Warning: Undefined array key "frettanr" in /web/akhandadmin/public_html/index.php on line 15
Ungmennaliðið veitti ÍR-ingum harða keppni - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
Sjá tölfræði leiksins 
    Akureyri U - ÍR  24-27 (10-14)
1. deild karla
Höllin Akureyri
Lau. 29. okt. 2016 klukkan: 15:00
Dómarar: Heimir Örn Árnason og Sigurður Hjörtur Þrastarson
Umfjöllun

Garðar Már og Birkir voru drjúgir í dag



29. október 2016 - Akureyri handboltafélag skrifar
Ungmennaliðið veitti ÍR-ingum harða keppni
Dágóður hópur kom til að fylgjast með Ungmennaliði Akureyrar taka á móti stórliði ÍR í dag. ÍR ingar léku sem kunnugt er í Olís deildinni á síðasta tímabili og ætla sér klárlega að komast þangað sem fyrst aftur.

Ungmennalið Akureyrar bar enga sérstaka virðingu fyrir Breiðhyltingum og veitti harða mótspyrnu. Jafnt var á öllum tölum upp í stöðuna 6-6 en þá fyrst náði ÍR tveggja marka forskoti. Mestur varð munurinn fjögur mörk í fyrri hálfleiknum, 8-12 fyrir ÍR sem hélt þeim mun, 10-14 í hálfleik. Arnór Þorri Þorsteinsson var drýgstur Akureyringa í fyrri hálfleik með fjögur mörk en í liði ÍR var Aron Örn Ægisson illviðráðanlegur, skoraði fimm mörk. Á tímabili var Aron eini ÍR-ingurinn sem kom boltanum í netið því mörkin hans komu öll í röð en hann skoraði 5. til 9. mark liðsins.

ÍR-ingar komu öflugir til leiks í seinni hálfleiknum og höfðu náðu að byggja upp átta marka forystu þegar tólf mínútur voru til leiksloka. Akureyrarliðinu tókst að loka algjörlega á Aron Örn sem skoraði hreinlega ekki mark eftir fimm marka rispuna sem hann tók í fyrri hálfleik. Það var hins vegar Jón Kristinn Björgvinsson sem tók við og skoraði líka fimm mörk í röð fyrir ÍR, flest úr hraðaupphlaupum, staðan orðin 16-24.

En Akureyrarstrákarnir lögðu ekki árar í bát og með frábærri baráttu lokuðu þeir vörninni og markinu á meðan þeir skoruðu sex mörk í röð, munurinn kominn í tvö mörk, 22-24 og rafmögnuð spenna komin í húsið. Akureyri fékk tækifæri til að minnka muninn enn frekar en ÍR-ingar stóðust áhlaupið og með síðasta marki leiksins tryggðu þeir sér þriggja marka sigur 24-27.

Ungmennaliðið getur verið stollt af sínum leik í dag, ekki síst þegar horft er til þess að nokkrir öflugir leikmenn gátu ekki tekið þátt í leiknum, Brynjar Hólm Grétarsson, Hafþór Vignisson og Patrekur Stefánsson voru ekki leikfærir í dag en þeir hafa verið lykilmenn í liðinu. Arnór Þorri Þorsteinsson var atkvæðamestur í fyrri hálfleiknum en Garðar Már Jónsson átti stórleik í seinni hálfleiknum.

Mörk Akureyrar: Birkir Guðlaugsson 6 (1 úr víti), Garðar Már Jónsson 5, Arnór Þorri Þorsteinsson 4, Almar Blær Bjarnason 3, Vignir Jóhannsson 3, Arnar Þór Fylkisson 1, Jóhann Einarsson 1 og Kristján Helgi Garðarsson 1 mark.
Í markinu stóð Arnar Þór Fylkisson og varði 13 skot auk þess að skora eitt eins og sést hér að ofan.

Mörk ÍR: Jón Kristinn Björgvinsson 9, Aron Örn Ægisson 5, Davíð Georgsson 3, Ingi Róbertsson 3, Arnar Guðmundsson 2, Eggert Jóhannsson 2, Sigurður Óli Rúnarsson 2 og Valþór Guðrúnarson 1 mark.
Óðinn Sigurðsson stóð í markinu, því miður höfum við ekki tölu á vörðum skotum hjá honum en ÍR-ingar geta þakkað honum sigurinn því hann varði eins og berserkur mestallan leikinn.

Næsti leikur Ungmennaliðsins verður athyglisverður en föstudaginn 11. nóvember er komið að Akureyrarslag þegar strákarnir eiga útileik gegn Hömrunum.

Tengdar fréttir

Arnþór Gylfi Finnsson verður á sínum stað með ungmennaliðinu

28. október 2016 - Akureyri handboltafélag skrifar
1. deild: Akureyri U gegn ÍR í Höllinni á laugardag

Á laugardaginn klukkan 15:00 tekur Ungmennalið Akureyrar á móti ÍR en sá leikur er liður í 1. deild karla. Ungmennaliðið vann frækinn útisigur á Mílunni í síðustu umferð og verður fróðlegt að sjá hvernig þeim gengur gegn sögufrægu liði ÍR.

Það er óhætt að segja að nokkur tengsl séu á milli ÍR og Akureyrar því ÍR liðið leikur undir stjórn Bjarna Fritzsonar, fyrrum leikmanns og þjálfara Akureyrar. Fyrir þetta tímabil fengu ÍR-ingar góðan liðsstyrk héðan að norðan þegar Halldór Logi Árnason og Valþór Guðrúnarson gengu til liðs við Bjarna Fritz.


Bjarni Fritzson, Halldór Logi og Valþór Atli í Akureyrarbúningunum haustið 2013

Leikurinn verður í Íþróttahöllinni og hefst klukkan 15:00, það er frítt á leikinn.

Til baka

Umsjón og hönnun: Stefán Jóhannsson og Ágúst Stefánsson