Warning: Undefined array key "frettanr" in /web/akhandadmin/public_html/index.php on line 15
Slæmt tap gegn Fylki (umfjöllun) - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2006-07

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna
Myndband frá leiknum      Textalýsing frá leiknum     Tölfræði leiksins 
    Fylkir - Akureyri  29-23 (13-13)
DHL deild karla
Fylkishöll
10. febrúar 2007 klukkan: 16:15
Dómarar: Helgi Rafn Hallsson og Sigurjón Þórðarson
Umfjöllun

Frábær frammistaða þessara tveggja manna nægði því miður ekki í dag



10. febrúar 2007 - SÁ skrifar

Slæmt tap gegn Fylki (umfjöllun)

Ekki hefur sókn Akureyrar batnað í þessu tveggja mánaða frí sem liðin í DHL-Deildinni fengu þetta tímabilið. Hún var hreint út sagt ömurleg og lengi átakanlegt að fylgjast með liðinu með boltann í dag. Ljóst er að ætli liðið sér að spila í efri deildinni að ári verður liðið að fara að í það minnsta einhverja sókn og fá eitthvað hugmyndaflæði í hana. Jafnræði var framan af í leik Fylkis og Akureyrar en um miðjan seinni hálfleik náði Fylkir undirtökunum á leiknum og vann sanngjarnan sigur 29-23.

Fylkir byrjaði leikinn örlítið betur og komst í 4-2. Vaknaði þá vörn Akureyrar til mikilla muna og kom það liðinu 5-8 yfir, hreint út sagt frábær leikkafli. Fylkir jafnar í 9-9 og komast svo yfir 10-12. Akureyri kláraði hálfleikinn þó betur og staðan jöfn 13-13 í hálfleik. Góð vörn og sérstaklega Hreiðar Levý í markinu var það sem hélt Akureyri á floti en sóknarleikur liðsins var hreint ekki góður og liðið aðallega að skora úr hraðaupphlaupum og seinni bylgju.

Jafnræði var framan af seinni hálfleik og eftir um 45 mínútna leik var staðan 20-19 fyrir heimamenn. Taka þá þjálfarar Akureyrar ákvörðun sem ég vil meina að hafi tapað þessum leik fyrir Akureyri en hún var jafnvel verri en sóknarleikur liðsins í dag. Rúnar og Sævar tóku Hreiðar Levý Guðmundsson útaf en hann hafði fram af þessu verið að verja frábærlega eða einhverja 18-19 bolta. Fylkir fer í 23-20 fimm mínútum síðar og er þá Hreiðar settur aftur í markið. Seinustu 10 mínúturnar átti Akureyri aldrei séns en þegar þú spilar jafn slaka sókn og þeir gerðu þá getur þú ekki unnið upp mun. Lokatölur voru 29-23 fyrir Fylki.

Fylkir stoppaði hraðaupphlaup Akureyrar og seinni bylgju í síðari hálfleik og þá er ekki mikið eftir hjá liðinu með boltann. Ótrúlegt hugmyndaleysi var í sókninni eins og einkenndi liðið oft fyrir áramót en maður vonaði að það væri þó horfið. Örfáir leikmenn sóknarlega geta verið sáttur með sína frammistöðu í dag en þá einna helst Andri Snær Stefánsson. Strákurinn hreinlega skein í dag og einkenndi hann sjálfstraust og trú en frábær frammistaða hans gagnaðist Akureyri þó ekkert í dag. Ótrúlegur leikur hans er í raun undrun þar sem hann fær enga hjálp sóknarlega og öll 8 mörk hans í dag komu eftir eigið frumkvæði og er það skelfing. Akureyri hreinlega verður að opna meira fyrir hann í horninu sérstaklega ef hann er jafn öflugur í dag.

Magnús Stefánsson var fínn á köflum og hefði hann mátt leika meira. Hörður Fannar var í lagi á línunni en aðrir voru hreint ekki með lífsmarki í dag. Persónulega hefði ég svo viljað sjá unga stráka eins og Guðmund og Ásbjörn nýta sénsa sína miklu betur í dag en svona vinna menn sér svo sannarlega ekki inn fleiri spilmínútur.

Varnarlega var liðið að venju gott en hafa þó leikið betur. Sú staðreynd að Arnar Jón fái að skora þessi mörk er mér enn undrun. Bak við vörnina var Hreiðar svo virkilega góður og í algjöru stjörnuformi. Hann varði og varði framan af og var svo allt í einu skipt útaf. Eftir það átti Akureyri aldrei séns en hann hafði haldið þeim á floti fyrstu 45 mínúturnar.

Fylkisliðið var einfaldlega öflugra í dag og þeim gríðarlegur fengur að fá Heimi og Guðlaug aftur. Þeir tveir stjóruðu liðinu eins og herforingjar og þá sérstaklega varnarlega þar sem liðið sló Akureyri svo sannarlega við. Sigur Fylkis var svo sannarlega sanngjarn og kemur þeim aftur í baráttuna í þessari deild. Þetta tap er hins vegar óásættanlegt hjá okkar mönnum því þeir hefðu getað losað sig við Fylki og farið að hugsa um titilbaráttuna hreinlega en svo verður ekki.

Menn leiksins: Andri Snær Stefánsson, sem var hreint ótrúlegur í sókninni þrátt fyrir að fá enga hjálp frá sínum liðsfélögum, og Hreiðar Levý Guðmundsson sem kemur í toppformi til baka frá HM.

Tengdar fréttir

Hreiðar og Andri voru bestu menn Akureyrar í leiknum



25. febrúar 2015 - Akureyri handboltafélag skrifar

Myndband frá fyrsta sjónvarpsleik Akureyrar

Akureyri Handboltafélag hefur ekki oft fengið að spila í beinni útsendingu í sjónvarpinu en fyrsti sjónvarpsleikur félagsins var gegn Fylki þann 10. febrúar 2007. Eftir hörkuleik þá gáfu okkar menn eftir þegar liðið var á síðari hálfleikinn og Fylkismenn fóru með sigur af hólmi 29-23.

Við erum búin að klippa leikinn til og má sjá þar öll mörk Akureyrar í leiknum, nokkur mörk frá Fylkismönnum og nokkrar flottar vörslur hjá Hreiðari Levý.

Mjög gaman er að rifja upp leikinn og þá sérstaklega vegna þess að í liði Fylkis voru 4 leikmenn sem spiluðu síðar með Akureyri en það eru þeir Heimir Örn Árnason, Guðlaugur Arnarsson, Hreinn Þór Hauksson og Brynjar Þór Hreinsson.

Hvor hálfleikur fær 10 mínútur í myndbandinu og svo endar það á viðtölum við þá Guðlaug, Heimi og Hreiðar, sjón er sögu ríkari!


Til baka    Senda á Facebook

Umsjón og hönnun: Stefán Jóhannsson og Ágúst Stefánsson