Warning: Undefined array key "frettanr" in /web/akhandadmin/public_html/index.php on line 15
Hörkuleikur gegn Fram en engin stig í hús - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
Myndband frá leiknum      Tölfræði leiksins 
    Fram - Akureyri  29-28 (15-12)
Olís deild karla
Framhús
Lau. 15. okt. 2016 klukkan: 16:00
Dómarar: Ramunas Mikalonis og Þorleifur Árni Björnsson
Umfjöllun

Karolis Stropus var atkvæðamestur í markaskoruninni

16. október 2016 - Akureyri handboltafélag skrifar

Hörkuleikur gegn Fram en engin stig í hús

Það var ljóst strax í upphafi leiks Fram og Akureyrar að bæði lið þurftu á stigunum að halda.
Jafnt var á öllum tölum upp í 7-7 en í kjölfarið tóku Framarar völdin á vellinum og náðu mest fjögurra marka forystu, 15-11 en Mindaugas lagaði stöðuna í 15-12 með síðasta marki fyrri hálfleiksins.

Sóknarleikur Akureyrarliðsins var alveg þokkalegur en að þessu sinni vantaði eitthvað upp á grimmdina í varnarleiknum. Þetta nýttu Framarar eins og tölurnar bera með sér. Arnar Þór Fylkisson stóð í markinu og stóð vel fyrir sínu, með átta varin skot í hálfleiknum, mörg þeirra úr opnum færum.

Akureyri hóf seinni hálfleikinn af krafti og minnkaði muninn strax í eitt mark og alt annað að sjá til liðsins. Jöfnunarmarkið kom þó aldrei og Framarar héldu eins til tveggja marka forskoti. Þegar leið á hálfleikinn virtust menn þó missa trúna á verkefnið og Framarar náðu aftur fjögurra marka forystu, 26-22 og aftur 29-25 undir lok leiksins.
En með mikilli baráttu og þrem mörkum í röð tókst að minnka muninn í 29-28 og með smáheppni hefði tekist að ræna stigi í lokasókninni en tíminn var bara ekki nægur.

Ingimundur Ingimundarson var í leikmannahópnum að þessu sinni en kom þó ekki inná, hann fékk þó á sig brottvísun á lokasekúndunum væntanlega fyrir vel valin orð í garð dómaranna. Þá kom Tomas Olason í markið undir lokin og átti góða innkomu þannig að hann er vonandi að ná sér af sínum meiðslum.

Svekkjandi að fá ekkert út úr þessum leik en það þýðir ekki að tefja of lengi við það heldur safna liði í næsta verkefni sem er útileikur gegn Val laugardaginn 22. október.

Mörk Akureyrar: Karolis Stropus 8, Andri Snær Stefánsson 5 (2 úr vítum), Sigþór Árni Heimisson 4, Mindaugas Dumcius 4, Friðrik Svavarsson 3, Kristján Orri Jóhannsson 2, Brynjar Hólm Grétarsson og Patrekur Stefánsson 1 mark hvor.
Arnar Þór Fylkisson varði 13 skot, þar af 1 vítakast og Tomas Olason varði 5 skot.

Mörk Fram: Þorsteinn Gauti Hjálmarsson 8 (2 úr vítum), Sigurður Örn Þorsteinsson 6, Andri Þór Helgason 4 (2 úr vítum), Arnar Birkir Hálfdánsson 4, Elías Bóasson 4, Valdimar Sigurðsson 2 og Davíð Stefán Reynisson 1 mark.
Markverðir Fram vörðu 16 skot, Viktor Gísli Hallgrímsson 10 og Valtýr Már Hákonarson 6.

Tengdar fréttir

Mikilvægur leikur í dag

15. október 2016 - Akureyri handboltafélag skrifar

Olís deildin í dag: Fram - Akureyri bein útsending

Meistaraflokkur Akureyrar leikur mikilvægan leik í dag þegar liðið mætir Fram í Framhúsinu klukkan 16:00. Framliðið hefur gengið í gegnum miklar breytingar frá síðasta tímabili og hefur svo sannarlega komið mörgum á óvart það sem af er tímabilinu. Í annarri umferð gerðu þeir jafntefli gegn ÍBV og unnu síðan örugga fjögurra marka sigra á bæði Selfyssingum og Haukum.

Það er því ekkert gefið um leikinn í dag og ljóst að Akureyri þarf að taka á öllu sínu í dag. Leikurinn í dag er í beinni útsendingu hjá okkur á Akureyri-TV og þú fylgist með útsendingunni með því að smella hér!

Til baka    Senda á Facebook

Umsjón og hönnun: Stefán Jóhannsson og Ágúst Stefánsson