Warning: Undefined array key "frettanr" in /web/akhandadmin/public_html/index.php on line 15
Gengur erfiðlega að sigra í Garðabæ! - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2008-09

Leikmenn meistarafl. karla
Úrslit leikja
Deild karla




Textalýsing frá leiknum     Tölfræði leiksins 
    Stjarnan - Akureyri  29-26 (15-14)
N1 deild karla
Mýrin
9. mars 2009 klukkan: 19:30
Dómarar: Helgi Rafn Hallsson og Sigurjón Þórðarson
Umfjöllun

Dýrt að missa Rúnar af leikvelli í Mýrinni. Árni og Andri menn hvors hálfleiks





10. mars 2009 - Akureyri handboltafélag skrifar

Gengur erfiðlega að sigra í Garðabæ!

Garðabær er greinilega ekki uppáhaldsvöllur Akureyrar Handboltafélags en á undanförnum þrem leiktíðum hafa liðin mæst þar átta sinnu og aðeins einu sinni hefur Akureyri farið með sigur af hólmi en það var 12. nóvember 2006.

Leikurinn í gær var afar mikilvægur báðum liðum og það var Akureyri sem réð lögum og lofum á vellinum til að byrja með. Raunar skoraði Stjarnan fyrstu tvö mörkin en eftir tólf mínútna leik var staðan orðin 5-9 fyrir Akureyri. Á þessum kafla var vörn Akureyrar frábær sem skilaði hraðaupphlaupsmörkum og Árni Sigtryggsson átti stórleik í sókninni.

Eftir fjórtán mínútna leik dró heldur betur til tíðinda, Ragnar Helgason hornamaður Stjörnunnar geystist fram í hraðaupphlaup og lenti í samstuði við Rúnar Sigtryggsson og féll við. Eftir samráð dómaranna sýndu þeir Rúnari rauða spjaldið sem var ákaflega strangur dómur. Vissulega verðskuldaði Rúnar tveggja mínútna brottvísun en hér var klárlega ekki um slíkan ásetning að ræða að útilokun væri réttlætanleg.

Brotthvarf Rúnars virtist slá liðið gjörsamlega út af laginu og Stjörnumenn nýttu það til hins ítrasta og náðu forystu 11-10 eftir tuttugu mínútna leik. Stjarnan hélt frumkvæðinu út hálfleikinn og hafði eins marks forystu 15-14 í hálfleik.

Eins og áður segir fór Árni Sigtryggsson á kostum í fyrri hálfleiknum, skoraði fimm stórgóð mörk einnig var Hreinn Hauksson öflugur, skoraði þrjú góð mörk og fiskaði vítakast af miklu harðfylgi.

Akureyri mætti vel stefnt í seinni hálfleikinn, jafnaði í fyrstu sókn og náði í kjölfarið frumkvæðinu í leiknum. Andri Snær sem kom í skyttustöðuna eftir að Rúnar fór af leikvelli var mjög öflugur á þessum kafla og skoraði þrjú mörk á upphafsmínútum seinni hálfleiksins.

Stjarnan var þó aldrei langt undan og náði alltaf af og til að jafna leikinn t.d. í 23-23 eftir 47 mínútna leik en þá kom slæmur kafli hjá okkar mönnum, nokkur stangarskot meðan allt féll með Stjörnunni sem náði fjögurra marka forystu 28-24 og einungis fimm mínútur til leiksloka.

Hörður Flóki kom í markið á síðustu mínútunum og varði ævintýralega en það dugði ekki til og Stjarnan landaði þriggja marka sigri 29-26. Það var verulega súrt að tapa þessum leik eftir frábæra byrjun. Árni sem átti frábæran fyrri hálfleik hvarf eiginlega í þeim seinni á meðan Andri Snær var atkvæðamestur með fjögur mörk. Jónatan var öruggur í vítaköstunum.

Það var greinilegt að liðið saknaði Rúnars og Hödda sem fór ekki með vegna væntanlegrar barnsfæðingar en Atli Ævar stóð sig vel í baráttunni á línunni í staðinn. Það var hins vegar dapurt að það kom ekki eitt einasta mark úr hornunum allan leikinn.

Patrekur Jóhannesson þjálfari Stjörnunnar lék töluverðan hluta leiksins en það var greinilegt að strákarnir ætluðu ekki að láta hann vaða uppi enda var gengið vasklega í hann og náði hann varla skoti á markið allan tímann, hins vegar reyndust Björgvin Hólmgeirsson, Vilhjálmur Halldórsson og Ragnar Helgason erfiðir og skoruðu 19 mörk Stjörnunnar.

Mörk Akureyrar: Árni 7, Jónatan 7 (6 úr vítum), Andri 5, Hreinn 3, Atli og Brynjar 2 mörk hvor.

Hafþór varði 10 skot og Hörður Flóki 5 þann stutta tíma sem hann var inná.

Hægt er að skoða ítarlega gang leiksins með þvi að skoða beinu lýsinguna frá leiknum.

Þessu úrslit gerðu reyndar öllu erfiðara en ella fyrir Akureyri að komast í úrslitakeppnina en þó er það ekki útillokað. Á föstudaginn tökum við á móti toppliði Hauka en það er einmitt eina liðið sem Akureyri á eftir að sigra á þessu tímabili og því væri kærkomið að láta það gerast á föstudaginn.

Staðan í deildinni þegar þrjár umferðir eru eftir er sem hér segir:

Nr. FélagLeikir U J TMörkHlutfallStig-
1. Haukar181404513 : 4397428:8
2. Valur181134501 : 4257625:11
3. HK18846480 : 485-520:16
4. Fram18837492 : 498-619:17
5. FH18828524 : 524018:18
6. Akureyri18729463 : 491-2816:20
7. Stjarnan185310454 : 489-3513:23
8. Víkingur182115444 : 520-765:31

Tengdar fréttir

Árni verður með að þessu sinni

9. mars 2009 - Akureyri handboltafélag skrifar

Leikur dagsins: Stjarnan - Akureyri í beinni textalýsingu

Þetta verður í annað sinn á tímabilinu sem liðin mætast í Garðabænum en fyrri leikurinn var í byrjun desember og þar fór Stjarnan með góðan sigur eftir að leikur Akureyrar hrundi á lokamínútum leiksins.

Stjarnan sýndi það síðastliðinn fimmtudag að þeir eru með hörkulið þegar þeir unnu FH á heimavelli þeirra síðarnefndu með þrem mörkum eftir að hafa náð níu marka forystu í fyrri hálfleik.

Frá desemberleiknum gegn Akureyri hafa þær breytingar orðið í leikmannahópi Stjörnunnar að Fannar Þór Friðgeirsson hefur yfirgefið liðið og gengið til liðs við sína fyrri félaga í Val, og sömuleiðis hefur Hermann Ragnar Björnsson gengið til liðs við FH.

Hins vegar hefur Patrekur Jóhannesson þjálfari dregið fram skóna á ný og hann dreif sína menn áfram í síðasta leik gegn FH, skoraði fjögur mörk og batt saman vörnina sem skilaði í kjölfarið ótal hraðaupphlaupsmörkum.

Þá er Björgvin Hólmgeirsson kominn til baka eftir meiðsli en hann missti reyndar af síðustu tveim leikjum vegna leikbanns. Skyttan Vilhjálmur Ingi Halldórsson átti stórleik gegn FH og þá er hornamaðurinn Ragnar Már Helgason baneitraður.


Patrekur og Ragnar Már Helgason bera saman bækur sínar í FH leiknum

Það sem fór reyndar með desemberleikinn hjá okkar mönnum var fyrst og fremst hörmuleg nýting á dauðafærum einn á móti markmanni en ef minnið svíkur ekki þá fóru tólf slík í vaskinn og munar um minna.

Árni Sigtryggsson er einnig kominn til baka en hann lék ekki með í desember þannig að það eru allar horfur á að við fáum magnaðan leik í Garðabænum á mánudaginn.

Leikurinn verður að sjálfsögðu í beinni lýsingu hér á síðunni en við hvetjum frábæra stuðningsmenn Akureyrar til að fjölmenna í Mýrina, leikurinn hefst klukkan 19:30 og lýsingin eitthvað fyrir þann tíma.

Smelltu hér til að fylgjast með beinu lýsingunni.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson