Dómarar: Arnar Sigurjónsson og Svavar Ólafur Pétursson
Umfjöllun
Tengdar fréttir
Hvaða tromp verða Atli og Sævar með í bakhöndinni í kvöld?
13. október 2011 - Akureyri handboltafélag skrifar
Leikur dagsins: Haukar – Akureyri í beinni textalýsingu
Enn á ný er runninn upp leikdagur, að þessu sinni sækjum við Hauka heim að Ásvöllum í Hafnarfirði. Leikurinn hefst klukkan 18:30 og ef að líkum lætur munu bæði lið leggja allt í sölurnar til að landa sigri í dag.
Sjónvarpsstöðvarnar ætla ekki að vera með leikinn í beinni útsendingu en við höfum gert ráðstafanir til að vera með beina textalýsingu frá leiknum hér á síðunni.
Það þarf ekki að taka það fram að stuðningsmenn Akureyrarliðsins á Höfuðborgarsvæðinu hafa sýnt það á liðinum árum að þeir eru betri en enginn og hvetjum við þá til að fjölmenna á leikinn og taka virkan þátt í baráttunni.
Eins og vanalega þá er einfalt að fylgjast með textalýsingunni, hún opnast á sérstökum glugga og uppfærist sjálfkrafa á 15 sekúndna fresti.
11. október 2011 - Akureyri handboltafélag skrifar
Hreinn Hauksson leggur Akureyri lið á ný
Akureyri Handboltafélag á mikilvægan leik á fimmtudaginn þegar liðið mætir Haukum á Ásvöllum. Eins og alþjóð veit þá eru lykilmenn í Akureyrarliðinu að glíma við meiðsli og verða frá í nokkrar vikur, þannig eru Heimir Örn Árnason og Hörður Fannar Sigþórsson báðir úr leik og nú síðast bættist Heiðar Þór Aðalsteinsson í hópinn, ristarbrotinn. Fyrir voru á meiðslalistanum þeir Daníel Einarsson og Ásgeir Jónsson.
Það var því ljóst að eitthvað varð til bragðs að taka og var brugðið á það ráð að heyra hljóðið í jaxlinum Hreini Haukssyni sem hefur staðið vaktina undanfarin ár með miklum sóma. Hreinn, sem fluttist til Svíþjóðar í sumar þar sem hann stundar, nám hefur haldið sér í góðu formi og brást vel við og kvaðst til í að leggja sín lóð á vogarskálarnar. Hreinn mun því koma til liðs við sína gömlu félaga á fimmtudaginn og klæðast Akureyrarbúningnum á nýjan leik og ekki spurning að hann mun ekki láta sitt eftir liggja í varnarleiknum frekar en endranær.
Hreinn í leik gegn FH síðastliðið vor
Leikir Hauka og Akureyrar hafa alltaf verið baráttuleikir
11. október 2011 - Akureyri handboltafélag skrifar
Útileikur gegn Haukum á fimmtudag
Andstæðingar Akureyrar á fimmtudaginn eru engir aðrir en stórveldið Haukar úr Hafnarfirði. Ekkert félag hefur oftar orðið Íslandsmeistari í karlaflokki frá aldamótum en Haukar. Félagið hampaði m.a. Íslandsmeistarabikarnum þrjú ár í röð 2008, 2009 og 2010 undir stjórn Arons Kristjánssonar.
Aron þjálfaði í Þýskalandi síðastliðið tímabil og en er nú kominn aftur í heimahagana og ætlar sér klárlega að gera betur með liðið en því gekk í fyrra. Haukarnir höfnuðu þá í fimmta sæti deildarinnar og í fyrsta sinn í háa herrans tíð komust þeir ekki í úrslitakeppnina.
Haukunum hefur gengið býsna vel það sem af er, bæði á undirbúningstímabilinu og í upphafi N1 deildarinnar en þeir töpuðu reyndar á heimavelli fyrir Fram í annarri umferðinni.
Nokkrar mannabreytingar hafa orðið hjá Haukum frá síðasta tímabili, skyttan Björgvin Hólmgeirsson og hornamaðurinn Guðmundur Árni Ólafsson eru farnir erlendis og þá lagði reynsluboltinn Einar Örn Jónsson skóna á hilluna.
En Haukarnir hafa líka fengið liðsstyrk, t.d. gekk hornamaðurinn Gylfi Gylfason til liðs við þá eftir 11 ára veru í Þýskalandi. Þá fengu Haukar unga skyttu frá Svartfjallalandi, Nemanja Malovic sem hefur sýnt að hann kann ýmislegt fyrir sér, skoraði t.d. 12 mörk þegar Haukar unnu HK í fyrstu umferðinni.
Eftir þrjár umferðir er Malovic markahæstur þeirra Haukamanna með 15 mörk og Skyttan Stefán Rafn Sigurmannsson næstur með 14 mörk. Stefán var einmitt valinn besti sóknarmaðurinn á Opna Norðlenska mótinu í haust.
Haukarnir eru með öflugan mannskap og verða örugglega erfiðir heim að sækja og því rétt að hvetja Akureyringa sem tök eiga á að drífa sig á Ásvelli á fimmtudaginn, leikurinn hefst klukkan 18:30.
SportTV.is ætlar ekki að sýna leikinn en við vonumst til að geta boðið upp á beina textalýsingu frá leiknum hér á síðunni, nánar um það síðar.
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Textalýsing frá leiknum
Tölfræði leiksins 
En Haukarnir hafa líka fengið liðsstyrk, t.d. gekk hornamaðurinn Gylfi Gylfason til liðs við þá eftir 11 ára veru í Þýskalandi. Þá fengu Haukar unga skyttu frá Svartfjallalandi, Nemanja Malovic sem hefur sýnt að hann kann ýmislegt fyrir sér, skoraði t.d. 12 mörk þegar Haukar unnu HK í fyrstu umferðinni.
Senda á Facebook