Warning: Undefined array key "frettanr" in /web/akhandadmin/public_html/index.php on line 15
Akureyri tapaði fyrir Fram í hörkuleik - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2011-12

Leikmenn meistarafl. karla
Úrslit leikja
Deild karla
Tölfræði leiksins 
    Fram - Akureyri  31-27 (16-16)
N1 deild karla
Framhús
Mið 5. október 2011 klukkan: 18:30
Dómarar: Arnar Sigurjónsson og Svavar Ólafur Pétursson
Umfjöllun

Oddur Gretarsson var maður leiksins í dag

5. október 2011 - Akureyri handboltafélag skrifar

Akureyri tapaði fyrir Fram í hörkuleik

Akureyrarliðið hóf leikinn af miklum krafti og virtist slá Framara út af laginu í byrjun. Akureyri komst í 1-4 og áfram í 4-8 með mörkum í öllum regnbogans litum. Akureyri hélt frumkvæðinu í leiknum, ekki síst með ágengum sóknarleik.

Vörnin réð illa við Sigurður Eggertsson á upphafsmínútunum og hann var reyndar eini Framarinn sem virkilega kvað að á þeim kafla. Í stöðunni 6-9 kom Róbert Aron Hostert inná hjá Fram og hann átti heldur betur eftir að reynast erfiður. Róbert jafnaði leikinn í 13-13 og síðan var jafnt á öllum tölum upp í 16-16 sem urðu hálfleikstölur.

Akureyri byrjaði seinni hálfleikinn vel og komst í 17-19 en þá kom kafli sem í raun gerði út um leikinn. Fram skorar sex mörk í röð og staðan orðin afleit 23-19. Þessi munur hélst um tíma en með góðum kipp tókst Akureyri að minnka muninn í tvö mörk, 26-24 þar kom til frábær markvarsla Sveinbjörns sem skilaði tveim góðum hraðaupphlaupsmörkum í röð.
Akureyri fékk í kjölfarið nokkur úrvalsfæri til að jafna leikinn en Magnús Erlendsson í Frammarkinu varði nokkur dauðafæri í röð þannig að Fram náði að auka muninn aftur í fjögur mörk 28-24 og sá munur hélst til enda en lokatölur urðu 31-27 Fram í vil.

Í heildina var margt mjög jákvætt í leik liðsins, ekki síst í ljósi þess að hópurinn var fáliðaður og nokkrir að spila stöður sem eru ekki vanir. Oddur Gretarsson lék lengst af sem leikstjórnandi og skilaði því hlutverki með mikilli prýði og var klárlega besti maður liðsins í dag.
Guðlaugur Arnarsson var á línunni mestan hluta leiksins en kornungur piltur, Halldór Tryggvason sem var að leika sinn fyrsta meistaraflokksleik í dag, leysti hann af nokkrum sinnum.

Eins og áður segir þá var margt jákvætt í leiknum í dag og klárlega hægt að byggja á honum fyrir næstu leiki.

Mörk Akureyrar: Oddur Gretarsson 8 (3 úr vítum), Bjarni Fritzson 7, Guðmundur Hólmar Helgason 4, Geir Guðmundsson og Guðlaugur Arnarsson 3 mörk hvor, Bergvin Gíslason og Hlynur Matthíasson 1 mark hvor.
Sveinbjörn Pétursson varði 11 skot samkvæmt okkar talningu.

Tengdar fréttir

Það er viðbúið að margir norðanmenn fylgist með útsendingu SportTV í dag

5. október 2011 - Akureyri handboltafélag skrifar

Leikur dagsins: Fram - Akureyri í beinni á SportTV.is

Það er komið að mikilvægum leik í dag þegar Akureyri heldur í Framhúsið og mætir þar heimamönnum sem hafa farið vel af stað í N1 deildinni og sótt fjögur stig í Hafnarfjörðinn þar sem þeir sigruðu bæði FH og Hauka. Það er ljóst að Akureyrarliðið þarf að taka á öllu sínu og því köllum við eftir stuðningi okkar manna á höfuðborgarsvæðinu, ekki veitir ef eftir þau skakkaföll sem leikmannahópurinn hefur þurft að mæta.

Framarar ætla að bjóða upp á grillaða Fabrikkuborgara og drykki fyrir leikinn og segjast kveikja upp í grillinu klukkan 17:30.

Fyrir þá sem heima sitja þá verður leikurinn sýndur beint á vef SportTV.is og hefst útsendingin væntanlega rétt fyrir klukkan 18:30 líkt og leikurinn sjálfur.

Smelltu hér til að fylgjast með útsendingunni.


Nú þarf að taka á öllu sem til er

3. október 2011 - Akureyri handboltafélag skrifar

Akureyri sækir Fram heim á miðvikudaginn

3. umferð N1 deildar karla hefst miðvikudaginn 5. október með leik Fram og Akureyrar. Leikið verður í Framhúsinu í Safamýrinni og hefst leikurinn klukkan 18:30. Framliðið hefur byrjað með miklum glæsibrag og er með fullt hús stiga eftir umferðirnar tvær, útisigrar gegn FH og Haukum þannig að það er eðlilega mikil hamingja í þeirra herbúðum.

Framliðið er töluvert breytt frá síðasta tímabili, nýir leikmenn eru t.d. Ingimundur Ingimundarson, Sigurður Eggertsson, Ægir Hrafn Jónsson svo og markvörðurinn Sebastian Alexandersson.
Frá Fram fóru t.d. bræðurnir Magnús og Hákon Stefánssynir (kenndir við Fagraskóg), Magnús fór til ÍBV og Hákon til Stjörnunnar. Einnig fór línumaðurinn Haraldur Þorvarðarson til Stjörnunnar, skyttan Andri Berg Haraldsson fór til FH svo einhverjir séu nefndir.
Þá urðu þjálfaraskipti, Reynir Þór Reynisson lét af störfum og við tók Einar Jónsson sem hefur stýrt kvennaliði Fram undanfarin ár og gerir enn.

Það er alveg á hreinu að þetta verður erfiður leikur og mikilvægt að stuðningsmenn Akureyrar á höfuðborgarsvæðinu fjölmenni og styðji við sína menn sem hafa fengið að kenna illilega á meiðslum upp á síðkastið og leikmannahópurinn þunnskipaður fyrir vikið.

Samkvæmt heimildum okkar þá mun SportTV sýna leikinn í beinni útsendingu á vefnum og munum við setja inn link á útsendinguna.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson