Warning: Undefined array key "frettanr" in /web/akhandadmin/public_html/index.php on line 15
Akureyri U missti unnin leik niður í jafntefli - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
Sjá tölfræði leiksins 
    Akureyri U - Stjarnan U  27-27 (18-13)
1. deild karla
Höllin Akureyri
Sun. 8. jan. 2017 klukkan: 13:30
Dómarar: Jóhann Gunnar Jóhannsson og Sævar Árnason
Umfjöllun

Arnar Þór Fylkisson var með stórleik í fyrri hálfleik í dag

8. janúar 2017 - Akureyri handboltafélag skrifar
Akureyri U missti unnin leik niður í jafntefli
Strákarnir í Ungmennaliði Akureyrar hófu nýja árið með heimaleik gegn Ungmennaliði Stjörnunnar í dag. Jafnræði var með liðunum í upphafi en fljótlega tóku heimamenn völdin á vellinum og náðu fjögurra marka forskoti, í stöðunni 8-4. Strákarnir héldu sínu út hálfleikinn og bættu raunar í því forskotið var fimm mörk í hálfleik, 18-13.

Sigþór Gunnar Jónsson og Hafþór Vignisson fóru á kostum í sóknarleiknum, með sex og fimm mörk auk þess sem Arnar Þór Fylkisson fór á kostum í markinu með 13 skot varin.

Nánast nýtt lið Akureyrar hóf seinni hálfleikinn með látum og skoruðu fyrstu tvö mörkin, forskotið orðið sjö mörk og virtist nánast formsatriði að klára leikinn. Áfram höfðu strákarnir góð tök á leiknum en í stöðunni 23-17 misstu þeir einbeitinguna og Stjörnumenn gegnu á lagið og með 7-1 kafla jöfnuðu þeir leikinn í 24-24 og skammt til leiksloka.

Lokamínúturnar voru síðan æsispennandi. Stjarnan náði að komast yfir í 25-26 en heimamenn endurheimtu forystuna með tveim mörkum í röð en Stjarnan átti lokamark leiksins og knúðu þar með fram ótrúlegt jafntefli miðað við það sem á undan var gengið.

Mörk Akureyrar: Hafþór Már Vignisson 8, Sigþór Gunnar Jónsson 7, Birkir Guðlaugsson 3, Arnór Þorri Þorsteinsson 2, Arnþór Gylfi Finnsson 2, Heimir Pálsson 2, Finnur Geirsson 1, Garðar Már Jónsson 1 og Kristján Helgi Garðarsson 1 mark.
Arnar Þór Fylkisson stóð í markinu allan tímann og varði 20 skot, þar af 2 vítaköst.

Mörk Stjörnunnar U: Birgir Steinn Jónsson 8, Gunnar Johnsen 7, Hjálmtýr Alfreðsson 6, Finnur Jónsson 3, Þorlákur Rafnsson 2 og Bjarki Steinn Þórisson 1.
Ólafur Rafn Gíslason kom í mark Stjörnunnar um miðjan fyrri hálfleikinn og varði alls tíu skot.

Um næstu helgi verður Ungmennalið Akureyrar á höfuðborgarsvæðinu og leikur í þeirri ferð tvo leiki gegn ÍBV. Sá fyrri verður spilaður í Víkinni á föstudagskvöldið og telst vera heimaleikur Akureyrar en sá seinni hefur verið færður í Íþróttamiðstöðina Varmá í Mosfellsbæ og hefst klukkan 12:00 á laugardaginn, sá leikur er heimaleikur ÍBV.

Tengdar fréttir

Heimaleikur hjá strákunum á sunnudaginn

4. janúar 2017 - Akureyri handboltafélag skrifar
Ungmennalið Akureyrar með heimaleik á sunnudag
Þó að keppni í Olís deild karla sé í dvala í janúar þá er ekki þar með sagt að enginn handbolti sé spilaður í bænum. Ungmennalið Akureyrar stendur í ströngu og leikur fjóra leiki í 1. deild karla í mánuðinum. Fyrsti leikurinn er næstkomandi sunnudag (8. janúar) klukkan 13:30 í Íþróttahöllinni en þá taka strákarnir á móti Ungmennaliði Stjörnunnar.

Liðin eru á svipuðum stað í deildinni, Stjörnuliðið er með níu stig eftir tólf leiki en Akureyrarliðið með átta stig eftir ellefu leiki. Þannig að með sigri Akureyrarliðsins myndu liðin hafa sætaskipti í deildinni.

Við hvetjum alla áhugamenn um handboltann til að fjölmenna í Íþróttahöllina á sunnudaginn og styðja strákana okkar í baráttunni en þeir hafa sýnt frábæra frammistöðu í deildinni.

Alls eru fjögur ungmennalið í deildinni, auk Akureyrar eru Valur, Stjarnan og ÍBV með slík lið. Af þeim hefur Akureyrarliðið einungis mætt Val, raunar tvívegis og vann báða leikina. Það er því sérstaklega forvitnilegt að sjá hvernig þessi leikur innbyrðis ungmennaleikur fer.

Um næstu helgi heldur Ungmennalið Akureyrar suður og spilar þá tvo leiki gegn Ungmennaliði ÍBV. Liðin komust að samkomulagi um að mætast „miðsvæðis“ og spila báða innbyrðisleikina þar.

Um þar næstu helgi fara strákarnir aftur suður og spila þá útileik gegn Þrótti.


Til baka

Umsjón og hönnun: Stefán Jóhannsson og Ágúst Stefánsson