Slæmt tap fyrir Haukum í kvöld - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Slæmt tap fyrir Haukum í kvöld - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2011-12

Leikmenn meistarafl. karla

Tölfræði leiksins

		Haukar - Akureyri 26-18 (10-7)
		N1 deild karla
		Schenkerhöllin
		Mán 12. mars 2012 klukkan: 18:30
		Dómarar: Gísli Hlynur Jóhannsson og Hafsteinn Ingibergsson, eftirlitsdómari Kjartan K. Steinbach

Umfjöllun


Bergvin setti tvö mörk gegn Haukum		12. mars 2012 - Akureyri handboltafélag skrifar Slæmt tap fyrir Haukum í kvöld Það var vægast sagt léleg uppskera hjá Akureyrarliðinu í kvöld þegar liðið sótti Hauka heim á Ásvelli. Eftir fína frammistöðu í undanförnum leikjum fékk liðið skell í kvöld þar sem hreinlega ekkert gekk sóknarlega og flestum leikmönnum virtist alveg fyrirmunað að skora hjá landsliðismarkverðinum, Aroni Eðvarðssyni. Klárlega langslakasti leikur liðsins í vetur. Við grípum hér niður í umfjöllun Snorra Sturlusonar á sport.is um leikinn: Því verður seint haldið fram að Haukar og Akureyringar hafi efnt til taumlausrar skemmtisýningar í Schenkerhöllinni að Ásvöllum í kvöld, toppbaráttan virðist hafa sest misvel í menn og haft sérstaklega hamlandi áhrif á sóknarhæfileikana. Akureyringar voru sínu verri hvað þetta varðar, þeir virkuðu taktlitlir meira og minna allan leikinn og mikilvægir póstar voru alltof hlédrægir. Haukar náðu fljótlega undirtökunum í leiknum, án þess þó að sýna einhvern glansleik, og þeir nýttu sér ágæta frammistöðu Arons Rafns í markinu og dapra færanýtingu norðanmanna til góðra verka. Í raun var það ekki góðum varnarleik að þakka, eða kenna, að sóknarleikur liðanna hökti, hvorugt liðanna fann sóknartaktinn í fyrri hálfleik og að því leytinu til reyndi kannski ekkert sérlega mikið á vel útfærðan varnarleik. Haukar tóku kipp undir lok hálfleiksins og rifu sig frá gestunum, en í hálfleik var staðan 10-7 fyrir heimamenn. Bjarni Fritzson var markahæstur Akureyrar í kvöld. Mynd: Snorri Sturluson sport.is Sóknartaktur Haukanna var öllu betri í síðari hálfleik, heimamenn voru miklu viljugri að ráðast til atlögu og ákveðnari í öllum sínum aðgerðum og það skilaði sér í aukinni forystu. Vörn Haukanna var reyndar betri í síðari hálfleiknum líka, Akureyringar fundu alltof fá svör og alltof margir þeirra fóru í feluleik. Ljómandi góð markvarsla Arons virtist líka fylla Akureyringa ótta við að taka af skarið og norðanmenn litu hreinlega alls ekki út fyrir að vera líklegir til stórræðna. Tjörvi stýrði sóknarleik Haukanna af miklum myndarskap, sem ekki er fréttnæmt í sjálfu sér, og fær ekki alltaf það hrós sem hann á skilið, Stefán Rafn lét talsvert til sín taka í sókninni og Sveinn hlóð í nokkrar neglur. Annars var bragurinn á Haukaliðinu ágætur í síðari hálfleik og ljóst að Aronssveinar ætla lítið að gefa eftir í baráttunni um deildarmeistaratitilinn. Akureyringar voru heillum horfnir í þessum leik og það veit ekki á gott þegar meira að segja tryggustu stoðirnar þeirra týna fjölinni sinni. Atli Hilmarsson reynir að berja sína menn áfram. Mynd: Snorri Sturluson sport.is Norðanmenn áttu ágæta kafla í fyrri hálfleik, en þeir voru stuttir og máttlitlir og um miðjan síðari hálfleikinn voru vopnin einfaldlega lögð niður. Haukarnir bættu hægt og bítandi við forystuna og gerðu margt ljómandi vel, eins og þrælöruggur átta marka sigur þeirra ber vott um, lokatölur 26-18 fyrir Hauka. Svo mörg voru þau orð. Mörk Akureyrar: Bjarni Fritzson 6 (3 úr vítum), Oddur Gretarsson 4, Heimir Örn Árnason 3, Bergvin Gíslason 2, Guðmundur Hólmar Helgason 2, Heiðar Þór Aðalsteinsson 1. Sveinbjörn Pétursson varði sextán skot, þar af eitt vítakast. Sveinbjörn fékk brottvísun í leiknum og á meðan stóð Stefán Guðnason í markinu en náði ekki að verja. Bergvin Gíslason sækir og Haukamaðurinn rekinn útaf. Mynd: Snorri Sturluson sport.is Eins og áður segir var þessi leikur afspyrnu lélegur hjá okkar mönnum og væntanlega geta þeir ekki beðið eftir að reka af sér slyðruorðið í næsta leik sem er einmitt heimaleikur gegn toppliði FH en sá leikur verður mánudaginn 19. mars í Íþróttahöllinni.


Tengdar fréttir
Frábært framtak Haukamanna að sýna leikinn beint á netinu		12. mars 2012 - Akureyri handboltafélag skrifar Leikur dagsins: Haukar – Akureyri í beinni útsendingu Leikmenn Akureyrar halda suður í Hafnarfjörð í dag, mánudag og leika þar gegn heimamönnum í Haukum. Leikurinn hefst klukkan 18:30 og leikið er í Schenkerhöllinni sem áður hét reyndar Ásvellir. Eins og allir leikir sem eftir eru þá skiptir hann gríðarmiklu máli í toppbaráttunni. Fyrir leikinn eru Haukar, líkt og FH, einu stigi á undan Akureyri. Það er ljóst að sigurliðið sest allavega tímabundið í toppsæti deildarinnar en leikur FH og Gróttu hefst hálftíma síðar og verður forvitnilegt að sjá hvort Gróttumönnum tekst að endurtaka leikinn frá síðasta leik þegar þeir komu flestum á óvart og lögðu Hauka. Haukarnir mæta örugglega dýrvitlausir í leikinn, ósáttir við sjálfa sig eftir tapið fyrir Gróttu. Akureyrarliðið sem hefur verið á góðu skriði í deildinni má ekkert slaka á því að sæti í úrslitakeppninni er engan veginn tryggt. Bein útsending frá Haukar-TV Við höfum nú fengið staðfest að leikurinn verður sýndur beint á Haukar-TV og ætti útsendingin að birtast hér þegar leikurinn hefst eða um klukkan 18:30 Aðrir leikir í kvöld eru FH – Grótta svo og Afturelding – HK. Þessir leikir skipta svo sannarlega máli líka, FH og HK vilja ekki misstíga sig í toppbaráttunni og sömuleiðis þarf Grótta á sigri að halda til að halda lífi í voninni um að forðast beint fall úr deildinni. Einnig er hér hægt að fylgjast með beinni textalýsingu Vísir.is sem opnast í sér glugga.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics