Warning: Undefined array key "frettanr" in /web/akhandadmin/public_html/index.php on line 15
Jafntefli gegn Fram og úrvalsdeildarsætið tryggt - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2008-09

Leikmenn meistarafl. karla
Úrslit leikja
Deild karla
Textalýsing frá leiknum     Tölfræði leiksins 
    Akureyri - Fram  28-28 (13-15)
N1 deild karla
Íþróttahöllin
5. apríl 2009 klukkan: 16:00
Dómarar: Anton Gylfi Pálsson og Jón Karl Björnsson. Eftirlitsdómari var Davíð Benedikt Gíslason
Umfjöllun

Jónatan fór fyrir sínum mönnum í dag sem sannur fyrirliði

5. apríl 2009 - Akureyri handboltafélag skrifar

Jafntefli gegn Fram og úrvalsdeildarsætið tryggt

Akureyri Handboltafélag tryggði sér áframhaldandi veru í N1-deild karla í handbolta næsta vetur þegar liðið gerði jafntefli við Fram á heimavelli í dag. Jafnteflið eitt og sér hefði ekki dugað Akureyri til að halda sætinu í deildinni en þar sem að Stjarnan tapaði á sama tíma fyrir Haukum 27-31 skiptu úrslitin í leik Akureyrar ekki máli.

Þessi umfjöllun um leikinn í dag er fengin að láni frá fréttaritara Vikudags, Jóni Stefáni Jónssyni.

Leikur Akureyrar og Fram var lengst af fremur bragdaufur og var mikil deyfð yfir bæði leikmönnum Akureyrar sem og áhorfendum lengst af leik. Reyndar átti það einnig við um gestina sem þó héldu frumkvæðinu nær allan leikinn og leiddu í hálfleik 15-13.

Þegar um 8 mínútur voru til leiksloka virtist stefna í öruggan sigur Fram sem þá hafði fimm marka forystu 28-23 og Akureyringar algjörlega heillum horfnir. En svo fór þó ekki því á þessum tímapunkti small framliggjandi vörn Akureyringa algjörlega saman í bland við að Hafþór Einarsson, sem kom í markið í stað Harðar Flóka Ólafssonar skömmu áður, fór að verja eins og berserkur. Akureyringar minnkuðu muninn í eitt mark þegar um þrjár mínútur voru eftir 27-28 og brenndu af þremur tækifærum til að jafna á næstu mínútum áður en Andri Snær Stefánsson jafnaði leikinn 28-28 þegar 15 sekúndur voru til leiksloka.

Frammarar geystust í sókn ef sterk vörn Akureyrar hélt og jafntefli varð niðurstaðan. Úr því sem komið var má segja að lokahnykkurinn á tímabilinu hafi verið nokkuð jákvæður hjá Akureyri, því liðið náði að tryggja sér stig eftir að hafa verið komnir í því sem næst vonlausa stöðu.

Bestu menn Akureyrar í leiknum voru þeir Jónatan Magnússon, Oddur Gretarsson ásamt því að Andri Snær Stefánsson og Hreinn Hauksson áttu góða spretti.

Mörk Akureyrar skoruðu: Jónatan 6, Árni 6 (3 úr vítum), Andri Snær og Oddur 4 hvor, Hreinn 3, Björn Óli og Hörður 2 mörk hvor og Heiðar Þór 1 mark.

Leikurinn var í beinni lýsingu hér á síðunni og hægt að fylgjast þar með gangi leiksins. Sjá beinu lýsinguna.

Lokastaðan í N1-deildinni varð því:
Nr. FélagLeikir  U  J  TMörkHlutfallStig-
1.  Haukar211614599 : 5168333:9
2.  Valur211335585 : 5097629:13
3.  HK211056564 : 560425:17
4.  Fram211047586 : 580624:18
5.  FH218211602 : 613-1118:24
6.  Akureyri217311538 : 573-3517:25
7.  Stjarnan216312535 : 572-3715:27
8.  Víkingur213117527 : 613-867:35

Tengdar fréttir

Andri og félagar eru klárir í slaginn í dag

5. apríl 2009 - Akureyri handboltafélag skrifar

Leikur dagsins: Akureyri - Fram í beinni textalýsingu

Síðasti leikur Akureyrar í N1 deildinni er í dag klukkan 16:00 gegn Fram. Fyrir leik og í hálfleik verður sýndur urmull af ljósmyndum frá keppnistímabilinu þannig að viðstaddir fá netta upprifjun á leiktímabilinu. Einnig verðum við með nokkrar tölvur á kaffistofunni þar sem áhugasamir verða aðstoðaðir við að skrá sig fyrir staðgreiðslukort Skeljungs/Orkunnar og styrkja í leiðinni Akureyri Handboltafélag.

Að sjálfsögðu verður heimasíðan með leikinn í beinni lýsingu fyrir þá sem ekki eiga kost á að mæta á leikinn. Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:00 og við hvetjum alla til að fylgjast vel með.


Það var rafmögnuð spenna síðast þegar liðin mættust í Höllinni

1. apríl 2009 - Akureyri handboltafélag skrifar

Síðasti deildarleikurinn er á sunnudaginn

Á sunnudaginn lýkur keppni í N1 deild karla og þar með gefst síðasta tækifærið til að mæta og hvetja lið Akureyrar sem tekur á móti Fram klukkan 16:00 á sunnudaginn.

Það er mikið í húfi fyrir lið Akureyrar sem ætlar sér að gulltryggja áframhaldandi sæti sitt í deildinni með sigri í leiknum. Við heitum því á alla velunnara handboltans á Akureyri að fjölmenna í Höllina á sunnudaginn og taka hraustlega á því með strákunum, ekki er seinna vænna.

Lið Fram er nú þegar búið að vinna sér sæti í úrslitakeppninni, liðin hafa mæst tvisvar í deildarkeppninni í vetur. Í fyrra skiptið þann 6. nóvember í Framhúsinu og þar sigraði Akureyri örugglega. Seinni leiknum lauk með jafntefli í hörkurimmu hér í Höllinni þar sem Fram jafnaði í leikslok.

Þjálfari Fram er Viggó Sigurðsson sem oft hefur boðið upp á dramatík á hliðarlínunni og þá eru þrír Akureyringar í leikmannahópi Fram. Það eru leikstjórnendurnir Halldór Jóhann Sigfússon sem lengst af lék með KA og Guðmundur Freyr Hermannsson sem lék með Akureyrarliðinu fyrsta tímabilið. Þriðji Akureyringurinn í Framliðinu, Magnús Stefánsson frá Fagraskógi er kominn af stað aftur eftir að hafa verið einstaklega óheppinn í vetur, fingurbrotnað tvívegis og því misst af meirihluta mótsins.

Þá er skyttan og landsliðsmaðurinn Rúnar Kárason atkvæðamikill í liðinu og í síðasta leik, þegar Fram sigraði FH átti Jóhann Gunnar Einarsson stórleik en hann hefur verið að jafna sig eftir erfið meiðsl í allan vetur.

Lið Akureyrar var hársbreidd frá því að leggja stórlið Vals á útivelli um síðustu helgi og því stefnir allt í hörkuleik á sunnudaginn.


Það var allt á suðupunkti undir lokin þegar liðin mættust síðast.


Til baka    Senda á Facebook

Umsjón og hönnun: Stefán Jóhannsson og Ágúst Stefánsson