Warning: Undefined array key "frettanr" in /web/akhandadmin/public_html/index.php on line 15
Stórt tap gegn Stjörnunni - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2006-07

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna




Sjá tölfræði leiksins 
    Akureyri - Stjarnan  19-36 (10-17)
DHL deild kvenna
KA-Heimilið
6. febrúar 2007 klukkan: 19:00
Dómarar:
Umfjöllun

Jarmila stóð fyrir sínu í markinu









7. febrúar 2007 - SMS skrifar
Stórt tap gegn Stjörnunni
Í kvöld tók kvennalið Akureyrar á móti toppliði Stjörnunnar. Þetta var fyrsti heimaleikur nýráðins þjálfara, Jónatans Þórs Magnússonar, og gaman að sjá hvernig stelpunum hans myndi ganga í frumraun hans sem þjálfari m.fl kvk í KA heimilinu. Fyrirfram voru Stjörnustelpur klárlega sigurstranglegri þar sem þær voru á toppi deildarinnar og Akureyri í neðsta sæti með aðeins 1 stig.

En það var Akureyri sem skoraði fyrsta markið og var þar að verki Ester Óskarsdóttir. Þar sem Akureyri hefur verið þekkt fyrir að eiga mjög góða fyrri hálfleiki í vetur bjóst fólk við að stelpurnar myndu halda áfram og þetta væri aðeins byrjunin. En eftir að Ester skorar, skora Stjörnustúlkur 5 mörk í röð og breyta stöðunni úr 1-0 í 1-5 . Sóknarleikur Akureyrar var frekar slakur og áttu þær fá svör við góðri 3-2-1 vörn Stjörnunnar. Allt var reynt, allskonar kerfi en ekkert gekk almennilega upp. Stjarnan stal boltanum trekk í trekk og skoraði mörg af mörkum sínum úr hraðaupphlaupum. Akureyri spilaði fína 6-0 vörn á köflum en þrátt fyrir það lak boltinn inn og átti Sibba ekki sinn besta dag í markinu. Jarmila kom inn eftir 13 mín leik og byrjaði á því að verja 2 bolta.

Eftir 16 mín var staðan orðin 4-9 fyrir Stjörnuna og virtist sem Akureyri ætlaði að hanga í þeim. Sóknarleikurinn var hinsvegar ekki mikið að ganga þar sem mikið var um hnoð á línuna og virtist sem þær væru hræddar við að fara sjálfar alla leið í gegn. Í hvert skipti sem Akureyri skoraði þá tók Stjarnan hraða miðju og um leið voru Akureyrarstelpurnar oft á köflum lengi að skila sér til baka. Staðan í hálfleik var 10-17 Stjörnunni í vil.

Seinni hálfleikur byrjaði eins og svo oft áður alls ekki vel. Þegar 12 mín voru liðnar af seinni hálfleik mátti halda að Akureyrar liðið hefði bara sent 2 leikmenn til leiks, Lilja Þórisdóttir skoraði 4 fyrstu mörkin fyrir AK og var sú eina sem einhver ógn var af, og svo var Jarmila að verja fínt í markinu. Aðrir leikmenn virtust bara ekki með lífsmarki. Jarmila gerði hvað best þegar hún stöðvaði tvö hraðaupphlaup Stjörnunnar þegar hún kom út og náði að slá boltann útaf eftir að þær reyndu langa sendingu. Fátt markvert gerðist í seinni hálfleik annað en það að Stjarnan jók muninn smátt og smátt en þó sýndi AK stelpur góðar sóknir inn á milli. Lokatölur í leiknum voru 19-36 fyrir Stjörnuna.

Það sem mátti helst sjá í leik Akureyri var það að þær voru með alls 25 glataða bolta í leiknum sem er algjörlega hræðilegt. Flestar voru með ágætis skotnýtingu en voru með svona 17 glötuðum boltum of mikið.

Hvað dómara leiksins varðar, þá virtust þeir hafa ákveðið fyrir leik að þeir vildu sleppa við öll leiðindi, rökræður og hafa bara þægilegt og gott flug heim enda féllu flestir dómar Stjörnu megin frekar en hjá Akureyri.

Batamerki mátti þó sjá á liði Akureyrar því að liðið hætti ekki að spila í hálfleik og var gaman að sjá það. En segja má að þarna hafi þær mætt ofjörlum sínum.

Maður leiksins verður að þessu sinni að heita menn leiksins þar sem ég vil útnefna Jarmilu markmann og Lilju Þórisdóttur menn leiksins fyrir að halda haus, Lilja að taka af skarið og skora góð mörk en Jarmila, sem varði 13 bolta, að reyna allt sem hún gat til að munurinn yrði sem minnstur. Taka má fram að flestir boltanna sem hún varði voru dauðafæri.

Tengdar fréttir

Leikur á þriðjudag

5. febrúar 2007 - SMS skrifar
Fyrsti heimaleikur eftir frí hjá stelpunum
Fyrsti heimaleikur Akureyrar á þessu ári í DHL deild kvenna fer fram á morgun, þriðjudag í KA-heimilinu kl 19:00, þegar þær leika við sterkt lið Stjörnunnar. Stjarnan trónir á toppi deildarinnar með 20 stig eftir 12 leiki, þær hafa aðeins tapað 2 leikjum í vetur sem telst mjög góður árangur. Þær töpuðu báðum sínum leikjum gegn Val.
Stjarnan hefur skorað 358 mörk og fengið á sig 243 eða að meðaltali 20,25 mörk í leik, sem er fæst mörk fengin á sig í deildinni sem sýnir að þær hafa geysisterka vörn og markvörslu.
Í marki hjá þeim stendur Florentina Grecu og hefur hún verið að verja mjög vel í vetur. Dreifing marka hjá Stjörnunni er nokkuð jöfn á nokkra leikmenn en það er þó ein sem stendur ofar en aðrar og það er Rakel Dögg Bragadóttir en hún hefur skorað 79 mörk í 12 leikjum sem er mjög gott. Með Stjörnunni leikur Ásdís Sigurðardóttir sem lék lengi vel með liði KA/Þórs.
Undirritaður hefur séð hluta af æfingum hjá kvennaliðinu í fríinu og hafa þær gengið mjög vel og virðist Jónatan Magnússon þjálfari liðsins ætla sér að ná í fleiri punkta í vetur, honum til aðstoðar er gamall reyndur þjálfari, hann Jóhannes Gunnar Bjarnason en hann var yfirþjálfari yngri flokka KA í fyrra.
Eins og vonandi flestir vita kom fyrsti punkturinn í hús hjá kvennaliðinu í síðasta leik gegn ÍBV á heimavelli og vonum við að stelpurnar bæti bara í og taki þau tvö stig sem eru í boði á morgun á heimavelli gegn Stjörnunni.
Eins og áður sagði hefst leikurinn kl 19:00 í KA-Heimilinu og hvet ég alla til að mæta og hafa gaman af, því liðið hefur verið að sýna stíganda og leikgleði upp á síðkastið.

Til baka

Umsjón og hönnun: Stefán Jóhannsson og Ágúst Stefánsson