Warning: Undefined array key "frettanr" in /web/akhandadmin/public_html/index.php on line 15
Magnað Ungmennalið mátti sætta sig við tap - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
Sjá tölfræði leiksins 
    Akureyri U - Víkingur  22-25 (13-9)
1. deild karla
KA heimilið
Lau. 17. des. 2016 klukkan: 14:00
Dómarar: Jóhann Gunnar Jóhannsson og Sævar Árnason
Umfjöllun

Jóhann Einarsson stóð fyrir sínu gegn Víkingum

18. desember 2016 - Akureyri handboltafélag skrifar
Magnað Ungmennalið mátti sætta sig við tap
Víkingar, eitt af toppliðum 1. deildarinnar var í heimsókn hjá Ungmennaliði Akureyrar í gær. Akureyrarstrákarnir mættu galvaskir til leiks og tóku strax frumkvæðið í leiknum, komust í 4-2, 6-3 og 8-4.
Víkingar virtust ráðalitlir gegn baráttuglöðum Akureyringum og ekki spillti fyrir að Ásgeir Kristjánsson átti stórleik í markinu. Fjörið hélt áfram og Akureyri leiddi með fjórum mörkum í hálfleik, 13-9.

Strákarnir náðu að halda Víkingum frá sér framan af seinni hálfleik, staðan varð 16-12 og seinna 18-15. Í kjölfarið náðu Víkingar að vinna upp forskotið, hópur Akureyrarliðsins var fámennur, einungis tveir skiptimenn og mögulega hefur þreyta og einbeitingarleysi valdið því að sóknin tapaði nokkrum boltum sem gaf Víkingum nokkur hraðaupphlaup og í kjölfarið náðu þeir að jafna í 19-19.

Í kjölfarið komust Víkingar yfir í 20-21 og voru sterkari allra síðustu mínútur leiksins og sigruðu að lokum 22-25. Vissulega sárt að fá ekkert út úr leiknum eftir að hafa verið með yfirhöndina mestallan tímann en strákarnir geta vissulega verið stoltir af frammistöðunni.

Mörk Akureyrar U: Heimir Pálsson 5, Jóhann Einarsson 5, Hafþór Már Vignisson 4, Vignir Jóhannsson 4, Aron Tjörvi Gunnlaugsson 1, Ásgeir Kristjánsson 1, Dagur Gautason 1 og Kristján Helgi Garðarsson 1 mark.
Ásgeir Kristjánsson sá einn um markvörsluna og var að öðrum ólöstuðum maður leiksins.

Nú tekur við hlé hjá strákunum í 1. deildinni, þó ekki eins langt og í Olís deildinni. Akureyri U á heimaleik gegn Ungmennaliði Stjörnunnar þann 8. janúar.

Reyndar á 2. flokkur Akureyrar leik í bikarkeppni 2. flokks mánudaginn 19. janúar klukkan 18:15 en þá mætir 2. flokkur Aftureldingar í Íþróttahöllina. Allir strákarnir sem spiluðu gegn Víkingum eru einnig gjaldgengir í 2. flokk og því má búast við að svipuðum hópi í þeim leik.

Til baka

Umsjón og hönnun: Stefán Jóhannsson og Ágúst Stefánsson