfjöllun

Árni skoraði tíu mörk í kvöld

8. apríl 2010 - Akureyri handboltafélag skrifar

Sigur á Haukum og 3. sæti N1 deildarinnar er tryggt

Akureyri gerði það í kvöld sem trúlega fáir reiknuðu með og sýndi loks sitt rétta andlit að nýju með því að leggja deildarmeistara Hauka á þeirra eigin heimavelli og tryggðu sér sæti í 4 liða úrslitum Íslandsmótsins.

Eftir jafnar upphafsmínútur virtist sem Haukar ætluðu að stinga af í leiknum, breyttu stöðunni úr 3-3 í 8-3 og 9-4. Næstu tvö mörk komu frá Akureyri en þá komu aftur fimm Haukamörk í röð og staðan orðin afleit 14-6 og ekki bætti úr skák að á sama tíma var FH komið með vænlega stöðu gegn HK og Akureyri þar með úr leik í slagnum um sæti í úrslitakeppninni.

Þessi átta marka munur hélst upp í stöðuna 16-8 en Akureyri skoraði tvö mörk á síðustu 20 sekúndum fyrri hálfleiks og því „aðeins“ sex marka munur í hálfleik 16-10.

Eins og þessi lýsing ber með sér var útlitið dökkt, FH tveim mörkum yfir gegn HK þannig að ljóst var að seinni hálfleikur yrði barátta upp á líf og dauða.

Og þvílíkur viðsnúningur, menn mættu tvíefldir til leiks og Jónatan Magnússon fór hamförum, skoraði hvert markið á fætur öðru og eftir átta mínútna leik jafnaði hann leikinn í 20-20. Árni Sigtryggsson komst sömuleiðis í ham og dældi inn mörkum í framhaldinu þannig að á næstu tíu mínútum var Akueryri komið með þriggja marka forystu, 25-28 og þar með gátu menn hætt að spá í stöðuna hjá FH og HK.

Haukarnir náðu að minnka muninn í eitt mark í stöðunni 28-27 en þar með var Akureyringum nóg boðið og þeir kláruðu lokakaflann af öryggi og fóru með fjögurra marka sigur, 30-34.

Þjálfarinn, Rúnar Sigtryggsson tók drjúgan þátt í varnarleiknum og skundaði í sóknina einnig og skoraði tvö mikilvæg mörk, trúlega mark leiksins þegar hann klíndi boltanum í samskeytin um leið og fyrri hálfleikur rann út.

Markaskorunin var annars sem hér segir: Árni Sigtryggsson 10, Jónatan Magnússon 7 (1 víti), Oddur Gretarsson 6 (1 víti), Hörður Fannar Sigtryggsson 3, Geir Guðmundsson, Heimir Árnason og Rúnar Sigtryggsson 2 mörk hver og Halldór Logi Árnason 1 mark.

Hafþór Einarsson stóð í markinu allan tímann, og varði 11 skot.

Þar sem FH sigraði HK er ljóst að Akureyri og HK eru jöfn að stigum en þar sem Akureyri hefur betur í innbyrðisviðureignum liðanna er ljóst að Akureyri endar í 3. Sæti en HK í því fjórða.

Sætum sigri fagnað í kvöld. Hreinn með glæsilega brynju!
Mynd: Hilmar Þór - Sport.is

Á sport.is er hægt að skoða fleiri myndir Hilmars Þórs frá leiknum og lesa umfjöllun Snorra Sturlusonar.

Andstæðingar Akureyrar í 4 liða úrslitunum verða því Valsmenn og kemst það lið sem fyrr vinnur tvo leiki í úrslitarimmuna gegn sigurvegaranum í viðureignum Hauka og HK.

Lokastaðan í deildinni er því þannig

Nr.	Félag	Leikir	U	J	T	Mörk	Hlutfall	Stig		-
1.	Haukar	21	14	2	5	548 : 514	34	30	:	12
2.	Valur	21	12	3	6	518 : 484	34	27	:	15
3.	Akureyri	21	11	2	8	567 : 539	28	24	:	18
4.	HK	21	11	2	8	557 : 538	19	24	:	18
5.	FH	21	11	1	9	577 : 559	18	23	:	19
6.	Fram	21	7	1	13	553 : 579	-26	15	:	27
7.	Grótta	21	7	0	14	523 : 558	-35	14	:	28
8.	Stjarnan	21	5	1	15	497 : 569	-72	11	:	31

Fram bjargaði sér frá falli, Grótta fer í umspil við liðin í 2.-4. sæti fyrstu deildarinnar um sæti í deildinni næsta ár en Stjarnan fellur.

Það eru hinsvegar Selfyssingar sem koma upp í úrvalsdeildina næsta ár.

Tengdar fréttir

Það getur ýmislegt gerst í kvöld

8. apríl 2010 - Akureyri handboltafélag skrifar

Dramatíkin allsráðandi í lokaumferðinni í dag

Það ræðst í kvöld hvort það verður Akureyri eða FH sem komast í 4 liða úrslit Íslandsmóts karla. Akureyri leikur við Hauka í Hafnarfirðinum og þarf nauðsynlega að sigra til að tryggja sig áfram og ekki síður til að sanna fyrir stuðningsmönnum og sjálfum sér að liðið eigi erindi í úrslitakeppnina eftir slakt gengi í síðustu fjórum leikjum.

Síðasta umferð N1 deildarinnar er sem sé í kvöld og hefjast allir leikirnir klukkan 19:30. Í raun hafa allir leikirnir mikla þýðingu, eins og áður segir þarf Akureyri að sigra til að vera öruggt í topp fjóra. FH sækir HK heim og þarf stig út úr leiknum til að komast áfram ef Akureyri vinnur ekki Haukana.
HK sem er öruggt gæti hinsvegar fallið úr 3. sæti niður í það 4. ef þeir tapa fyrir FH og Akureyri vinnur Haukana.
Grótta, sem leikur við Val, þarf stig til að tryggja sæti í deildinni á næsta ári.
Leikur Stjörnunnar og Fram getur orðið mjög afdrifaríkur. Liðið sem tapar fellur úr deildinni og sömuleiðis fellur Stjarnan á jafntefli. Fram á möguleika á að tryggja sæti í deildinni en þá þarf Grótta líka að tapa fyrir Val.

En augu okkar beinast fyrst og fremst að leik Hauka og Akureyrar. Hörður Flóki er í leikbanni og þar af leiðandi ekki með. Hreinn Hauksson nefbrotnaði í síðasta leik og er væntanlega ekki í hópnum í dag. Spurning um Hörð Fannar Sigþórsson en hann missti af HK leiknum vegna ökklameiðsla.

SportTV ætlar ekki að sýna frá leik Hauka og Akureyrar en við erum að skoða hvort við eigum möguleika á að bjóða upp á textalýsingu. Fylgist með hér á síðunni seinna í dag hvort það tekst.

Staðan í deildarkeppni karla

Nr.	Félag	Leikir	U	J	T	Mörk	Hlutfall	Stig		-
1.	Haukar	20	14	2	4	518 : 480	38	30	:	10
2.	Valur	20	11	3	6	493 : 464	29	25	:	15
3.	HK	20	11	2	7	535 : 513	22	24	:	16
4.	Akureyri	20	10	2	8	533 : 509	24	22	:	18
5.	FH	20	10	1	9	552 : 537	15	21	:	19
6.	Grótta	20	7	0	13	503 : 533	-30	14	:	26
7.	Fram	20	6	1	13	529 : 557	-28	13	:	27
8.	Stjarnan	20	5	1	14	475 : 545	-70	11	:	29

Til baka Senda á Facebook

Umsjón og hönnun: Stefán Jóhannsson og Ágúst Stefánsson