Warning: Undefined array key "frettanr" in /web/akhandadmin/public_html/index.php on line 15
Kaflaskiptur leikur gegn ÍR - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan

Warning: Undefined array key -1 in /web/akhandadmin/public_html/leikjaefnishaus.php on line 26

Warning: Trying to access array offset on value of type null in /web/akhandadmin/public_html/leikjaefnishaus.php on line 26

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 40

Warning: Trying to access array offset on value of type null in /web/akhandadmin/public_html/leikjaefnishaus.php on line 40

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 42

Warning: Trying to access array offset on value of type null in /web/akhandadmin/public_html/leikjaefnishaus.php on line 42

Warning: Undefined array key -1 in /web/akhandadmin/public_html/leikjaefnishaus.php on line 43

Warning: Trying to access array offset on value of type null in /web/akhandadmin/public_html/leikjaefnishaus.php on line 43

Warning: Undefined array key -1 in /web/akhandadmin/public_html/leikjaefnishaus.php on line 44

Warning: Trying to access array offset on value of type null in /web/akhandadmin/public_html/leikjaefnishaus.php on line 44

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 45

Warning: Trying to access array offset on value of type null in /web/akhandadmin/public_html/leikjaefnishaus.php on line 45

Warning: Undefined array key -1 in /web/akhandadmin/public_html/leikjaefnishaus.php on line 46

Warning: Trying to access array offset on value of type null in /web/akhandadmin/public_html/leikjaefnishaus.php on line 46
     -    ()
klukkan:
Dómarar:
Umfjöllun

Bjarki Símonarson kom sterkur til leiks

27. október 2014 - Akureyri handboltafélag skrifar

Kaflaskiptur leikur gegn ÍR

Akureyri mætti í Austurberg ÍR-inga á laugardaginn staðráðnir í að snúa gæfuhjólinu sér í vil. Akureyri byrjaði með aukamann í sókninni sem virtist gefa góða raun, Kristján Orri fékk góðar opnanir í hægra horninu og skoraði fyrstu tvö mörk liðsins en jafnt var 2-2 í upphafi. Í stöðunni 3-2 fyrir ÍR tapaðist boltinn í sókninni og ÍR refsaði með marki, yfir völlinn í autt markið. Og þar með var þessari tilraun samstundis hætt.

ÍR náði þriggja marka forskoti, komst í 5-2 en með góðum kafla jafnaði Akureyri í 5-5 þar sem Kristján Orri skoraði fjögur af þessum mörkum.
Liðið náði því miður ekki að fylgja þessu eftir og við tók afar slæmur kafli þar sem ÍR skoraði átta mörk gegn einu og staðan orðin 13-6 fyrir heimamenn. Sá munur hélst nokkurn vegin til leikhlés en forysta ÍR í hálfleik var sex mörk, 18-12.

Á þessum dapra kafla gekk hreinlega ekkert upp, sóknin var máttlítil, vörnin engan vegin að virka og Tomas fann sig ekki í markinu. Spurning hvort ekki hefði mátt halda áfram með aukamanninn í sókninni því þrátt fyrir ein mistök þá vissulega skilaði það nokkrum úrvalsfærum.

Í seinni hálfleik kom Bjarki Símonarson, Símó í markið og gaf strax tóninn með fínum vörslum. Mjög vafasamt atvik varð eftir tveggja mínútna leik í hálfleiknum þegar Kristján Orri fékk að líta beint rautt spjald fyrir að rekast í Sturlu Ásgeirsson í hraðaupphlaupi. Vægast sagt harkalegur dómur því hvert mannsbarn í húsinu sá að um klárt óviljaverk var að ræða. Kristján hafði farið á kostum í leiknum og skorað alls sex mörk þegar hér var komið sögu.

ÍR hélt forskotinu fyrstu tíu mínútur hálfleiksins, staðan þá 23-16 en þá loksins mætti Akureyrarliðið til leiks á ný og náði frábærum kafla sem liðið vann 7-2, munurinn kominn í tvö mörk, 25-23 og komin spenna í húsið.

En Adam var ekki lengi í paradís því ÍR ingar fengu í kjölfarið tvö afar ódýr vítaköst og náðu fjögurra marka forskoti á ný sem ekki tókst að vinna niður að gagni og lauk leiknum með fjögurra marka sigri ÍR inga 32-28.

Leikurinn tapaðist klárlega í fyrri hálfleiknum en jákvætt að liðið kom til baka í seinni hálfleik og í sjálfu sér vantaði ekki mikið upp á að stela a.m.k. stigi í lokin. Sóknarleikurinn í fyrri hálfleik var lengst af skelfilegur og lítil sem engin ógn frá skyttunum, þannig kom einungis eitt mark í fyrri hálfleik úr skoti fyrir utan, öll hin komu úr hornunum eða af línunni.

Sóknarleikurinn breyttist til batnaðar í seinni hálfleik þar sem Bergvin, Sissi og Brynjar Hólm voru mjög ógnandi. Mestu munaði þó um flottan leik hjá Símó í markinu og má segja að innkoma hans í leikinn hafi verið vendipunkturinn.

Mörk Akureyrar: Kristján Orri Jóhannsson 6 (1 úr víti), Andri Snær Stefánsson 5 (2 úr vítum), Bergvin Þór Gíslason 4, Sigþór Árni Heimisson 3, Þrándur Gíslason 3, Brynjar Hólm Grétarsson 2, Daníel Örn Einarsson 2, Sverre Andreas Jakobsson 2 og Ingimundur Ingimundarson 1 mark.
Tomas Olason varði 5 skot í fyrri hálfleik en Bjarki Símonarson 10 í seinni hálfleik og er maður leiksins hjá Akureyrarliðinu.

Mörk ÍR:Björgvin Hólmgeirsson 14 (6 úr vítum), Sturla Ásgeirsson 5 (1 úr víti), Davíð Georgsson 5 , Bjarni Fritzson 4, Arnar Birkir Hálfdánsson 1, Ingi Rafn Róbertsson 1, Jón Heiðar Gunnarsson 1 og Sigurjón Friðbjörn Björnsson 1.
Svavar Ólafsson varði 9 skot í fyrri hálfleik og Arnór Freyr Stefánsson 8 í þeim seinni.

Tengdar fréttir

Bergvin Þór Gíslason mættur til leiks

27. október 2014 - Akureyri handboltafélag skrifar

Viðtöl eftir ÍR leikinn

Eins og við er að búast eru menn misánægðir eftir viðureign ÍR og Akureyrar á laugardaginn. ÍR ingar hæstánægðir en Akureyringar súrir með niðurstöðuna. Þetta kemur að sjálfsögðu fram í viðtölum fjölmiðla eftir leikinn. Byrjum á viðtali Péturs Hreinssonar blaðamanns mbl.is við þjálfarana og fyrrum samstarfsmennina Heimi Örn Árnason og Bjarna Fritzson.

Heimir: Vantar sjálfstraust í mitt lið

„Það vantaði að hafa meiri trú á hlutina. Trú á vörnina, það vantar greinilega smá sjálfstraust í mitt lið,“ sagði Heimir Örn Árnason þjálfari Akureyrar eftir tap liðsins gegn ÍR 32:28 í 8. umferð Olís-deildar karla.
„Við töpuðum þessu á 10 mínútna kafla í fyrri hálfleik. Þá var engin vörn, og léleg sókn og hálf klaufalegt fannst mér,“ sagði Heimir.

„En ég var ánægður með karakterinn í síðari hálfleik. Við fengum þrjú tækifæri til að minnka í tvö. Með smá heppni hefðum við getað komist inn í þetta en við áttum það svo sem ekkert mikið skilið en það munaði litlu,“ sagði Heimir sem var ánægður með sína menn í síðari hálfleik.

„Já við reyndum nýja hluti og það gekk ágætlega. Þeir lentu í vandræðum í sókninni. Ég var allavega ánægður með mitt lið í seinni hálfleik og góða innkoma hjá honum Bjarka Sím í markinu. Ég var mjög ánægður með hann,“ sagði Heimir en Bjarki Símonarson varamarkvörður Akureyringa varði 10 skot í síðari hálfleik og átti góðan leik.

Heimir var ekki alveg nægilega sáttur við rauða spjaldið sem besti leikmaður Akureyrar fram að þeim tíma í leiknum, hornamaðurinn Kristján Jóhannsson fékk að líta á 33. mínútu leiksins þegar hann braut, að því er virtist óvart, en klaufalega á Sturlu Ásgeirssyni sem var sloppinn í gegn.

„Það er aldrei hægt að tjá sig um það eftir leik. Finnst manni það ekki alltaf þegar maður tapar. Ég var að spá í þessum rauðu spjöldum. Mér finnst helvíti hart þegar menn rekast óvart í hælana og fá rautt. Það er svo sem ekkert lykilatriði í leiknum. Mér fannst smá vítadómar lenda meira þeim megin en síðan horfði ég örugglega á þetta videó á morgun og þá var þetta bara 50/50,“ sagði Heimir.

Bjarni: Kjánaleg hugsun

„Ef allt hefði verið eðlilegt þá hefðum við verið svona tíu mörkum yfir í hálfleik. Mér fannst við vera værukærir á köflum í fyrri hálfleik og við yfirspiluðum þá. Sex marka forysta gaf ekki rétta mynd af fyrri hálfleiknum. Það var klaufaskapur hjá okkur að gera ekki út um leikinn í hálfleik fannst mér,“ sagði Bjarni Fritzon þjálfari ÍR-inga eftir sigur þeirra á Akureyri 32:28.

Varamarkvörður Bjarki Símonarson kom í markið og gerði ÍR-ingum erfitt fyrir en hann varði 10 skot í síðari hálfleik.
„Bjarki kom í markið og varði allt. Hann er flottur markvörður og strákarnir þekkja hann ekki og kannski vanmátu þeir aðeins en við náðum að klára þetta og það er það eina sem skiptir máli,“ sagði Bjarni.

Björgvin Hólmgeirsson fór enn og aftur á kostum í liði ÍR og skoraði fjórtán mörk.
„Við erum að spila hrikalega vel sem lið og erum að láta boltann ganga. Hann er að fá góðar opnanir og góð færi, það er líka búið að gefa honum punktinn og það er að hjálpa til. Boltinn var að flæða vel í dag og ég var virkilega ánægður með það,“ sagði Bjarni sem er ánægður með liðsheildina.
„Við erum að bæta okkur sem liðsheild. Það kom upp umræða um að það væri hægt að taka Björgvin úr umferð og að það myndi eitthvað stoppa okkur, Akureyri byrjaði á því í fyrri hálfleik og þeir áttu ekki breik. Það er kjánaleg hugsun, finnst mér,“ sagði Bjarni.



Hjá fimmeinn.is eru viðtöl Guðmundar Tómasar Sigfússonar við Heimi, Bergvin og Bjarna Fritzson.

Heimir: Þessi maður brýtur ekki svona af sér

Heimir Örn Árnason, þjálfari Akureyrar, var alls ekki sáttur með tap sinna manna gegn ÍR-ingum í dag. Hann var sérstaklega ósáttur með rautt spjald sem einn leikmanna hans fékk í leiknum. Hann sagðist til að mynda sverja það upp á líf móður sinnar að Kristján bryti ekki svona af sér. Hann vildi þó meina að ÍR-ingar hafi verið betra liðið.

Bergvin Þór: Erum að elta mest allan leikinn

Bjarni Fritzson: Við vorum góðir í fyrri hálfleik



ÍR-ingar hafa verið erfiðir heim að sækja

23. október 2014 - Akureyri handboltafélag skrifar

Akureyri mætir í Breiðholtið á laugardaginn

Akureyri mætir í Breiðholtið á laugardaginn og mætir ÍR klukkan 15:30. Í leikmannahópi ÍR eru þrír fyrrum leikmenn Akureyrar Handboltafélags. Bjarni Fritzson sem er spilandi þjálfari liðsins og í haust gengu þeir Garðar Már Jónsson og Ingvar Heiðmann Birgisson til liðs við ÍR en þeir hafa leikið með 2. flokki Akureyrar.


Bjarni messar yfir sínum mönnum í ÍR. Mynd af fimmeinn.is


Garðar og Birkir staðnir á fætur í leik með 2. flokki Akureyrar í vor

ÍR situr sem stendur í 2. sæti Olís deildarinnar, með fjóra sigra, tvö jafntefli og eitt tap. Þeir gerðu jafntefli við Val og Hauka en töpuðu fyrir toppliði Aftureldingar.

ÍR býr vel að því að hafa Björgvin Hólmgeirsson í sínum röðum en hann hefur verið óstöðvandi og langmarkahæstur leikmanna deildarinnar með 61 mark. Þannig að það er nokkuð ljóst að það þarf að gera allt sem hægt er til að stöðva hann.


Björgvin Hólmgeirsson trúlega með mark í uppsiglingu. Mynd af fimmeinn.is

Þar á eftir kemur vinstri skyttan, Arnar Birkir Hálfdánsson með 32 mörk, þjálfarinn Bjarni Fritzson með 25 mörk. Davíð Georgsson og Jón Heiðar Gunnarsson eru með 20 mörk hvor og á svipuðum slóðum er Sturla Ásgeirsson með 19 mörk en hann hefur reyndar bara spilað fjóra leiki það sem af er.

Við hvetjum alla sem eru staddir á höfuðborgarsvæðinu að kíkja í Austurbergið á laugardaginn og og styðja okkar lið, leikurinn hefst klukkan 15:30 (athugið að leiknum hefur verið seinkað um hálftíma).

Það er ekki að sjá að RÚV ætli að sýna frá leiknum en að sjálfsögðu verður heimasíðan með beina textalýsingu frá leiknum.

Það verður fleira í gangi á laugardaginn hjá Akureysku handboltafólki.
KA/Þór á útileik við Fylki í Olís deild kvenna og hefst sá leikur klukkan 15:00 í Fylkishöllinni.

Hamrarnir eiga erfiðan heimaleik á laugardaginn þegar Víkingur mætir norður og verður sá leikur í KA heimilinu. Tímasetning á þeim leik er eitthvað á reiki, hann var settur á klukkan 16:00 en heyrst hefur að hann hefjist töluvert síðar þannig að við bendum fólki á að fylgjast vel með fréttum af þeim leik.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson