Warning: Undefined array key "frettanr" in /web/akhandadmin/public_html/index.php on line 15
Akureyri lokaði á Framara og vann sigur - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan





Warning: Undefined array key -1 in /web/akhandadmin/public_html/leikjaefnishaus.php on line 26

Warning: Trying to access array offset on value of type null in /web/akhandadmin/public_html/leikjaefnishaus.php on line 26

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 43

Warning: Trying to access array offset on value of type null in /web/akhandadmin/public_html/leikjaefnishaus.php on line 43

Warning: Undefined array key -1 in /web/akhandadmin/public_html/leikjaefnishaus.php on line 44

Warning: Trying to access array offset on value of type null in /web/akhandadmin/public_html/leikjaefnishaus.php on line 44

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 46

Warning: Trying to access array offset on value of type null in /web/akhandadmin/public_html/leikjaefnishaus.php on line 46
     -    ()
klukkan:
Dómarar:
Umfjöllun

Elías Már átti glimrandi leik í dag



11. október 2014 - Akureyri handboltafélag skrifar

Akureyri lokaði á Framara og vann sigur

Akureyri mætti norður í Safamýrina í lokaleik 6. umferðar Olís Deildarinnar. Fram hafði tapað illa gegn HK í síðasta leik á meðan Akureyri tapaði naumlega fyrir ÍBV á heimavelli. Fram einungis með 2 stig og Akureyri 4, það var því ansi mikilvægt fyrir bæði lið að vinna sigur í þessum leik.

Akureyri byrjaði leikinn virkilega vel, vörnin var fantasterk og sóknin var að virka. Eftir 8 mínútna leik var staðan 2-5 og ekkert sem benti til annars en að Akureyri myndi bæta við forskotið. Þá fór hinsvegar vörnin að hiksta aðeins og sóknin missti marks, Framarar nýttu sér þetta og komust 9-7 yfir. Akureyri náði að minnka muninn í 10-9 áður en flautað var til hálfleiks. Kristófer markvörður Fram var mjög góður í fyrri hálfleiknum og var kominn með 10 varin skot.

Síðari hálfleikur hinsvegar byrjaði ákaflega vel hjá okkar mönnum, vörnin lokaði enn betur og Tomas hrökk í gang í markinu. Sóknarleikurinn fór að líta betur út og Sissi sem hafði lítið látið til sín taka náði að setja inn nokkur mörk. Akureyri komst í 10-13 og eftir það var í raun ljóst að Akureyri væri með leikinn í sínum höndum. Fram minnkaði muninn einu sinni niður í eitt mark en þá gáfu okkar menn bara aftur í og náðu fimm marka forskoti 15-20 þegar tíu mínútur voru eftir.


Vörn og markvarsla stóðu fyrir sínu í dag. Mynd: Eyjólfur Garðarsson, Sport.is

Á lokamínútum leiksins gekk liðunum erfiðlega að skora og á endanum vannst sigur 17-23. Sóknarlega var liðið ansi reikandi, á löngum köflum leit sóknarleikurinn ansi illa út og ekkert gekk. Hinsvegar komu frábærir kaflar þar sem tókst að splundra vörn Framara og fá auðveld mörk. Varnarleikurinn var heilt yfir alveg frábær og Tomas átti mjög góðan leik og endaði með 21 varið skot.

Þá verð ég að minnast á að Elías Már Halldórsson var virkilega góður í þessum leik og mjög ánægjulegt að sjá hann komast í gang. Elías var markahæstur okkar manna með 7 mörk, en ekki má gleyma frábærri innkomu Sigþórs í seinni hálfleik þar sem hann skoraði öll sín 5 mörk.


Elías Már Halldórsson átti frábæran leik í dag. Mynd: Eyjólfur Garðarsson, Sport.is

Eitt er þó víst, ef vörnin verður áfram svona og ef Tomas nær að halda stöðugleika í markinu þá mun Akureyri ná að hala inn ansi mörgum stigum í næstu leikjum.

Þá verð ég líka að minnast á frábæra stuðningsmenn Akureyrar í dag, það var mættur góður fjöldi af Akureyringum í stúkuna sem létu vel í sér heyra. Akureyri gjörsamlega átti stúkuna og var frábært að sjá strákana fagna sigrinum fyrir framan okkar áhorfendur.

Sjá myndir frá leiknum á sport.is.


Tengdar fréttir

Frábærar myndir að venju frá Þóri

15. október 2014 - Akureyri handboltafélag skrifar

Glæsileg myndasyrpa frá leik Fram og Akureyrar

Þórir Tryggvason brá sér suður um síðustu helgi og fylgdist með sigri Akureyrar á Fram í Safamýrinni. Að venju var myndavélin með í för og Þórir sendi okkur 60 myndir frá leiknum og stemmingunni í stúkunni.


Fagnað með tilþrifum


Kunnugleg andlit meðal áhorfenda


Akureyri átti fjölmarga stuðningsmenn í Framhúsinu


Góðum útisigri fagnað í leikslok


Það verður að þakka fyrir dyggan stuðning úr stúkunni

Smelltu hér til að skoða allar myndir Þóris frá leiknumr



Elías Már fór á kostum í leiknum með sjö mörk

12. október 2014 - Akureyri handboltafélag skrifar

Viðtöl eftir leikinn gegn Fram

Fjölmiðlar landsins fóru á stúfana eftir sigurleik Akureyrar gegn Fram í Safamýrinni í gær. Hér á eftir fara viðtöl sem við fundum á mbl.is, visir.is, fimmeinn.is og sport.is. Byrjum á viðtölum Guðmundar Tómasar Sigfússonar, fréttamanns á fimmeinn.is við leikmennina Elías Má Halldórsson, Heiðar Þór Aðalsteinsson og Kristófer Fannar Guðmundsson markvörð Fram:

Elías Már: Mesta pressan hefur komið frá sjálfum mér

Elías Már leikmaður Akureyrar átti frábæran leik og var sáttur með stigin tvö sem hann sagði mikilvæg þar sem liðin væru að kroppa stig af hvort öðru. Hann talaði um þá pressu sem oft fylgir leikmönnum sem fengnir eru yfir í önnur lið, sú pressa sem hann finndi fyrir kæmi mest frá sjálfum sér.

Heiðar Þór: Keyrðum yfir þá í seinni

Heiðar Þór Aðalsteinsson, vinstri hornamaður Akureyrar, var að vonum sáttur með sex marka sigur í Safamýrinni í kvöld. Heiðar skoraði fjögur mörk í leiknum.
Akureyri var einu marki undir í hálfleik en með frábærum varnarleik í síðari hálfleik tókst liðinu að sigra.
„Þetta var erfið fæðing, við byrjuðum þokkalega en leyfðum þeim að ná okkur. Í síðari hálfleik fannst mér þetta aldrei vera spurning, vörnin var eins og klettur og við keyrðum bara yfir þá í seinni,“ sagði Heiðar Þór en hann var sammála fréttamanni að þetta væri fyrsti leikurinn þar sem vörnin smellur vel saman.

Kristófer Fannar: Súrt og leiðinlegt

Kristófer Fannar Guðmundsson, markvörður Fram, sagðist vera nánast orðlaus eftir tap liðsins gegn Akureyri í heimavelli í dag.
Framarar leiddu með einu marki í hálfleik en áttu ömurlegan síðari hálfleik og töpuðu með sex mörkum. Kristófer varði tvö vítaköst og alls fjórtán skot í leiknum.
Sóknarleikur Framara var áhyggjuefni liðsins í síðari hálfleik en þeir skoruðu einungis sjö mörk á síðustu 30 mínútunum.
„Þetta er ótrúlega súrt og leiðinlegt, við erum búnir að vera að byrja leikina frekar illa en höfum alltaf komist inn í leikinn. Við þurfum að slípa þetta mun betur saman,“ sagði Kristófer eftir leikinn en hann sagði nokkra kafla vera góða í varnarleiknum og fannst hann fá á sig mikið af opnum færum.




Ingvi Þór Sæmundsson, blaðamaður á visir.is ræddi við Sverre Andreas Jakobsson, spilandi þjálfara Akureyrar og Stefán Baldvin Stefánsson leikmann Fram:

Sverre: Vont andrúmsloft í síðasta leik

Sverre Jakobsson, annar þjálfara og leikmaður Akureyrar, var ánægður með varnarleik Norðanmanna í leiknum gegn Fram.

„Varnarleikurinn var góður lengst af í leiknum. Við náðum að loka á nokkur göt í seinni hálfleik. Stefán Baldvin komst þrisvar auðveldlega í gegn í fyrri hálfleik, en við stoppuðum það í seinni hálfleik,“ sagði Sverre sem sagði að stemmningin í liði Akureyrar hefði verið betri í seinni hálfleik.

„Við náðum nokkrum hraðaupphlaupum, nokkrum auðveldum mörkum og svo náðum við að byggja upp stemmningu í liðinu. Og það skilaði sér.
„Við vorum aðeins of yfirspenntir í fyrri hálfleik. Við vorum búnir að tapa tveimur leikjum í röð, og það á heimavelli, og við lögðum mikla pressu á okkur fyrir þennan leik. Menn þurftu tíma til að finna sig og við náðum hrollinum úr okkur fyrir seinni hálfleikinn,“ sagði Sverre sem var þó óánægður með hvernig Akureyri spilaði þegar liðið var í yfirtölu.

„Það var eina sem ég var ósáttur með. Við sýndum smá veikleika þar. Við nýttum yfirtöluna í sókninni ekki eins og við vildum, en ég er heilt yfir stoltur af frammistöðu liðsins í dag.“

Stemmningin í liði Akureyrar virðist mjög góð, en leikmenn liðsins fögnuðu hverju stoppi í vörninni eins og þeir væru að fagna heimsmeistaratitli. Sverre segir þennan góða anda í liðinu mikilvægan.
„Við runnum á rassinn í síðasta leik (gegn ÍBV). Þá var engin stemmning og vont andrúmsloft, verð ég bara að segja. Við töpuðum kannski okkar karaktereinkennum og það á heimavelli. En við ræddum þetta og hver einasti kjaftur vildi bæta fyrir Eyjaleikinn og þegar maður leggur svona mikið á sig, uppsker maður oft í samræmi við það,“ sagði Sverre að lokum.

Stefán Baldvin: Spiluðum fína vörn lengst af

Stefán Baldvin Stefánsson, leikmaður Fram, var að vonum ósáttur með úrslit leiksins.
„Við vorum að spila fína vörn lengst af, en sóknarleikurinn var ekki góður. Við misstum boltann of auðveldlega, tókum léleg skot og þeir fengu hraðaupphlaup og náðu upp forystu sem þeir létu ekki af hendi,“ sagði Stefán sem þurfti að spila hægra megin fyrir utan vegna meiðsla örvhentra leikmanna Fram.
„Við vorum að spila með einn sem er 1,50 fyrir utan og það var lítil skotógn hjá okkur. Það hamlaði sóknarleiknum,“ sagði Stefán sem hefur, þrátt fyrir fimm tapleiki í röð, trú á leikmannahópi Fram.

„Þetta er góður hópur, en það er ekki gott að tapa svona mörgum leikjum í röð. Við verðum að skoða hvað fór úrskeiðis og laga það síðan í næstu leikjum.“


Ívar Benediktsson, blaðamaður mbl.is ræddi sömuleiðis við þá Sverre og Stefán Baldvin eftir leikinn:

Sverre: Gaman að vinna

„Við gerðum aldrei ráð fyrir vinna leikinn í fyrri hálfleik. Fram er með hörkulið og skynsama stráka. Við vorum svolítið spenntir í fyrri hálfleik eftir tvo tapleiki á heimavelli. Þar af leiðandi var talsvert undir hjá okkur að snúa þessari þróun við,' sagði Sverre Andreas Jakobsson, annar þjálfari Akureyrar handboltafélags eftir sigur liðsins á Fram, 23:17, lokaleik 6. umferða Olís-deildarinnar í handknattleik í Framhúsinu í dag.
„Við náðum að snúa stemningunni okkar í hag síðari hálfleik. Við vorum í meðbyr og hlutirnir voru að detta með okkur. Það var svo sannarlega gaman að vinna,' sagði Sverre sem auk þess að vera annar þjálfari Akureyrarliðsins leikur einnig með því.
Nánar er rætt við Sverre á meðfylgjandi myndskeiði.



Stefán: Slæmu kaflarnir ganga frá okkur

„Okkar vantar alltaf einhver herslumun. Í hverjum leik koma einhverjir slæmir kaflar þar sem við missum liðin fram úr okkur. Svo var einnig í dag,' sagði hinn leikreyndi leikmaður Fram, Stefán Baldvin Stefánsson, eftir fimmta tap Fram-liðsins í röð í sex leikjum í Olís-deildinni. Að þessu sinni fyrir Akureyri á heimavelli, 23:17.

„Þessi kaflar koma í hverjum leik og þeir ganga frá okkur. HK-leikurinn um daginn var slakur frá upphafi til enda. Í öðrum leikjum hafa komið slæmir kaflar sem gengið hafa frá okkur. Það átti sér meðal annars stað í dag,' sagði Stefán Baldvin sem lék í stöðu skyttu hægra megin en Fram-liðið er alveg á örvhentrar skyttu eftir Elías Bóasson og Ólafur Ægir Ólafsson beinbrotnuðu báðir.

„Leikmannahópurinn er þunnskipaður vegna meiðsla en þátt fyrir það verðum við að laga það sem upp á vantar,' segir Stefán Baldvin Stefánsson en nánar er rætt við hann á meðfylgjandi myndskeiði.



Að endingu eru hér viðtöl Þorsteins Hauks Harðarsonar við þjálfarana Sverre og Guðlaug Arnarsson en þau birtust á sport.is:

Sverre Jakobsson: Mér fannst gaman

Varnarjaxlinn Sverre Jakobsson var góður í liði Akureyringa í sigrinum gegn Fram. Hann ræddi við okkur eftir leikinn.

Guðlaugur Arnarsson: Þurfum að kveikja á okkur fyrr

Guðlaugur Arnarsson, þjálfari Fram, var skiljanlega svekktur með tapið gegn Akureyringum.



Fyrirliðinn orðinn leikjahæstur





11. október 2014 - Akureyri handboltafélag skrifar

Andri Snær orðinn leikjahæstur í sögu Akureyrar

Með sigurleiknum í dag Fram varð fyrirliði okkar, Andri Snær Stefánsson, leikjahæsti leikmaður Akureyrar Handboltafélags. Leikurinn var sá 156. í röðinni fyrir félagið sem stofnað var árið 2006 við sameiningu handknattleiksdeildar KA og Þórs. Andri Snær er á sínu áttunda tímabili með liðinu en hann hefur spilað með liðinu frá upphafi fyrir utan eitt og hálft tímabil þar sem hann lék með liði Odder í Danmörku.

Við óskum Andra Snæ til hamingju með þetta afrek og vonum að hann nái að bæta ansi mörgum leikjum við þetta met.

Hörður Fannar Sigþórsson átti metið en hann lék 155 leiki fyrir félagið áður en hann flutti til Færeyja þar sem hann leikur með liði Kyndils.


Andri skorar í 156. leiknum. Mynd: Eyjólfur Garðarsson, Sport.is



Það er kominn tími á sigur í Safamýrinni

11. október 2014 - Akureyri handboltafélag skrifar

Útileikur gegn Fram í dag - textalýsing

Eftir þrjá heimaleiki í röð er komið að útileik hjá Akureyri Handboltafélagi en liðið mætir í Framhúsið í Safamýrinni í dag. Þar ræður ríkjum enginn annar en góðkunningi okkar Guðlaugur Arnarsson sem lék um nokkurra ára skeið með Akureyri.


Guðlaugur stýrir hér sínum mönnum á Opna Norðlenska í september

Þetta er annað árið hjá Guðlaugi sem þjálfari Fram en Gulli náði í raun frábærum árangri með ungt liðí fyrra og blésu Framarar á alla spádóma og voru virkilega óheppnir að ná ekki í úrslitakeppnina síðastliðið vor.

Ungu mennirnir eru ári eldri og reyndari nú og í raun ekki miklar breytingar á liðinu frá því í fyrra. Danski markvörðurinn Stephen Nielsen færði sig þó yfir í Val, leikstjórnandinn Sigfús Páll Sigfússon flutti til Japan og varnartröllið og skyttan Sveinn Þorgeirsson leikur nú með Fjölni í 1. deild.
Á móti fengu Framarar markvörðinn Kristófer Fannar Guðmundsson frá ÍR, örvhenta skyttan Ólafur Ægir Ólafsson kom frá Gróttu og Þröstur Bjarkason flutti heim eftir að hafa leikið í neðri deild í Þýskalandi.

Reynsluboltinn í ungu liði Framara er hornamaðurinn Stefán Baldvin Stefánsson sem aldrei gefst upp og er jafnan drjúgur í markaskorun. Nafni hans skyttan Stefán Darri Þórsson er gríðarlega mikilvægur, það sáum við t.d. á Opna Norðlenska mótinu hér í haust þar sem hann var valinn besti leikmaður mótsins. Línumaðurinn Garðar Sigurjónsson var markahæstur Framara á síðustu leiktíð og er það raunar líka núna eftir fimm leiki.
Í samantekt vefsíðunnar fimmeinn.is yfir markvörslu í fjórum fyrstu umferðum Olís-deildarinnar var Kristófer með flesta varða bolta þannig að hann er búinn að standa fyrir sínu og líklega einn mikilvægasti leikmaður liðsins.


Norðanpilturinn Ólafur Magnússon leikur í hægra horninu hjá Fram

Fram byrjaði á því að sigra Hauka í fyrstu umferðinni, 22-21 og komu trúlega ýmsum á óvart með þeirri frammistöðu. Síðan hafa komið fjórir ósigrar, fyrst á heimavelli gegn FH 24-28, þá á útivelli gegn ÍR 26-22, aftur á heimavelli gegn Aftureldingu 22-27 og í síðustu umferð tapaði Fram illa á útivelli gegn HK 31-22.

Þetta lítur ef til vill ekki vel út en rétt að hafa í huga að lengst af spiluðu Framarar mjög vel bæði á móti ÍR og FH þannig að enginnn skyldi vanmeta Framara.

Framarar hafa verið óheppnir með meiðsli það sem af er tímabilsins, Elías Bóasson meiddist á ökkla í fyrsta leiknum gegn Haukum og hefur ekki verið með síðan. Stefán Darri Þórsson hefur veriði meiddur og misst af tveim síðustu leikjum. Til viðbótar meiddist skyttan Ólafur Ægir Ólafsson illa í leiknum gegn HK og talið að hann verði ekki leikhæfur á næstunni. Við óskum þeim öllum góðs bata og sjáum til hverjir verða komnir í stand á laugardaginn.

Markahæstu leikmenn Fram það sem af er tímabilsins:
Garðar Benedikt Sigurjónsson 21 mark
Sigurður Örn Þorsteinsson 20 mörk
Stefán Baldvin Stefánsson 14 mörk
Stefán Darri Þórsson 14 mörk (eftir 3 leiki)
Ólafur Ægir Ólafsson 13 mörk

Fram liðið hefur leikið á köflum fínan handbolta en svo hafa komið kaflar þar sem ekkert hefur gengið, og var leikurinn gegn HK einmitt mikil vonbrigði. En einkenni Framara hefur einmitt verið mikil barátta og dugnaður þannig að sá leikur hefur örugglega verið þeim víti til varnaðar og munu þeir án efa mæta af fullum krafti til leiks í dag til að sanna sig fyrir sínum stuðningsmönnum á ný.

Akureyrarliðið þarf á sama hátt að mæta af fullum krafti í leikinn eftir tvo nauma ósigra á heimavelli og sýna hvað í því býr. Liðin mættust þrisvar í fyrra, einu sinni í Höllinni og tvisvar í Safamýrinni og unnust allir þessir leikir á heimavelli. Það er því kominn tími á að Akureyri sæki stig í Safamýrina.

Leikurinn hefst klukkan 15:00, því miður virðist ekki vera á dagskrá hjá RUV að sýna leikinn í sjónvarpinu en heimasíðan verður með beina textalýsingu frá leiknum. Við hvetjum að sjálfsögðu stuðningsmenn á höfuðborgarsvæðinu til að fjölmenna á leikinn og styðja strákana. Þeim sem ekki komast bendum við á lýsinguna hér á heimasíðunni.

Við rifjum hér upp myndband með mögnuðum tilþrifum úr leik liðanna í Safamýrinni í fyrra:



Meistaraflokkur Akureyrar mætir Fram á laugardaginn

8. október 2014 - Akureyri handboltafélag skrifar

Öll karlalið Akureyrar leika á útivöllum um helgina

Það má með sanni segja að handboltamenn á Akureyri verði á faraldsfæti um helgina, liðin spila fimm leiki, alla á útivöllum. Meistaraflokkur Akureyrar mætir Fram í Olís-deild karla, leikurinn er í Framhúsinu í Safamýri klukkan 15:00 á laugardaginn.

Fram byrjaði með látum á heimavelli í fyrstu umferð og vann sigur á Haukum 22-21 en hafa síðan tapað fjórum leikjum í röð.
Fram tapaði á heimavelli fyrir FH 24-28, á útivelli gegn ÍR 26-22, á heimavelli gegn Aftureldingu 22-27 og í síðustu umferð á útivelli gegn HK 31-22. Þannig að það má búast við að Guðlaugur Arnarsson, þjálfari Fram leggi allt í sölurnar til að snúa þessari þróun við á laugardaginn. Að sjálfsögðu gildir það sama um Akureyri sem örugglega ætlar sér sigur eftir tap í síðustu tveim leikjum. Nánar um þann leik síðar.

Strákarnir í 2. flokki Akureyrar spila tvo leiki, fyrst á föstudaginn klukkan 18:00 gegn Val í Vodafone höllinni og daginn eftir gegn FH/ÍH í Kaplakrika en sá leikur hefst klukkan 12:30 á laugardag.
2. flokkur Akureyrar á erfitt verkefni fyrir höndum en þeirra leikir eru liður í forkeppni um sæti í efri deildinni í vetur. Liðið er með 2 stig eftir þrjá leiki, Valur er með 4 stig eftir tvo leiki og FH/ÍH með 2 stig eftir tvo leiki, töpuðu fyrir Val 28-24.

Hamrarnir eiga útileik í 1. deild karla á föstudagskvöldið klukkan 19:30 en þeir mæta Þrótti í Laugardalshöllinni og mæta síðan ÍH á laugardaginn klukkan 16:30 í Kaplakrika.
Hamrarnir unnu góðan sigur á ÍH hér á heimavelli í síðustu umferð, 27-22 og eru með 2 stig eftir þrjá leiki. Þróttur hefur náð sér í eitt stig í þrem leikum en þeir gerðu jafntefli við Míluna á Selfossi 24-24 um síðustu helgi.

Leikir Akureyrarliðanna um helgina eru þannig í tímaröð:
Föstudaginn 10. október klukkan 18:00 í Vodafone höllinni Valur - Akureyri, 2. flokkur karla
Föstudaginn 10. október klukkan 19:30 í Laugardalshöll Þróttur – Hamrarnir, 1. deild karla
Laugardaginn 11. október klukkan 12:30 í Kaplakrika FH/ÍH - Akureyri H, 2. flokkur karla
Laugardaginn 11. október klukkan 15:00 í Framhúsinu Fram – Akureyri, Olís-deild karla.
Laugardaginn 11. október klukkan 16:30 í Kaplakrika ÍH – Hamrarnir, 1. deild karla.

Eins og kunnugt er þá leika margir strákar úr 2. flokki einnig með Hömrunum þannig að það er ljóst að föstudagskvöldið verður erfitt þar sem enginn tími er í raun á milli leikjanna, það verður forvitnilegt að sjá hvernig þjálfarar liðanna leysa úr þeim vanda.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson