Warning: Undefined array key "frettanr" in /web/akhandadmin/public_html/index.php on line 15
FH sótti tvö stig í Íþróttahöllina - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2011-12

Leikmenn meistarafl. karla
Úrslit leikja
Deild karla




Ljósmyndir frá leiknum     Myndband frá leiknum      Textalýsing frá leiknum     Tölfræði leiksins 
    Akureyri - FH  20-24 (12-11)
N1 deild karla
Íþróttahöllin
Fim 29. sept 2011 klukkan: 19:00
Dómarar: Anton G. Pálsson og Arnar Sigurjónsson, eftirlitsdómari Kjartan K. Steinbach
Umfjöllun

Hörður Fannar fór meiddur af velli eftir að leikið frábærlega





29. september 2011 - Akureyri handboltafélag skrifar

FH sótti tvö stig í Íþróttahöllina

FH gerði góða ferð norður yfir heiðar er liðið lagði Akureyringa að velli með fjórum mörkum í Höllinni í kvöld en lokatölur urðu 20-24. Akureyri byrjaði leikinn frábærlega og komst í 5-0 en FH-ingar skoruðu ekki mark fyrstu níu mínúturnar. Akureyri hélt forystunni til hálfleiks en eftir það hafði FH betur á öllum vígstöðum. Daniel Freyr Andrésson varði 23 skot í marki FH og var besti maður vallarins en einnig átti fyrirliðinn Baldvin Þorsteinsson flottan leik fyrir FH-inga. Fyrsti sigur Íslandsmeistaranna staðreynd og sigurinn fyllilega verðskuldaður.

Þessi umfjöllun er fengin hjá Þrestir Erni Viðarssyni blaðamanni Vikudags.

Akureyri byrjaði leikinn frábærlega fyrir framan fjölmarga áhorfendur í Höllinni sem létu vel í sér heyra. Það gekk hreinlega allt upp hjá heimamönnum fyrstu mínúturnar og eftir sjö mínútna leik var staðan 5-0. Sveinbjörn Pétursson lokaði markinu og það skipti engu þótt FH fengi vítaköst, Sveinbjörn tók þau líka en hann varði sex skot á fyrstu tíu mínútu.


Sveinbjörn fór á kostum í markinu og ver hér annað af tveim vítum frá Baldvin Þorsteinssyni

Á sama tíma var markvarslan engin hinumegin. Það tók FH-inga níu mínútur tæpar að skora fyrsta markið en það virtist vera það sem þurfti því eftir að ísinn var brotinn kom góður kafli hjá Hafnfirðingum. Daníel Freyr komst í gang í markinu og Baldvin Þorsteinsson dró vagninn í sókninni.

FH skoraði þrjú mörk í röð og breytti stöðunni í 5-3. Þegar fyrri hálfleikur var hálfnaður var staðan 6-4 fyrir heimamenn en þá hafði Akureyri ekki skorað í heilar níu mínútur eða síðan staðan var 5-0. FH tókst að jafna leikinn í fyrsta sinn í stöðunni 10-10 á 27. mínútu en norðanmenn leiddu með einu marki í hálfleik, 12-11.

FH byrjaði seinni hálfleikinn líkt og Akureyri byrjaði þann fyrri og komust gestirnir í fyrsta sinn yfir í leiknum í stöðunni 13-14 eftir 36 mínútna leik og síðan tveimur mörkum yfir 14-16 þegar tíu mínútur voru liðnar af seinni hálfleik. Mikill viðsnúningur en svo virtist sem mesti vindur væri farinn úr heimamönnum eftir frábæra byrjun. FH náði þriggja marka forystu um miðjan seinni hálfleik, 15-18, og nú varð það Daníel Freyr sem lokaði markinu fyrir framan sterka vörn FH-inga og sama tíma lak allt inn hjá Sveinbirni hinumegin. Akureyringar misstu línumanninn Hörð Fannar Sigþórsson útaf um miðjan seinni hálfleikinn og það veikti liðið töluvert varnarlega. FH náði síðan fjögurra marka forystu í stöðunni 15-19 og komst fimm mörkum yfir í stöðunni 16-21 þegar sjö mínútur voru eftir og hlutirnir litu vel út fyrir FH.


Oddur Gretarsson var óvenju rólegur í markaskorun í kvöld

Þegar þrjár mínútur voru eftir skoraði Baldvin Þorsteinsson 24. mark FH og þar með var sigurinn í höfn. Tvö mikilvæg stig í hús hjá FH en það er ljóst að Akureyri þarf að þétta hópinn saman. Útlit er fyrir að Hörður Fannar Sigþórsson verði eitthvað frá vegna meiðsla og þá eru Heimir Örn Árnason fyrirliði og Daníel Einarsson fyrir á sjúkralistanum en norðanmenn söknuðu Heimis mikið í dag.

Mörk Akureyrar: Bjarni Fritzon 5, Geir Guðmundsson 4, Oddur Gretarsson 4, Hörður Fannar Sigþórsson 4, Guðmundur Hólmar Helgason 2 og Jón Heiðar Sigurðsson 1.
Varin skot: Sveinbjörn Pétursson 14 skot (þar af tvö víti) og Stefán Guðnason 5 varin

Mörk FH: Baldvin Þorsteinsson 8 (1 úr víti) Örn Ingi Bjarkarson 5, Ragnar Jóhannsson 3, Ólafur Gústafsson 2, Atli Rúnar Steinþórsson 2, Andri Berg Haraldsson 2, Ari Magnús Þorgeirsson 1, Þorkell Magnússon 1.
Varin skot: Daníel Freyr Andrésson 23.


Sveinbjörn var valinn besti maður Akureyrarliðsins í leiknum




Baldvin Þorsteinsson var valinn besti maður FH liðsins


Tengdar fréttir

Það sjást mörg frábær tilþrif á myndbandinu

2. október 2011 - Akureyri handboltafélag skrifar

Myndband frá leik Akureyrar og FH

Okkur var að berast meðfylgjandi myndband frá leik Akureyrar og FH í síðustu viku. Það er Hákon Ingi Þórisson sem hefur haft veg og vanda að gerð myndbandsins og var bæði myndataka og klipping í hans höndum. Einnig er skotið inn nokkrum ljósmyndum frá Þóri Tryggvasyni.

Við þökkum Hákoni Inga fyrir þetta frábæra framtak og það væri skemmtileg hefð að vinna slíkt efni á öllum heimaleikjunum í vetur.



Smelltu á myndina til að spila myndbandið.


Sendum Herði Fannari kveðjur og ósk um skjótan bata

2. október 2011 - Akureyri handboltafélag skrifar

Hörður Fannar Sigþórsson ristarbrotinn

Nú er komið á daginn að Hörður Fannar Sigþórsson ristarbrotnaði í leiknum gegn FH á fimmtudagskvöldið. Samkvæmt heimildum okkar þá er brotið bein í ristinni og þýðir það að Hörður Fannar verður frá í nokkrar vikur. Hörður fer í frekari myndatökur í vikunni og þá mun væntanlega koma betur í ljós til hvaða aðgerða þarf að grípa og þá jafnframt hvenær Hörður verður leikhæfur á ný.


Hugað að meiðslum Harðar Fannars í leiknum

Það lengist því meiðslalistinn hjá Akureyri Handboltafélagi og var þó ekki á hann bætandi.

Næsti leikur Akureyrar er útileikur gegn Fram í Safamýrinni næstkomandi miðvikudag klukkan 18:30. Samkvæmt heimasíðu SportTV ætlar stöðin að sýna leikinn í beinni.


Toppslagurinn samkvæmt spá spekinganna

29. september 2011 - Akureyri handboltafélag skrifar

Leikur dagsins: Akureyri - FH í textalýsingu

Þá er fyrsti heimaleiksdagurinn runninn upp og mikil tilhlökkun í gangi. Við munum að sjálfsögðu bjóða þeim sem ekki eiga þess kost að mæta á leikinn að fylgjast með beinni textalýsingu hér á heimasíðunni.
Við vitum ekki annað en að FH ingar mæti með sitt sterkasta lið og gerum ráð fyrir hörkuleik.

Við hvetjum alla þá sem eiga færi á að mæta í Höllina, húsið verður opnað um klukkan 18:00 en leikurinn hefst klukkan 19:00.

Fjölmargir hafa orðið sér úti um stuðningsmannaskírteini en fyrir þá sem greiða fyrir einstaka leiki er aðgangseyrinn 1.200 krónur fyrir fullorðna en 500 krónur fyrir 15 ára og yngri. Bendum þó á að handboltaiðkendur í KA og Þór ættu að hafa fengið sérstaka boðsmiða á síðustu æfingu.

Smelltu hér til að skoða beinu lýsinguna sem uppfærist á 15 sekúndna fresti.


Þú losnar við biðröðina fyrir leiki með því að eiga stuðningsmannaskírteini

28. september 2011 - Akureyri handboltafélag skrifar

Minnum á Stuðningsmannaskírteinin 2011-2012

Það verður vafalaust fjör í Íþróttahöllinni á morgun þegar fyrsti heimaleikur tímabilsins rennur upp og andstæðingarnir ekki af lakari sortinni, sjálfir Íslandsmeistararnir í FH sem jafnframt er spáð titlinum í ár.

Það verður gert sérstaklega vel við meðlimi stuðningsmannaklúbbsins fyrir þennan leik. Máltíðin fyrir leik verður dýrindis hamborgarahryggur í boði Norðlenska, en stuðningsmannaherbergið opnar eins og venjulega klukkutíma fyrir leik eða klukkan 18:15.

Þeir sem hafa pantað Stuðningsmannaskírteinið fá það afhent á staðnum og ganga síðan beint í matinn. Þeir sem ekki hafa pantað skírteini geta gert það með því að smella á myndina hér að neðan og flýtt þannig fyrir.

Smelltu hér eða á myndina til að panta stuðningsmannaskírteini.




Einnig er hægt að kaupa það á staðnum.


Skírteinið kostar 20.000 krónur og er aðgöngumiði á alla heimaleiki liðsins í N1 deildinni og einnig að stuðningsmannaherberginu sem opnar klukkutíma fyrir leik en þar er boðið upp á heitan mat og ýmsar veitingar. Í hálfleik eru kaffiveitingar og loks koma menn saman eftir leik með leikmönnum og ræða gang mála.

Tvisvar í vetur verður sérstaklega mikið lagt í matinn fyrir leik og verða þeir leikir auglýstir sérstaklega.

Þeim sem vilja festa sér ákveðið sæti í stuðningsmannastúkunni býðst að ganga frá því fyrir leikinn á morgun.


Íslandsmeistararnir koma í heimsókn á fimmtudag

27. september 2011 - Akureyri handboltafélag skrifar

Stórleikur gegn FH í Höllinni á fimmtudaginn

Það er óhætt að segja að það verði stórleikur í Höllinni á fimmtudaginn þegar Íslandsmeistararnir úr FH mæta til leiks. Viðureignir liðanna frá síðasta tímabili voru margar og klárlega hápunktar tímabilsins.

FH liðinu er spáð Íslandsmeistaratitlinum nú í hinni árlegu spá í upphafi tímabilsins og þeir ætla sér að ná jafngóðum, ef ekki betri árangri en í fyrra. Þó nokkrar breytingar hafa orðið á leikmannahópnum hjá Hafnfirðingum, nokkrir máttarstólpar síðasta tímabils hafa farið s.s. Ásbjörn Friðriksson, Ólafur Guðmundsson og Sigurgeir Árni Ægisson sem allir leika nú erlendis. Auk þeirra eru Benedikt Reynir Kristinsson, Logi Geirsson, Hermann Björnsson, Hjörtur Hinriksson og Sverrir Garðarsson ýmist farnir annað eða hættir. Þá hefur markvörðurinn Pálmar Pétursson tekið sér hvíld frá handbolta um einhvern tíma.

En FH ingar hafa jafnframt fengið til sín öfluga leikmenn eins og Ragnar Jóhannsson frá Selfossi en hann var markakóngur N1 deildarinnar á síðasta tímabili, Andri Berg Haraldsson stórskytta úr Fram og Hjalti Pálmason úr Gróttu hafa einnig gengið til liðs við FH.

Leikmannahópur FH inga er þannig skipaður:
Daníel Andrésson markvörður 22 ára
Sigurður Örn Arnarson markvörður 21 árs
Baldvin Þorsteinsson vinstra horn 28 ára
Bjarki Jónsson vinstra horn 20ára
Þorkell Magnússon vinstra horn 21 árs
Hjalti Pálmason vinstri skytta 30 ára
Ísak Rafnsson vinstri skytta 19 ára
Ólafur Gústafsson vinstri skytta 22 ára
Andri Berg Haraldsson miðja 29 ára
Magnús Óli Magnússon miðja 19 ára
Örn Ingi Bjarkason miðja 21 árs
Halldór Guðjónsson hægri skytta 21 árs
Ragnar Jóhannsson hægri skytta 21 árs
Ari Magnús Þorgeirsson hægra horn 25 ára
Daníel Hansson hægra horn 21 árs
Atli Rúnar Steinþórsson línumaður 31 árs
Sigurður Ágústsson línumaður 21 árs

Lið Akureyrar hefur ekki tekið neinum stökkbreytingum frá síðasta tímabili, línumaðurinn Halldór Logi Árnason gekk til liðs við ÍR og varnarjaxlinn Hreinn Hauksson hefur lagt skóna á hilluna. Í þeirra stað eru komnir Ásgeir Jónsson frá Aftureldingu og Heiðar Þór Aðalsteinsson er kominn til baka eftir að hafa leikið með Val og Gróttu undanfarin tvö tímabil.


Hópurinn sem tók þátt í æfingamótinu í Þýskalandi á dögunum

Akureyrar liðið glímir hins vegar við meiðsli sem stendur, Heimir Örn Árnason er meiddur og bíður aðgerðar, hornamaðurinn Daníel Einarsson er í endurhæfingu eftir aðgerð og nýliðinn, Ásgeir Jónsson er meiddur.

En það er næsta víst að stemmingin í Höllinni verður frábær enda búin að vera löng bið eftir alvöruleik hér norðan heiða.


Til baka    Senda á Facebook

Umsjón og hönnun: Stefán Jóhannsson og Ágúst Stefánsson