Afleitt tap karlaliðsins gegn Val - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Afleitt tap karlaliðsins gegn Val - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2007-08

Leikmenn meistarafl. karla

Leikmenn meistarafl. kvenna

Textalýsing frá leiknum

Tölfræði leiksins

		Akureyri - Valur 30-40 (16-19)
		N1 deild karla
		KA heimilið
		19. apríl 2008 klukkan: 16:00
		Dómarar: Ingvar Guðjónsson og Jónas Elíasson

Umfjöllun


Ljóst er að eitthvað þarf að gera til að peppa upp mannskapinn fyrir lokaleikina		19. apríl 2008 - Akureyri handboltafélag skrifar Afleitt tap karlaliðsins gegn Val Það var eftirvænting í loftinu fyrir leik Akureyrar og Vals í dag því að leikir þessara liða hafa yfirleitt verið hin besta skemmtun. Lið Akureyrar var þó illa vængbrotið því besti leikmaður liðsins í undanförnum leikjum, markvörðurinn Sveinbjörn Pétursson sneri illa á sér ökkla á æfingu á fimmtudaginn og sat því á meðal áhorfenda í dag. Siguróli Magnússon og Arnar Sveinbjörnsson stóðu vaktina í markinu og áttu vægast sagt afleitan dag, vörðu samtals fimm skot og í því lá munurinn á liðunum í dag því að Ólafur Haukur Gíslason markvörður Vals átti prýðilegan dag og reyndist okkar mönnum erfiður og því fóru Valsmenn með öruggan tíu marka sigur 30-40. Í byrjun leit þó út fyrir hörkuleik og hafði Akureyri frumkvæðið í leiknum upp í stöðuna 7-6. Þá kom slæmur kafli og Valsmenn skora næstu fimm mörk og breyta stöðunni í 7-11, sá munur hélst nokkurn tíma en með seiglu tókst Akureyri að minnka muninn í eitt mark, 14-15 og síðar í 15-16. Valsmenn spýttu aftur í lófana og fóru með þriggja marka forskot í hálfleik 16-19. Siguróli varði eitt skot í fyrri hálfleik og Arnar ekkert og má svo sem segja að vera einungis þrem mörkum undir miðað við þá staðreynd sé allt að því afrek. Upphaf síðari hálfleiks var síðan grátlega lélegt, á fyrstu tíu mínútunum skorar liðið einungis eitt mark gegn átta mörkum Valsara og staðan orðin 17-27 og leikurinn þannig séð búinn. Það sem eftir lifði leiks hélst munurinn í kringum tíu mörkin, varð mestur tólf mörk og lokatölur 30-40 Valsmönnum í vil. Í raun er ekki ástæða til að hafa mörg orð um leikinn sem flestir leikmenn vilja örugglega gleyma sem fyrst. Leikurinn hafði í raun enga þýðingu fyrir Akureyri þar sem Stjarnan krækti í stig í gær sem gerði það að verkum að Akureyri átti engan möguleika á að hækka sig úr 6. sæti deildarinnar. Enda má segja að áhugaleysið hafi skinið af flestum leikmönnum í dag ef fyrstu tíu mínúturnar eru undanskildar. Mörk Akureyrar skoruðu: Jónatan 5 (2 víti), Magnús og Oddur 4 hvor, Ásbjörn, Einar Logi, Hörður Fannar og Jankovic 3 hver, Heiðar Þór 2, Andri Snær, Björn Óli og Goran 1 mark hver. Siguróli varði þrjú skot og Arnar tvö þannig að ljóst er að markvarðarstaðan verður höfuðverkur liðsins í þeim tveim leikjum sem eftir eru í mótinu. Siguróli má eiga það að hann reyndi hvað hann gat en Arnar virtist gjörsamlega áhugalaus og alls ekki vera þátttakandi í leiknum. Þjálfarar liðsins hljóta því að kalla þriðja markvörðinn, Elmar Kristjánsson til næsta leiks.


Tengdar fréttir
Sveinbjörn verður ekki í markinu í dag		19. apríl 2008 - Akureyri handboltafélag skrifar Akureyri-Valur í dag klukkan 16 - Bein lýsing Sveinbjörn Pétursson hinn magnaði markvörður Akureyrar verður á meðal áhorfenda á leik Akureyrar og Vals í dag. Sveinbjörn varð fyrir því óláni á æfingu á fimmtudaginn að snúa illa á sér ökkla og er því ljóst að hann missir af síðustu leikjum tímabilsins. Sveinbjörn kvaðst aðspurður ekki ætla að láta sitt eftir liggja heldur láta vel í sér heyra á áhorfendapöllunum. Leikur Akureyrar og Vals verður í beinni lýsinginu hér á síðunni í dag klukkan 16:00. Smelltu hér til að opna lýsinguna.


Ekkert nema sigur kemur til greina gegn Val		17. apríl 2008 - Akureyri handboltafélag skrifar Intrum Justitia býður á karlaleikinn gegn Val á laugardag Það verður örugglega hart barist á laugardaginn þegar karlalið Vals kemur í heimsókn til Akureyrar. Akureyri á enn möguleika á að ná 5. sæti deildarinnar með því að sigra þá leiki sem eftir eru og þarf þá reyndar að treysta að Stjarnan fái ekki stig úr sínum leikjum. En hvað um það þá var mikið fjör þegar liðin mættust síðast hér á Akureyri jafnt var í stöðunni 19-19 undir lok leiksins en Valsarar voru sterkari á lokamínútunum og sigruðu 20-24. Í þeim leik fóru Akureyringarnir í Valsliðinu á kostum, þeir Baldvin Þorsteinsson og Arnór Gunnarsson en þeir skoruðu saman helming marka Valsliðsins þannig að ljóst er að verkefni okkar manna verður að halda afturaf þeim félögum. Valur er í baráttu um annað sæti deildarinnar og því er öruggt að þeir munu ekkert gefa eftir þannig að áhorfendur geta gengið að því vísu að það verður spilaður alvöru handbolti á laugardaginn. Það verður frítt á leikinn í boði Intrum Justitia þannig að það er ekkert að vanbúnaði að drífa sig á frábæran leik klukkan 16:00 á laugardaginn.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics