Warning: Undefined array key "frettanr" in /web/akhandadmin/public_html/index.php on line 15
Bikardraumnum lokið að þessu sinni - tap fyrir FH - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2008-09

Leikmenn meistarafl. karla
Úrslit leikja
Deild karla




Ljósmyndir frá leiknum     Textalýsing frá leiknum     Tölfræði leiksins 
    FH - Akureyri  37-31 (16-19)
Eimskipsbikar karla
Kaplakriki
9. nóvember 2008 klukkan: 17:00
Dómarar: Ingvar Guðjónsson og Jónas Elíasson
Umfjöllun

FH réðu ekkert við Hörð Fannar í fyrri hálfleik

10. nóvember 2008 - Akureyri handboltafélag skrifar

Bikardraumnum lokið að þessu sinni - tap fyrir FH

Það var létt yfir stuðningsmönnum Akureyrar í hálfleik í gær þegar liðið mætti FH í Eimskipsbikarnum. Akureyri var með þriggja marka forystu 16-19 og hafði verið með undirtökin allan fyrri hálfleikinn. Hörður Fannar var búinn að fara á kostum, skora fimm mörk auk þess sem Gústaf, Heiðar, Oddur og Jónatan höfðu allir skorað þrjú mörk hver. Hafþór átt fínan leik, búinn að verja tíu skot.


Gústaf Línberg brýst í gegnum FH vörnina og skorar. mynd: Steinn Vignir sport.is

Oddur skoraði fyrsta mark seinni hálfleiks og jók muninn í fjögur mörk 16-20 þar með fóru FH-ingar að sýna hvað þeir geta. Þeir söxuðu grimmt á forskotið og eftir fimm mínútur voru þeir búnir að jafna leikinn í 21-21 og náðu síðan yfirhöndinni. Þegar FH náði þriggja markaforystu 27-24 virtist sem Akureyrarliðið missti trúna á verkefnið og gerðu FH-ingar útum leikinn með því að ná sjö marka forystu 32-25 þegar einungis níu mínútur voru eftir af leiknum og náðu raunar átta marka forystu 34-28. Leknum lauk síðan með sex marka sigri FH 37-31.

Það verður að segjast eins og er að leikur okkar manna var afleitur í seinni hálfleik þó að ekki verði tekið af FH-ingum að þeir hins vegar léku glimrandi vel, grimmir í vörninni og flest gekk upp í sókninni hjá þeim.

Markaskorarar Akureyrar voru:
Hörður Fannar Sigþórsson 7, Jónatan Þór Magnússon 6, Árni Þór Sigtryggsson 5, Gústaf Línberg Kristjánsson 4, Oddur Gretarsson 4, Heiðar Þór Aðalsteinsson 3 og Andri Snær Stefánsson 2.


Andri tekinn föstum tökum af FH-vörninni mynd: Steinn Vignir sport.is

Hafþór stóð í markinu fyrstu 47 mínúturnar og varði 17 skot, Hörður Flóki stóð vaktina það sem eftir var og sýni tilþrif með því að verja glæsilega hraðaupphlaup og eitt vítakast

Nú þarf liðið að fara yfir hvað það var sem fór úrskeiðis í seinni hálfleiknum og leita síðan hefnda á fimmtudaginn þegar liðin mætast aftur á sama stað en þá í N1 deildinni.


Töluverður hluti áhorfenda var á bandi Akureyrar og lét vel í sér heyra. mynd: Steinn Vignir sport.is


Tengdar fréttir

Stór dagur í sögu Akureyrar Handboltafélags, tvö lið samtímis í 16-liða úrslitum

9. nóvember 2008 - Akureyri handboltafélag skrifar

Leikur dagsins: FH-Akureyri tvísýnt um beina lýsingu

Í dag, sunnudag er sannkallaður bikardagur hjá Akureyri Handboltafélagi bæði lið félagsins leika í 16-liða úrslitum Eimskipsbikarsins. Í Kaplakrika leika topplið N1- deildarinnar Akureyri og FH og hefst sá leikur klukkan 17:00.

Undir öllum eðlilegum kringumstæðum værum við örugglega með beina lýsingu á leiknum hér á heimasíðunni en nú eru þær sérstöku aðstæður að umsjónarmenn Beinu lýsingarinnar leika báðir með spútnikliði Akureyri 2 sem mætir toppliði 1. deildar, Selfyssingum klukkan 15:00 á Selfossi.

Ef sá leikur fer ekki í framlengingu er mögulegt að við náum í Kaplakrikann til að fylgjast með seinni hálfleik Akureyrar og FH og getum þá hugsanlega sent út lýsingu á honum.

Upp á von og óvon setjum við hér upp tenginguna fyrir beinu lýsinguna og það verður bara að koma í ljós þegar þar að kemur hvort lýsingin verður í gangi. Ef ekki bendum við fólki á að fylgjast með gangi leiksins á textavarpinu.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 17:00 og við hvetjum alla til að fylgjast vel með.


Stórleikur efstu liða N1 deildarinnar í bikarkeppninni

7. nóvember 2008 - Akureyri handboltafélag skrifar

Bikarinn: Akureyri mætir FH í Kaplakrika á sunnudag

Meistaraflokkurinn fær ekki langt frí eftir Framleikinn í gær því á sunnudaginn keppa strákarnir í Eimskipsbikarnum og fer sá leikur fram í Hafnarfirði. FH liðið er á mikilli siglingu þessa dagana líkt og Akureyrarliðið enda sitja þau á toppi N1 deildarinnar með 10 stig eftir sjö leiki. FH lagði Íslandsmeistara Hauka að velli á fimmtudaginn í grannaslagnum í Hafnarfirði og eru með frábært lið sem hefur varla misstigið sig það sem af er tímabilinu.

Í dag vita allir handboltaáhugamenn hver Aron Pálmason er en hann hefur farið á kostum með FH liðinu í upphafi tímabilsins og var fyrir vikið valinn í landsliðshóp Íslands á dögunum. Þá hefur skyttan Ólafur Guðmundsson farið hamförum og verið illviðráðanlegur og ekki skal sleppt að minnast á okkar mann Ásbjörn Friðriksson sem hefur leikið af stakri snilld með FH liðinu það sem af er mótsins.

En það eru ekki bara ungir og efnilegir piltar sem mynda FH liðið þar eru einnig reynsluboltar eins og Guðmundur Pedersen, Hjörtur Hinriksson og markvörðurinn Magnús Sigmundsson.

Það hefur verið mikil stemming í FH liðinu og stuðningsmönnum þeirra þannig að það verður ekki létt verkefni sem bíður Akureyrarliðsins á sunnudaginn. En það er jú það sem við viljum og nú treystum við á alla sem vettlingi geta valdið að fjölmenna í Kaplakrika og halda uppi Akureyrarstemmingunni þar, stuðningsmennirnir á höfuðborgarsvæðinu sýndu það svo sannarlega á Fram leiknum á fimmtudaginn að þeir geta gert kraftaverk. Leikurinn hefst klukkan 17:00 á sunnudaginn - Góða skemmtun!

Til baka    Senda á Facebook

Umsjón og hönnun: Stefán Jóhannsson og Ágúst Stefánsson