Akureyrarstúlkur úr leik í bikarkeppninni - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Akureyrarstúlkur úr leik í bikarkeppninni - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2007-08

Leikmenn meistarafl. karla

Leikmenn meistarafl. kvenna

Sjá tölfræði leiksins

		Akureyri - Fram 16-28 (7-16)
		Bikarkeppni HSÍ
		KA heimilið
		9. október 2007 klukkan: 19:00
		Dómarar:

Umfjöllun


Það tókst ekki í gær		10. október 2007 - BHB skrifar Akureyrarstúlkur úr leik í bikarkeppninni Akureyri er úr leik í bikarkeppni kvenna í Handbolta eftir 12 marka tap 16-28 gegn Fram í KA-heimilinu í gærkvöldi. Fyrri hálfleikurinn í heild sinni var það sem varð Akureyri að falli í leiknum en eftir hann var staðan 18-7 fyrir Fram. Síðari hálfleikur var mun betri að hálfu Akureyrar og tókst liðinu m.a. að koma muninum niður í sjö mörk þegar um 20 mínútur voru liðnar af hálfleiknum. Undir lokin seig aðeins aftur á ógæfuhliðina og sömu mistök og sáust í fyrri hálfleik fóru að gera vart við sig. Að lokum enduðu leikar svo 28-16 fyrir Fram. Fyrri hálfleikur var eins og áður sagði mjög slakur hjá Akureyri, gríðarlega margir glataðir boltar í sókn og ótímabær skot urðu liðinu að falli þar. Þar að auki má nefna að alls klúðruðust 5 víti í leiknum og þónokkur önnur mjög góð færi fóru í súgin. Munurinn hefði því alls ekki þurft að vera svona mikill. Varnarleikurinn í fyrri hálfleik var mjög slakur eins og 18 mörk fengin á sig í einum og sama hálfleiknum bera vitni um. Í síðari hálfleiknum hins vegar tóku stelpurnar sig vel saman í andlitinu og vörðust vel auk þess sem markverðirnir fóru að taka nokkra varða bolta. Arna Erlingsdóttir var ógnandi í sókninni og átti einna bestan leik hjá Akureyri, einnig má nefna að Ester Óskarsdóttir stóð vörnina ágætlega.


Tengdar fréttir
Hvað gera Emelía og félagar gegn Fram í dag?		9. október 2007 - Akureyri handboltafélag skrifar Bikarleikur hjá stelpunum í dag kl. 19:00 Stelpurnar eiga heimaleik í bikarkeppni HSÍ í dag klukkan 19:00. Mótherjarnir í dag eru Fram, sem eru engir aukvisar og tróna í efsta sæti N1 deildarinnar sem stendur. Þegar þessi sömu lið mættust í N1-deildinni þann 26. september síðastliðinn fóru Fram stúlkur með sigur af hólmi. Sá leikur tapaðist með slökum fyrri hálfleik en í seinni hálfleik bitu stelpurnar heldur betur frá sér og er vonandi að þær leiki af fullum krafti allan leikinn í dag og stríði toppliðinu. Eins og fyrri daginn þá hvetjum við alla til að koma á leikinn og hvetja stelpurnar okkar til dáða í leiknum í dag.


Stelpurnar spila í bikarnum á þriðjudaginn		3. október 2007 - Akureyri handboltafélag skrifar Stelpurnar með heimaleik í bikarnum Þriðjudaginn 9. október mæta stelpurnar okkar liði Fram í 16 liða úrslitum bikarkeppni HSÍ. Leikurinn er í KA-heimilinu og hefst klukkan 19:00.

Umsjón og hönnun: Stefán Jóhannsson og Ágúst Stefánsson

web statistics