Warning: Undefined array key "frettanr" in /web/akhandadmin/public_html/index.php on line 15
Stórsigur Akureyrar á ÍBV - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2007-08

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna




Textalýsing frá leiknum     Tölfræði leiksins 
    Akureyri - ÍBV  40-26 (19-14)
N1 deild karla
KA heimilið
15. desember 2007 klukkan: 15:30
Dómarar: Magnús Björnsson og Ómar Ingi Sverrisson
Umfjöllun

Liðið sýndi svo sannarlega hvað í því býr í dag





16. desember 2007 - Akureyri handboltafélag skrifar

Stórsigur Akureyrar á ÍBV

Það var ekki leiðinlegt að vera í KA-heimilinu í gær þegar sprækir Vestmannaeyingar komu í heimsókn. Reyndar tafðist leikurinn um rúman hálftíma þar sem dómarar leiksins lentu í seinkun hjá Flugfélaginu. Leikurinn var hraður og fjörlegur strax frá byrjun, Akureyri með frumkvæðið án þess þó að hrista Eyjamenn af sér. Eftir sextán mínútna leik hafði Akureyri náð fjögurra marka forystu 11-7 en Eyjamenn neituðu að gefast upp, skoruðu næstu fjögur mörk og jöfnuðu þar með leikinn. Aftur var jafnt í stöðunni 12-12 og tuttugu mínútur búnar af leiknum.

Vörn Akureyrar hafði ekki alveg náð taktinum þessar mínútur og réð illa við Sergiy Trotsenko, stórskyttu Eyjamanna sem skoraði nánast að vild á þessum tíma. Sömuleiðis var gamli maðurinn Gintaras Savukynas, þjálfari þeirra liðtækur sem leikstjórnandi, þó að hann skoraði ekki mikið sjálfur þá var hann ótrúlega útsjónasamur og bjó til fjöldamörg færi fyrir sína menn með eitruðum sendingum hvað eftir annað.

En þegar hér var komið sögu var Akureyringum nóg boðið, vörnin small saman og Sveinbjörn varði það sem komst í gegn. Í kjölfarið komu fjölmörg mörk úr hraðaupphlaupum þannig að í hálfleik leiddi Akureyri með fimm marka mun, 19-14.

Sveinbjörn fór hamförum í markinu í fyrri hálfleik varði sautján skot, þar af eitt vítakast.

ÍBV skoraði fyrstu tvö mörk síðari hálfleiks en eftir það áttu þeir engan séns í Akureyrarliðið sem fór á kostum í síðari hálfleiknum og hreinlega valtaði yfir Eyjamenn. Eftir fimm mínútna leik í seinni hálfleik fór Einar Logi meiddur af leikvelli eftir gróft brot og kom ekki meira við sögu í leiknum en hafði þá skorað sex mörk.

Yfirburðir liðsins á öllum sviðum héldu áfram og jókst munurinn jafnt og þétt og var gaman að sjá að liðið slakaði ekkert á og keyrði af fullum krafti allt til leiksloka og stóð uppi með stórsigur 40-26.

Liðið í heild á hrós skilið fyrir leikinn, allir leikmenn tóku þátt í leiknum og skiluðu sínu vel. Það er þó ekki á nokkurn hallað þó sérstaklega verði getið um markvörslu Sveinbjarnar en hann kom greinilega gríðarlega einbeittur til leiks og varði alls 28 skot, þar á meðal tvö vítaköst og verðskuldar titilinn maður leiksins.

Loksins tókst að innbyrða tvö stig á heimavelli og var vissulega kominn tími til. Nú tekur við langt hlé á N1 deildinni og á liðið ekki leik fyrr en 2. febrúar þegar haldið verður í Mosfellsbæinn og leikið gegn Aftureldingu. Vonandi nota leikmenn tímann vel og mæta til leiks í febrúar af þeim krafti sem liðið hefur verið að sýna í síðustu leikjum, þá þarf ekki að efast um árangur í stigasöfnuninni.

Tengdar fréttir

Jónatan átti fínan leik eins og allt liðið

15. desember 2007 - Akureyri handboltafélag skrifar

Akureyri rústaði ÍBV 40-26

Rétt í þessu lauk leik Akureyrar og ÍBV í meistaraflokki karla. Er skemmst frá því að segja að Akureyri vann stórsigur 40-26. Nánari umfjöllun um leikinn og tölfræði kemur síðar.

Mörk Akureyrar: Jónatan 7 (3 víti), Einar Logi, Hörður Fannar og Jankovic 6 hver, Andri Snær og Goran 5 hvor, Ásbjörn og Heiðar Þór 2 hvor og loks Magnús 1 mark.

Sveinbjörn átti stórleik í markinu og varði 28 skot, þar af tvö víti. Arnar Sveinbjörnsson stóð í markinu síðustu þrjár mínúturnar.


Strákarnir mæta ÍBV og stelpurnar Haukum





15. desember 2007 - Akureyri handboltafélag skrifar

Seinkun á leik Akureyrar og ÍBV-bein lýsing kl. 15:30

Í dag leika bæði meistaraflokkslið Akureyrar síðustu leiki sína í N1 deildinni á þessu ár. Stelpurnar halda til Hafnarfjarðar og leika við Haukastelpur klukkan 14:00 á Ásvöllum.

Karlaliðið fær hins vegar lið ÍBV í heimsókn og verður leikur þeirra klukkan 15:30 í KA-heimilinu. Liðin mættust í Eyjum 31. október og þar sigraði og lauk þeim leik með níu marka sigri Akureyrar 26-35. Segja má að Jónatan Magnússon hafi missti alveg af þeim leik þar sem hann var fluttur á sjúkrahús strax í upphafi leiksins. Nú er Jonni hins vegar til í slaginn af fullum krafti. Sömuleiðis hafa Vestmannaeyingar styrkt lið sitt með öflugri skyttu og verða eflaust til alls líklegir.

Við hvetjum alla stuðningsmenn liðsins til að fjölmenna á leikinn í KA-heimilinu í dag klukkan 15:00. Mikilvægt er að mæta tímanlega og styðja okkar menn allt frá byrjun leiks. Aðrir geta þá fylgst með beinni lýsingunni hér á síðunni.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 15:30 og við hvetjum alla til að fylgjast vel með.






Til baka    Senda á Facebook

Umsjón og hönnun: Stefán Jóhannsson og Ágúst Stefánsson