Kvennalið Akureyrar: Tap í Safamýri - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Kvennalið Akureyrar: Tap í Safamýri - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Sjá tölfræði leiksins

		Fram - Akureyri 29-21 (13-10)
		DHL deild kvenna
		Safamýri
		7. október 2006 klukkan: 15:00
		Dómarar: Hörður Vilhjálmur Sigmarsson og Þórir Gíslason

Umfjöllun


Jarmila hélt Akureyri nokkurn veginn á floti		9. október 2006 - SMS skrifar Kvennalið Akureyrar: Tap í Safamýri Kvennaliðið er vissulega ekki að fá óska byrjun í DHL deild kvenna. En liðið tapaði með 8 mörkum gegn Fram í safamýrinni á laugardaginn, 29-21. Liðið hefur því tapað fyrstu þremur leikjum sínum á tímabilinu og er neðst án stiga. Öll önnur lið í deildinni hafa náð í stig og er liðið aðeins að missa af lestinni, en kíkjum aðeins á leikinn. Liðið lagði upp í ferðalag suður á föstudags eftirmiðdegi og var komið suður seint um kvöldið. Leikurinn var svo klukkan 15:00 í Safamýri gegn spútnik liði Fram. Fram-stelpurnar hafa komið mikið á óvart í vetur og eru í 4.sæti eins og stendur eftir þennan sigur. Fram var spáð næst neðsta sæti í vetur, og eina liðið fyrir neðan þær var lið Akureyrar. En það sem við höfum ekki gert hafa Frammarar gert, en þær hafa sýnt spámönnum að þær eru harðar í horn að taka, en þær unnu einmitt bikarmeistara Hauka óvænt í fyrstu umferð og gerðu svo jafntefli við sterkt lið Vals á dögunum. En aðeins að leiknum sjálfum. Eins og hefur einkennt þetta lið í byrjun tímabils að þær spila alltaf bara einn hálfleik. Eins og á móti FH hérna í KA-heimilinu spiluðu þær glæsilegan fyrrihálfleik en töpuðu seinni stórt, það sama var upp á teningnum fyrir sunnan í gær. Tveir leikmenn geta verið sáttar við leik sinn en það eru Jarmila Kucharska, markvörður liðsins og Erla Hleiður Tryggvadóttir en þær tvær voru ástæðurnar fyrir því að um einungis 8 marka tap var að ræða. Erla var markahæst með 7 mörk og Jarmila lokaði markinu á tímabili og er ritað um það á heimasíðu Fram að hún hafi komið í veg fyrir að sigurinn var aðeins 8 mörk eins og raun bar vitni. Inga Dís Sigurðardóttir og Ester Óskarsdóttir náðu sér ekki á strik, en Ester fékk að líta beint rautt spjald fyrir gróft brot. Næsti leikur er heimaleikur gegn liði ÍBV en þær hafa ekki farið vel á stað í vetur og eru þær aðeins með 2 stig eftir 3 leiki, sá leikur er klukkan 16:00 þann 14. október í KA-heimilinu, en sá dagur er laugardagur. Meira um þann leik síðar.

Umsjón og hönnun: Stefán Jóhannsson og Ágúst Stefánsson

web statistics