Warning: Undefined array key "frettanr" in /web/akhandadmin/public_html/index.php on line 15
1. deild kk: Ungmennaliðið með sigur á Mílunni - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
Sjá tölfræði leiksins 
    Mílan - Akureyri U  28-29 (15-17)
1. deild karla
Selfoss
Lau. 15. okt. 2016 klukkan: 11:30
Dómarar: Bjarki Bóasson og Gunnar Óli Gústafsson
Umfjöllun

Páll Snævar tók fram handboltaskóna um helgina

16. október 2016 - Akureyri handboltafélag skrifar
1. deild kk: Ungmennaliðið með sigur á Mílunni
Það var ekki auðvelt verkefni sem Ungmennalið Akureyrar fékk um helgina, tveir útileikir með nokkurra klukkutíma millibili auk þess sem öflugustu menn liðsins voru ekki á lausu vegna leiks meistaraflokks í Olís deildinni.

Þannig var markvörðurinn Arnar Þór Fylkisson upptekinn með meistaraflokknum. Markvarslan var því í höndum Björgvins Helga Hannessonar og einnig var kallaður til Páll Snævar Jónsson sem stóð í markinu þegar Akureyri varði Íslandsmeistari 2. flokks vorið 2012.

Strákarnir mættu HK í Digranesinu á klukkan 20:00 á föstudagskvöldið og byrjuðu ágætlega. En í stöðunni 5-5 má segja að allt hafi farið úrskeiðis og HK gerði út um leikinn, staðan 17-7 fyrir heimamenn í hálfleik.
Það var því nánast formsatriði að klára leikinn en strákarnir veittu þó meiri mótspyrnu. Lokatölur 33-20 fyrir HK.

Brynjar Hólm Grétarsson og Patrekur Stefánsson léku ekki með í dag og Arnór Þorri Þorsteinsson var nánast á öðrum fætinum. Það voru 3. flokks strákarnir Sigþór Gunnar Jónsson og Hafþór Már Vignisson sem fóru fyrir sóknarleiknum að þessu sinni.

Mörk Akureyrar: Sigþór Gunnar Jónsson 5, Hafþór Már Vignisson 4, Arnór Þorri Þorsteinsson 3, Birkir Guðlaugsson 3, Heimir Pálsson 2, Almar Blær Bjarnason, Jóhann Einarsson og Kristján Helgi Garðarsson 1 mark hver.
Páll Snævar stóð lengst af í markinu og varði 12 skot en Björgvin Helgi Hannesson varði 1 skot.

Leikurinn gegn Mílunni
Það var ekki löng hvíld eftir leikinn því klukkan 11:30 á laugardaginn var flautað til leiks gegn Mílunni á Selfossi. Tveir af helstu markaskorurunum gegn HK gátu ekki tekið þátt, Sigþór Gunnar var að leika með 3. flokki KA og Birkir Guðlaugsson átti ekki heimangengt. Þar til viðbótar var Arnór Þorri nánast alveg úr leik vegna meiðsla sinna.

En strákarnir voru ekkert á þeim buxunum að leggja árar í bát. Þeir leiddu með tveim mörkum í hálfleik 15-17. Seinni hálfleikurinn var æsispennandi en strákarnir héldu út og fögnuðu í lokin afar sætum eins marks sigri 28-29.

Páll Snævar Jónsson átti frábæran leik í markinu og sýndi að hann hefur engu gleymt og varði a.m.k. 16 skot. Heimir Pálsson átti stórleik í vinstra horninu og Arnþór Gylfi Finnsson frábær á línunni. Í fjarveru helstu skyttanna fékk Jóhann Einarsson tækifærið og nýtti það heldur betur. Annars var þetta frábær sigur liðsheildarinnar.

Mörk Akureyrar: Heimir Pálsson 7, Arnþór Gylfi Finnsson 6, Jóhann Einarsson 6, Almar Blær Bjarnason 4, Vignir Jóhannsson 4 og Hafþór Már Vignisson 2 mörk.

Næsta verkefni strákanna er heimaleikur gegn strákunum hans Bjarna Fritzsonar í ÍR sem er á dagskrá laugardaginn 29. október.

Staða og úrslit leikja í 1. deild karla.

Tengdar fréttir

Sigþór Gunnar Jónsson var markahæstur gegn HK í gær

15. október 2016 - Akureyri handboltafélag skrifar
1. deild í dag: Mílan - Akureyri U
Ungmennalið Akureyrar heldur á Selfoss í dag, laugardag þar sem strákarnir mæta Mílunni. Það er óhætt að segja að strákarnir fá ekki mikla hvíld á milli leikja þar sem þeir léku í gærkvöldi gegn HK. Upphaflega var þessi leikur settur á klukkan 12:00 en var færður fram um hálftíma þannig að leikurinn hefst klukkan 11:30.

Því miður þá virðist ekkert hafa orðið af beinu útsendingunni frá leiknum sem Mílumenn og Selfyssingar höfðu undirbúið. Þannig að ekki er hægt að fylgjast með leiknum eins og við höfðum vonast til.

Til baka

Umsjón og hönnun: Stefán Jóhannsson og Ágúst Stefánsson