Warning: Undefined array key "frettanr" in /web/akhandadmin/public_html/index.php on line 15 Haukarnir voru of stór biti fyrir Akureyri - Akureyri Handboltafélag
Dómarar: Gunnar Jarl Jónsson og Hörður Aðalsteinsson
Umfjöllun
Tengdar fréttir
Stórleikur í dag í Hafnarfirði
27. september 2008 - Akureyri handboltafélag skrifar
Leikur dagsins: Haukar - Akureyri
Í dag standa strákarnir okkar í stórræðum þegar þeir fara í Hafnarfjörð og mæta stórliði Hauka. Að sjálfsögðu er skyldumæting allra sem eiga kost á að koma á völlinn en leikurinn hefst klukkan 16:00.
Við ætlum að vera með beina lýsingu frá leiknum hér á síðunni fyrir þá sem ekki komast á leikinn og hefst hún rétt fyrir leik.
Það er virkilega auðvelt að fylgjast með leiknum í gegnum Beinu Lýsinguna.
Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 16:00 og við hvetjum alla til að fylgjast vel með.
Það verður engin kurteisisheimsókn í Hafnarfjörðinn á morgun
26. september 2008 - Akureyri handboltafélag skrifar
Okkar menn fara í Hafnarfjörðinn á laugardaginn
Okkar menn eru að fara í erfiðan útileik á morgun þegar þeir mæta Íslandsmeisturum Hauka á heimavelli þeirra, Ásvöllum í Hafnarfirði. Haukum er spáð góðu gengi í vetur og að þeir verji Íslandsmeistaratitilinn frá því í fyrra. Lið Hauka er ekki mikið breytt frá því í fyrra, þó hafa gömlu kempurnar Halldór Ingólfsson og Jón Karl Björnsson lagt skóna á hilluna en þeir hafa endurheimt landsliðsmarkvörðinn Birki Ívar og hornamanninn Einar Örn Jónsson frá Þýskalandi, auk þess sem Hafsteinn Anton Ingason og Tryggvi Haraldsson komu til liðs við þá eftir dvöl í Danmörku.
Haukarnir hafa stóran og öflugan hóp leikmanna og hefur Aron Kristjánsson þjálfari þeirra verið duglegur að dreifa álaginu á mannskapinn og er það að margra mati einn lykillinn að velgengni þeirra síðasta tímabil.
Í fyrstu umferð N1-deildarinnar fengu Haukarnir lið Stjörnunnar í heimsókn og unnu fyrirhafnarlítinn sigur 28-21. Bestu menn Hauka í þeim leik voru Birkir Ívar í markinu sem varði 22 skot en af útileikmönnum voru þeir Kári Kristjánsson og Sigurbergur Sveinsson fyrirferðamestir með 6 mörk hvor.
Leikir liðanna síðasta vetur voru æsispennandi og lauk tveimur þeirra með jafntefli og því ætti leikurinn á morgun að geta orði hin besta skemmtun. Við hvetjum alla stuðningsmenn Akureyrar sem verða á Stór-Hafnarfjarðarsvæðinu á morgun til að fjölmenna á leikinn sem verður eins og áður segir á Ásvöllum og hefst klukkan 16:00.
Fyrir þá stuðningsmenn sem heima sitja bendum við á að við búumst við því að verða með leikinn í beinni textalýsingu hér á síðunni, en nánar um það á morgun.
Árni í viðtali við heimasíðu Hauka
26. september 2008 - Akureyri handboltafélag skrifar
Ef við spilum okkar leik eru okkur allir vegir færir
Heimasíða Hauka birtir í dag viðtal við Árna Sigtryggsson leikmann Akureyrar en Árni er þeim Hafnfirðingum að góðu kunnur enda lék hann með þeim í tvö tímabil áður en hann hélt í atvinnumennsku til Spánar. Viðtalið við Árna fer hér á eftir.
Hvernig er að vera kominn heim til Íslands á ný og byrjaður að spila með Akureyri ? „Það er bara mjög fínt. Mér finnst allt vera á uppleið hérna heima. Deildin er sterkari en oft áður og miðað við fyrstu umferðina þá hefur umgjörðin batnað mikið. Það er gott að vera kominn aftur norður. Þetta er mitt uppeldisfélag, þó það sé í breyttri mynd í dag. Það er einnig gaman að taka þátt í því að rífa handboltann á Akureyri upp aftur“
Akureyri byrjaði tímabilið á heimavelli gegn nýliðum FH, þeir voru með yfirtökin í leiknum þangað til um 5 mínútur voru eftir af leiknum og þá fór allt í baklás og FH – ingarnir gerðu sér lítið fyrir og sigruðu leikinn „Við fengum nokkur tækifæri til að gera út um þann leik en nýttum þau ekki. Við klúðruðum þessu sjálfir og misstum svo hausinn endanlega síðustu 2 mínúturnar og leyfðum þeim að raða á okkur mörkum. Svona gerist ekki aftur í vetur.“
En hvernig skyldi leikurinn við Hauka á laugardaginn leggjast í Árna, býst hann við að þetta verði eitthvað öðruvísi leikur fyrir hann en aðra leiki og hvernig skyldi stemmingin í herbúðum Akureyrar vera þessa dagana? „Stemmingin er mjög góð eins og alltaf. Við erum búnir að hreinsa hausinn eftir síðasta leik. Þetta verður vissulega aðeins öðruvísi leikur fyrir mig. Ég ber ennþá taugar til Hauka og kann vel við fólkið í félaginu og strákana í liðinu, en það gleymist á meðan leik stendur.“
Við spurðum Árna næst að því, hverjir möguleikar Akureyrar væru að sigra Hauka og hvað Akureyri þurfti að gera til að sigra „50/50. Þetta hafa verið hörkuleikir á milli þessara liða undanfarin ár og ég held að þessi leikur verði það líka. Við einbeitum okkur fyrst og fremst að okkur sjálfum fyrir leikinn á laugardaginn. Ef við spilum okkar leik og náum því besta út úr hverjum og einum þá eru okkur allir vegir færir.“
En hvaða lið býst Árni Þór að verði í topp sætunum þegar upp er staðið ? „Ég held að deildin verði jöfn og spennandi í vetur. Haukar og Valur bera af á pappírunum en spárnar hafa nú ekki staðist undanfarin ár. Það munu vera lið sem koma á óvart og lið sem valda vonbrigðum, eins og alltaf. Ég held að Haukarnir fari langt í vetur og verði í toppbaráttunni á öllum vígstöðum.“
Við spurðum Árna svo að lokum hver framtíðarplön hans væru? „Klára að mennta mig og halda áfram að bæta mig sem handboltamaður. Á næstu árum stefni ég á að fara aftur í atvinnumennsku,“ sagði Árni Þór Sigtryggsson að lokum við Haukar.is
Úrvalsdeild karla
Senda skilaboð
Vefur KA
Vefur Þór
Fréttaleit
Textalýsing frá leiknum
Tölfræði leiksins 
Senda á Facebook