Valur - Akureyri 26-23, svipmyndir

31. október 2015

Valsmenn tóku á móti Akureyri í Olís deild karla þann 31. október 2015. Fyrir leikinn var mikið talað um meiðslavandræði Vals og hugsanlega endurkomu Ólafs Stefánssonar með Val en hann hafði ekki leikið með liðinu síðan árið 1996. Ólafur ákvað að draga fram skóna, skoraði 6 mörk og lék nær allan leikinn. Leikurinn var jafn og spennandi, liðin skiptust á að hafa forystuna en í stöðunni 20-20 kom góður kafli hjá Valsliðinu sem kláraði leikinn og lokatölur voru 26-23 fyrir heimamenn. Myndefnið fengið úr íþróttatíma RÚV.