Warning: Undefined array key "frettanr" in /web/akhandadmin/public_html/index.php on line 15
Haukarnir áfram eftir hörmulega byrjun Akureyrar - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2015-16

Leikmenn meistarafl. karla
Úrslit leikja
Deild karla




Textalýsing frá leiknum     Tölfræði leiksins 
    Haukar - Akureyri  32-21 (15-6)
8-liða úrslit karla
Schenkerhöllin
Þri. 19. apríl 2016 klukkan: 19:30
Dómarar: Magnús Kári Jónsson og Ómar Ingi Sverrisson. Eftirlit Hlynur Leifsson
Umfjöllun

Hreiðar varði vel í lokaleik sínum með Akureyri

19. apríl 2016 - Akureyri handboltafélag skrifar

Haukarnir áfram eftir hörmulega byrjun Akureyrar

Akureyri sótti Íslandsmeistara Hauka heim í kvöld í oddaleik um sæti í undanúrslitum úrslitakeppninnar. Því miður þá gekk allt á afturfótunum í upphafi leiks hjá okkar liði, Haukar tóku hreinlega öll völd á vellinum og til marks um það skoruðu þeir fyrstu sjö mörk leiksins. Fyrri hálfleikur var rétt rúmlega hálfnaður þegar Akureyri náði loks að skora og má þakka markvörslu Hreiðars Levý að staðan var ekki enn verri. Mest varð forysta Hauka tíu mörk í hálfleiknum en staðan var 15-6 í leikhléi.

Haukarnir héldu áfram í seinni hálfleik og keyrðu hreinlega yfir Akureyrarliðið sem náði sér engan vegin á strik í leiknum, mestur varð munurinn fimmtán mörk en Akureyrarliðið náði góðri rispu undir lokin þegar það skoraði fimm mörk í röð og náði með því aðeins að minnka tjónið. Lokaniðurstaðan ellefu marka tap, 32-21.

Haukar eru þar með komnir í fjögurra liða úrslitin en Akureyri komið í frí og farið að huga að undirbúningi næsta tímabils.

Mörk Akureyrar: Kristján Orri Jóhannsson 7 (1 úr víti), Sigþór Árni Heimisson 4, Andri Snær Stefánsson 3, Halldór Logi Árnason 2, Róbert Sigurðarson 2, Bergvin Þór Gíslason 1, Friðrik Svavarsson 1 og Hörður Másson 1.
Hreiðar Levý Guðmundsson stóð í markinu og varði 16 skot.

Tengdar fréttir

Það er allt undir í leik kvöldsins!



19. apríl 2016 - Akureyri handboltafélag skrifar

Leikur dagsins: Oddaleikur á Ásvöllum

Í kvöld mætast lið Hauka og Akureyrar að Ásvöllum klukkan 19:30 í hreinum úrslitaleik um sæti í undanúrslitum úrslitakeppninnar. Fyrirfram var nú búist við öruggum sigri Hauka í einvíginu en magnaður sigur Akureyrar í öðrum leik liðanna sá til þess að það er allt undir í kvöld.

Pressan er öll á Íslandsmeisturum Hauka og verður áhugavert að sjá hvernig þeir takast á við það. Akureyrarliðið hefur hinsvegar allt að vinna í kvöld og vonandi að menn nýti það til þess að njóta leiksins og vonandi ná óvæntum úrslitum.

Í gær rifjuðum við upp sigur Akureyrar á Ásvöllum frá árinu 2007 en nú kíkjum við á töluvert nýrri leik en Akureyri lagði Haukana á Ásvöllum í deildarkeppninni á síðustu leiktíð 20-25 og má sjá stutt myndband frá þeim leik hér:

Við hvetjum ykkur öll sem eruð fyrir sunnan til að mæta á Ásvelli og styðja Akureyrarliðið til sigurs, strákarnir eru einbeittir í að gefa allt í leikinn og slá út Haukana, áfram Akureyri!

Við munum standa vaktina hér á heimasíðunni og verðum með beina textalýsingu eins og vant er.

Þá verður HaukarTV væntanlega með beina útsendingu frá leiknum og hægt að fylgjast með útsendingu þeirra með því að smella hér.


Hörður Fannar skoraði á síðustu andartökum leiksins

19. apríl 2016 - Akureyri handboltafélag skrifar

Þegar Akureyri lagði Haukana á lokasekúndunni

Oddaleikur Hauka og Akureyrar er í kvöld klukkan 19:30 á Ásvöllum og þykir okkur nú við hæfi að rifja upp eitt skemmtilegasta augnablikið í sögu Akureyrar. Akureyri tók á móti Haukum þann 8. desember 2011 og leiddu gestirnir 18-19 þegar komið var fram á lokamínútuna. Akureyrarliðið gafst ekki upp og skoraði Hörður Fannar Sigþórsson sigurmarkið á lokasekúndunni og allt varð tryllt í Höllinni!

Við minnum svo alla á að mæta á leikinn í kvöld ef þið eruð fyrir sunnan en ef þið komist ekki á leikinn verðum við með beina textalýsingu frá leiknum og HaukarTV hyggjast sýna leikinn.


Hreiðar og Andri Snær voru í leikmannhópnum 2007



18. apríl 2016 - Akureyri handboltafélag skrifar

Endurkoman á Ásvöllum árið 2007

Oddaleikur Hauka og Akureyrar um sæti í undanúrslitunum er annað kvöld klukkan 19:30 í Schenkerhöllinni að Ásvöllum. Við rifjum hér upp gamlan leik hjá liðunum þann 24. mars 2007 sem fór einnig fram á heimavelli Hauka.

Haukar leiddu 25-22 þegar 7 mínútur lifðu leiks en ótrúlegur endasprettur tryggði Akureyrarliðinu 27-28 sigur, sjón er sögu ríkari!


Til baka    Senda á Facebook

Umsjón og hönnun: Stefán Jóhannsson og Ágúst Stefánsson