Warning: Undefined array key "frettanr" in /web/akhandadmin/public_html/index.php on line 15 Góður sigur í fyrsta leik Íslandsmótins - Akureyri Handboltafélag
Dómarar: Jón Karl Björnsson og Þorleifur Árni Björnsson
Umfjöllun
Tengdar fréttir
Atli ánægður með sína menn
27. september 2011 - Akureyri handboltafélag skrifar
Hvað sögðu menn eftir Aftureldingar leikinn?
Að venju reynum við að safna saman viðtölum við leikmenn og þjálfara eftir leikinn. Ólafur Már Þórisson, omt@mbl.is blaðamaður Morgunblaðsins tók viðtöl við Atla Hilmarsson og Guðmund Hólmar Helgason og birtust þau á mbl.is sem textaviðtöl og einnig sem videóviðtöl
Atli: Vil tileinka Böggu þennan sigur
Atli Hilmarsson, þjálfari Akureyrar, var að vonum ánægður með sigur sinna manna á Aftureldingu í fyrsta leik Íslandsmótsins í handknattleik. Hann sagði erfitt að heimsækja Aftureldingu og minntist viðureignar liðanna á síðustu leiktíð. Þá sagði Atli að þeirra fyrrverandi liðsfélagi, Hafþór Einarsson, hefði verið þeim erfiður í byrjun.
„Maður var aldrei öruggur þó við værum með sex marka forskot í hálfleik,“ sagði Atli en sagðist jafnframt vera ánægður með hvernig liðið kemur til leiks eftir sumarfrí. Hann benti þó á að þetta væri fyrsti leikur Bjarna Fritzsonar en hann náði ekki undirbúningstímabilinu.
Þá fengu Akureyringar slæmar fréttir í dag þegar ljóst var að Heimir Örn Árnason þarf að fara í uppskurð á hné. „Hann þarf að fara í aðgerð í næstu viku. Mér sýndist hnéð fara alveg í dag. Ég hugsa að það verði mánuður sem hann verður frá, ég geri mér þó ekki alveg grein fyrir því.“
Atli tileinkaði svo sigurinn í kvöld Böggu eða Sigurbjörgu Níelsdóttur sem lést í gær, langt fyrir aldur fram. Hún var lengi starfsmaður í KA-heimilinu.
Ólafur ræddi einnig við Guðmund Hólmar
Guðmundur Hólmar: Ældi á bekkinn - „Síðbúin flugveiki“
Guðmundur Hólmar Helgason var næstmarkahæstur hjá Akureyri þegar liðið vann Aftureldingu með ellefu mörkum 31:20 í N1-deildinni í handknattleik. Þetta var fyrsta umferðin og var Guðmundur ánægður með leik sinna manna fyrir utan fyrstu mínúturnar. Þá komst Afturelding í 2:0 og jafnt var á flestum tölum þangað til í stöðunni 7:7. Þá skildi leiðir. „Við vorum mjög ryðgaðir í byrjun enda nýir menn að koma í nýjar stöður,“ sagði Guðmundur Hólmar.
Heimir Örn Árnason verður ekki með liðinu í næstu leikjum en hann þarf að fara í aðgerð á hné. Heimir hefur verið mjög mikilvægur Akureyrarliðinu en Guðmundur segir liðið þurfa að vinna með það sem það hefur og er hvergi banginn. „Við erum með mjög góða menn sem geta komið fyrir utan og þá get ég og fleiri farið á miðjuna. Við leysum það en vissulega er mjög slæmt að missa Heimi í þennan tíma. Við vorum að vona að hann myndi ná leiknum gegn FH en það verður ekki.“ „Það verður spennandi að sjá hvernig hin liðin koma til leiks,“ sagði Guðmundur um veturinn sem framundan er og bætti við: „Gaman að fá að spila á móti Ingimundi landsliðs [Ingimundi Ingimundarsyni], það verður ekki leiðinlegt að láta hann lemja sig aðeins.“
Guðmundur varð fyrir því að æla á varamannabekk Akureyrar þegar aðeins tvær mínútur voru liðnar af seinni hálfleik. Hann lýsti þessu einhvern veginn svona: „Mig byrjar að svima og svo kemur bara ælan upp í háls. Ég bið þá um skiptingu og æli fyrir aftan bekkinn og fer svo út og þá kom aðeins meira. Svo var ég bara góður og fór aftur inn á. Eins og kynnirinn sagði þá var þetta kannski síðbúin flugveiki.“
Mosfellingar hafa ekki verið nein lömb að leika við
26. september 2011 - Akureyri handboltafélag skrifar
Leikur dagsins: Afturelding – Akureyri, textalýsing
N1 deildin rúllar af stað í dag þegar Akureyri Handboltafélag heldur í Mosfellsbæinn og leikur þar við heimamenn í Aftureldingu. Það er ekki laust við að það sé spenna í loftinu enda munum við að Akureyri lenti í mesta basli þar á síðasta tímabili.
Liðin mættust tvívegis á Opna Norðlenska mótinu fyrr í mánuðinum en nú er það ísköld alvaran sem gildir. Bjarni Fritzson, Guðmundur Hólmar Helgason og Ásgeir Jóhann Kristinsson misstu allir af Norðlenska mótinu en verða væntanlega með af fullum krafti í dag. Það kemur síðan í ljós hvort þeir Heimir Örn Árnason fyrirliði, Guðlaugur Arnarsson, Ásgeir Jónsson og Heiðar Þór Aðalsteinsson verði klárir í slaginn en þeir hafa verið tæpir vegna meiðsla.
Geir Guðmundsson er mættur til leiks á ný og lék vel á móti Aftureldingu á Opna Norðlenska í haust
Í liði Aftureldingar mun væntanlega mæða mikið á markverðinum Hafþóri Einarssyni en hann hefur reynst Akureyringum erfiður eftir að hann gekk til liðs við Mosfellinga. Afturelding fékk til liðs við sig tvo Breta fyrir þetta tímabil og verður spennandi að sjá hvernig þeim vegnar í íslenska boltanum.
Við vonumst til að geta verið með beina textalýsingu hér á síðunni frá leiknum, okkar maður verður á staðnum og vonandi verður netsamband í húsinu.
24. september 2011 - Akureyri handboltafélag skrifar
N1 deildin hefst á mánudaginn, útileikur gegn Aftureldingu
Handboltaunnendur geta farið að taka gleði sína á ný en á mánudaginn hefst N1-deild karla á ný. Akureyri Handboltafélag átti frábært tímabil í fyrra þar sem liðið varð deildarmeistari og lék til úrslita í bikarnum og um sjálfan Íslandsmeistaratitilinn.
Norðanmenn senda lítið breytt lið til leiks í vetur. Félagið hefur misst þá Halldór Loga Árnason línumann og varnarmanninn sterka Hrein Þór Hauksson. Halldór samdi við ÍR en Hreinn lagði skóna á hilluna. Í hópinn hafa bæst þeir Ásgeir Jónsson línumaður frá Aftureldingu og hornamaðurinn Heiðar Þór Aðalsteinsson, sem er aftur kominn í raðir norðanmanna.
Þröstur Ernir Viðarsson blaðamaður Vikudags spjallaði við Atla Hilmarsson þjálfara Akureyrar um komandi vetur.
Markmiðið að berjast um alla titlana segir Atli Hilmarsson þjálfari Akureyrar
„Þessi vetur leggst mjög vel í mig. Við erum með svipað lið og í fyrra og ég held að þetta geti orðið spennandi vetur. Við ætlum okkur að vera á svipuðum slóðum og í fyrra,“ segir Atli. Aðspurður hvort stefnan sé sett á Íslandsmeistaratitilinn í ár segir Atli: „Við ætlum okkur að vera í baráttunni um alla titlana í vetur. Það er markmiðið. Það er hins vegar mjög stutt á milli og það má ekki mikið út af bregða. Við ætlum að vera í toppbaráttunni en það verður erfitt að toppa tímabilið í fyrra sem var frábært. Það væri hins vegar gaman að endurtaka þetta en það þarf allt að ganga upp svo það gerist,“ segir Atli og bætir við: „Ef allir haldast heilir getum við farið alla leið.“
Verður jafnara en í fyrra Atli reiknar með að mörg lið muni blanda sér í toppbaráttuna í vetur og nefnir Íslandsmeistarana í FH, HK og Val í því samhengi. „Ég hugsa að FH-ingar verði mjög sterkir. Þótt þeir hafi misst leikmenn frá sér hafa þeir líka bætt við sig. HK heldur sínum mönnum og bætair auk þess við sig þannig að þeir verða öflugir. Ég sá Fram um daginn og þeir líta vel út, sem og Valsararnir. Mér sýnist á öllu að þetta verði jafnara en í fyrra.“
Afturelding í fyrsta leik Akureyri hefur leik á útivelli gegn Aftureldingu í fyrstu umferðinni á mánudaginn kemur. Atli segir mikilvægt að byrja mótið vel. „Þetta er erfiður útivöllur að fara á og við lentum í miklu basli þarna í fyrra. Við þurfum því á öllu okkar að halda til þess að vinna leikinn og við ætlum okkur að sjálfsögðu ekkert annað en að byrja á sigri,“ segir Atli.
Óvíst er hins vegar hvort Atli geti stillt upp sínu sterkasta liði en mikið er um að menn séu tæpir vegna meiðsla í herbúðum Akureyrar. Þeir Heimir Örn Árnason fyrirliði, Guðlaugur Arnarsson, Ásgeir Jónsson og Heiðar Þór Aðalsteinsson eru allir tæpir fyrir fyrsta leikinn.
Úrvalsdeild karla
Senda skilaboð
Vefur KA
Vefur Þór
Fréttaleit
Textalýsing frá leiknum
Tölfræði leiksins 
Senda á Facebook