Warning: Undefined array key "frettanr" in /web/akhandadmin/public_html/index.php on line 15
Tap gegn FH - umfjöllun - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2008-09

Leikmenn meistarafl. karla
Úrslit leikja
Deild karla




Tölfræði leiksins 
    FH - Akureyri  38-32 (18-19)
N1 deild karla
Kaplakriki
12. febrúar 2009 klukkan: 19:30
Dómarar: Helgi Rafn Hallsson Sigurjón Þórðarson
Umfjöllun

Árni Sigtryggsson setti 10 mörk í dag

13. febrúar 2009 - Akureyri handboltafélag skrifar

Tap gegn FH - umfjöllun

Það var í raun töluvert undir þegar Akureyri og FH mættust í Kaplakrikanum í gærkvöldi því þessi lið voru í 4. og 5. sæti deildarinnar fyrir leikinn. Leikurinn fór ágætlega af stað og liðin skiptust á að hafa forystuna en jafnt var á öllum tölum upp í stöðuna 9-9. Þá náðu FH ingar í fyrsta sinn tveggja marka forystu 11-9 og skömmu síðar 12-10 en í kjölfarið kom fínn kafli hjá Akureyri sem skoraði næstu þrjú mörk og náðu forystunni 12-13. Akureyri hafði fín tök á leiknum á þessum tíma og náðu mest þriggja marka forystu 15-18 en FH-ingar komu til baka en Akureyri fór með eins marks forystu, 18-19 í hálfleik.

Sóknarleikur Akureyrar var prýðisgóður lengst af í fyrri hálfleik, Árni Sigtryggsson sýndi gamalkunna takta, var mjög ógnandi og skoraði sjö mörk, sömuleiðis voru Hörður Fannar og Oddur öruggir í sínum leik og nýttu sín færi vel en báðir skoruðu 4 mörk og síðan voru Anton og Jónatan með 2 mörk hvor.
Varnarleikurinn var hins vegar ekki nógu sannfærandi og náðu liprir FH-ingar hvað eftir annað að tæta hana í sundur og fyrir vikið var markvarslan lítil. Hafþór byrjaði í markinu en Siguróli leysti hann af um tíma en Hafþór kom fljótlega inná aftur og varði samtals 6 skot í hálfleiknum, þar af eitt víti. Reyndar var markvarsla FH-inga verulega döpur líka en þeirra markverðir náðu samtals 6 skotum í fyrri hálfleik.


Aron Pálmason endaði fyrri hálfleik með aukakasti sem ekkert varð úr. Mynd mbl.is

FH-ingar komu mun ákveðnari til seinni hálfleiks og með grimmum varnarleik náðu þeir fljótlega forystunni og komust í 25-21. Akureyri var þó ekki á þeim buxunum að gefast upp, Goran skoraði tvö fín mörk í röð og staðan 25-23. FH jók forystu sína aftur í fjögur mörk en Hafþór varði vítakast og Hörður Fannar kom með tvö mörk í röð, leikurinn í járnum 27-25 fyrir FH og 15 mínútur til leiksloka.

Þegar hér var komið sögu var komið að þætti dómaranna en þeir færðu FH-ingum þrjú víti á silfurfati sem færðu þeim mörk og staðan orðin 30-25 fyrir FH. Akureyri tókst að vinna þetta forskot niður í þrjú mörk 30-27 og seinna í 32-29. Nokkur prýðileg tækifæri fengust til að minnka muninn frekar en Magnús Sigmundsson markvörður FH sá til þess að þau fóru forgörðum en þess í stað gekk flest upp hjá FH sem fengu ódýr hraðaupphlaupsmörk á lokamínútunum og unnu því óþarflega stóran sigur 38-32.
Liðinu tókst því ekki að fylgja eftir góðum fyrri hálfleik, baráttan og samvinnan í vörninni varð aldrei eins og best verður á kosið og Hafþór náði sér fyrir vikið ekki á strik, líkt og í fyrri hálfleik sex skot varin og þar af eitt víti.
Ljósi punkturinn var að sóknarleikurinn var lengst af í nokkuð góðum gír, Árni spilaði sinn besta leik eftir endurkomuna, skoraði 10 mörk og var mjög ógnandi.


Árni Sigtryggsson skorar eitt af 10 mörkum sínum. Mynd mbl.is

Mörk Akureyrar: Árni 10 (2 víti), Hörður 6, Jónatan og Oddur 4 mörk hvor, Goran 3 mörk, Anton 2 en Andri, Brynjar og Hreinn 1 mark hver.
Hafþór varði 12 skot, þar af 2 vítaköst.

Því miður gátum við ekki lýst leiknum beint eins og til stóð þar sem bilun var í internetsambandi í Kaplakrika en með því að skoða tölfræðihluta leiksins er hægt að sjá hvernig leikurinn þróaðist.
Áhorfendur í Kaplakrikanum voru um 500 og verður að segjast eins og er að maður átti von á veglegri umgjörð um leikinn miðað við að FH var útnefnd af HSÍ með bestu umgjörð 8.-14. umferða, allavega hefðum við ekki gortað af henni eða talið merkilega á Akureyri :)

Staðan í deildinni eftir leiki kvöldsins
Nr. FélagLeikir U J TMörkHlutfallStig-
1. Valur15933415 : 3585721:9
2. Haukar141004408 : 3525620:8
3. FH15825455 : 4451018:12
4. Fram15735412 : 414-217:13
5. HK15636401 : 411-1015:15
6. Akureyri15618387 : 417-3013:17
7. Stjarnan15339368 : 401-339:21
8. Víkingur142111355 : 403-485:23

Tengdar fréttir

Hörður Fannar er klár í slaginn í dag

12. febrúar 2009 - Akureyri handboltafélag skrifar

Leikur dagsins: FH - Akureyri í beinni textalýsingu

Þá er runninn upp leikdagur hjá Akureyri Handboltafélagi. Að þessu sinni halda strákarnir í Hafnarfjörðinn og leika gegn spútnikliði FH í Kaplakrikanum.

Leikurinn hefst klukkan 19:30 og að sjálfsögðu ætlum við að bjóða stuðningsmönnum sem ekki eiga heimangegnt á leikinn upp á beina lýsingu frá leiknum hér á síðunni og hefst hún rétt fyrir leik.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.


Það getur allt gerst þegar þessi lið mætast

11. febrúar 2009 - Akureyri handboltafélag skrifar

Útileikur gegn FH á fimmtudaginn

Þá er þriðja og síðasta umferð N1 deildarinnar að hefjast og byrjar Akureyri lokarimmuna á útivelli gegn FH núna á fimmtudaginn. Síðast þegar liðin mættust var það einmitt á heimavelli þeirra FH-inga og þar fór Akureyri með frækinn sigur. Akureyri átti prýðisgóðan leik gegn Fram í síðustu viku og stefnir allt í hörkuleik.

FH tapaði síðustu tveim leikjum sínum, gegn Haukum í N1 deildinni og nú á sunnudaginn gegn Val í bikarnum og koma væntanlega til leiks staðráðnir í að rífa sig upp aftur. Nokkuð hefur verið um meiðsli í þeirra herbúðum og óljóst hvernig þeir stilla upp liði sínu en hins vegar fékk FH góðan liðstyrk um áramótin þegar landsliðsmaðurinn Bjarni Fritzson sneri heim úr atvinnumennsku og gekk til liðs við þá og hefur sýnt prýðisleiki á árinu.

Það hefur því heldur hækkað meðalaldurinn í hinu unga og frábæra liði FH-inga og inneignin í reynslubankanum hækkar stöðugt.


Rúnar og Hörður Fannar gengu vasklega fram í vörninni gegn FH síðast

Við reiknum fastlega með því að verða með leikinn í beinni textalýsingu hér á síðunni á fimmtudaginn fyrir alla stuðningsmenn liðsins sem heima sitja en hvetjum að sjálfsögðu harðskeytta stuðningsmenn á suðvesturhorninu til að mæta í Kaplakrikann klukkan 19:30 og hvetja liðið því nú ríður á að komast í hóp fjögurra efstu liða til að verða með í úrslitakeppninni í vor.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson