Warning: Undefined array key "frettanr" in /web/akhandadmin/public_html/index.php on line 15
Stórsigur Akureyrar á Stjörnunni í kvöld - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2009-10

Leikmenn meistarafl. karla
Úrslit leikja
Deild karla




Ljósmyndir frá leiknum     Textalýsing frá leiknum     Tölfræði leiksins 
    Akureyri - Stjarnan  36-21 (21-12)
N1 deild karla
Íþróttahöllin
Fös 12. mars 2010 klukkan: 19:00
Dómarar: Gísli Hlynur Jóhannsson og Hafsteinn Ingibergsson
Umfjöllun

Oddur raðaði inn 12 mörkum gegn Stjörnunni

12. mars 2010 - Akureyri handboltafélag skrifar

Stórsigur Akureyrar á Stjörnunni í kvöld

Akureyri endurheimti annað sætið í N1 deildinni með stórsigri á Stjörnunni í kvöld. Það var mikið um dýrðir í Íþróttahöllinni, frábær jazzhljómsveit Tónlistarskólans á Akureyri lék af fingrum fram fyrir leik og einnig í hálfleik og færum við þeim bestu þakkir fyrir framlagið.

Leikurinn var jafn til að byrja með og jafnt á flestum tölum fyrstu tuttugu mínútur leiksins eða upp í 10-10. Stjarnan náði þó einu sinni tveggja marka forystu 4-6. En þar með skyldu leiðir og heimamenn hreinlega stungu af. Þegar blásið var til hálfleiks var staðan orðin 21-12 fyrir Akureyri.
Mestu munaði um að vörn Akureyrar small saman þegar þeir skiptu yfir í 6-0 vörn en raunar hefði munurinn hæglega getað verið mun meiri því fjöldamörg dauðafæri fóru í súginn.

Akureyri hóf seinni hálfleikinn líkt og þeir enduðu þann fyrri og munurinn fór í tíu mörk 22-12 áður en Stjarnan svaraði. Yfirburðir Akureyrar voru algjörir og einhvernveginn varð stemmingin allan seinni hálfleikinn að allir, jafnt áhorfendur sem leikmenn voru farnir að bíða eftir að leikurinn kláraðist.

Tíu marka munurinn hélst lengst af en Akueryri tók þó góðan kipp í blálokin og jók forskotið upp í sextán mörk 36-20 en Stjarnan skoraði síðasta mark leiksins þannig að lokatölur urðu 36-21.

Sem sagt öruggur sigur og dýrmæt tvö stig komin í hús.

Oddur Gretarsson var magnaður í leiknum og skoraði 12 mörk, Heimir Örn átti fínan leik og var gríðarlega traustur bæði í sókn og vörn. Geir Guðmundsson var sterkur í leiknum og þá átti nýjasti nýliðinn, Bergvin Gíslason magnaða innkomu og var öryggið uppmálað í vinstra horninu.

Hörður Flóki stóð lengst af í markinu og var mjög góður. Hafþó kom í markið síðustu tólf mínúturnar og var frábær.

Mörk Akureyrar: Oddur Gretarsson 12 (5 úr vítum), Geir Guðmundsson 6, Heimir Örn Árnason 5, Bergvin Gíslason 5, Hörður Fannar Sigþórsson 4, Halldór Logi Árnason 1, Hreinn Þór Hauksson 1, Guðmundur Hólmar Helgason 1 og Árni Þór Sigtryggsson 1
Hörður Flóki Ólafsson varði 12 skot, þar af 1 vítakast og Hafþór Einarsson 7skot og sömuleiðis 1 vítakast.

Stjörnuliðið barðist vel fyrstu tuttugu mínúturnar en þar með var allur vindur úr liðinu. Það verður reyndar að segjast að nokkra mikilvæga pósta vantaði í liðið í kvöld. Markvörðurinn Ronald Eratze var veikur, Ragnar Helgason meiddur og Vilhjámur Halldórsson í leikbanni.

Akureyri er því áfram í öðru sæti deildarinnar en á afar mikilvægan leik næstkomandi fimmtudag þegar FH kemur í heimsókn og má segja að sá leikur sé einn af úrslitaleikjum mótsins.

Staðan í deildarkeppni karla eftir 15 umferðir:
Nr. FélagLeikir U J TMörkHlutfallStig-
1. Haukar151122384 : 3543024:6
2. Akureyri15924404 : 3713320:10
3. HK15915410 : 3862419:11
4. FH15915423 : 3933019:11
5. Valur15726374 : 3591516:14
6. Grótta154011372 : 408-368:22
7. Stjarnan153111347 : 407-607:23
8. Fram153111387 : 423-367:23

Tengdar fréttir

Ingvi Rafn Ingvason mætti með hljómsveit sína

13. mars 2010 - Akureyri handboltafélag skrifar

Jazzhljómsveit Tónlistarskólans í Höllinni - myndir

Það var Jazzhljómsveit Tónlistarskólans á Akureyri sem sá um frábæran tónlistarflutning í tengslum við leik Akureyrar og Stjörnunnar í gær. Hljómsveitin lék bæði fyrir leikinn og í hálfleik. Hljómsveitinni er stjórnað af Ingva Rafni Ingvasyni sem jafnframt sló taktinn með ungum og bráðefnilegum liðsmönnum. Við þökkum þeim fyrir magnað framlag og óskum þeim alls hins besta í framtíðinni.

Þórir Tryggvason smellti af nokkrum myndum af hljómsveitinni og er hægt að skoða þær allar hér.

Nánari upplýsingar um starfsemi Tónlistarskólans á Akureyri á heimasíðu skólans http://tonak.is



Hreinn Hauksson hafði í nógu að snúast í leiknum

13. mars 2010 - Akureyri handboltafélag skrifar

Myndir frá sigurleiknum gegn Stjörnunni

Það gekk á ýmsu í leik Akureyrar og Stjörnunnar í gærkvöldi líkt og við er að búast. Eins og jafnan áður var Þórir Tryggvason mættur á staðinn og þá er myndavélin ekki langt undan. Þórir sendi okkur fullt af myndum og einhverra hluta vegna tengjast þær býsna margar dómgæslunni og brottvísunum sem voru býsna margar í leiknum.


Áhorfendur fylgjast vel með gangi mála


Rúnar fær brottvísun eftir skoðanaskipti við dómarana

Smelltu hér til að sjá allar myndir Þóris frá leiknum.


Við verðum hér á okkar stað

12. mars 2010 - Akureyri handboltafélag skrifar

Leikur dagsins: Akureyri - Stjarnan í beinni textalýsingu

Að vanda gerum við ráð fyrir að hafa beina textalýsingu frá leiknum í dag. Leikurinn hefst í Höllinni klukkan 19:00.

Þú smellir hér til að fylgjast með beinu lýsingunni sem opnast í sérstökum glugga og uppfærist síðan sjálfkrafa á 20 sekúndna fresti.


Okkur vantar reyndar mynd af jazzhljómsveitinni en stórsveitin tróð upp í fyrra

11. mars 2010 - Akureyri handboltafélag skrifar

Jazzhljómsveit Tónlistarskólans spilar í Höllinni

Við vorum að fá þau tíðindi að jazzhljómsveit Tónlistarskólans á Akureyri mun troða upp í Íþróttahöllinni fyrir leik og í hálfleik Akureyrar og Stjörnunnar. Hljómsveitin er undir stjórn Ingva Rafns Ingvasonar kennara við skólann.

Leikurinn hefst klukkan 19:00 en hljómsveitin mun væntanlega hefja leik um klukkan 18:30 og verður virkilega gaman að sjá og heyra þessa frábæru hljómsveit.

Nánari upplýsingar um starfsemi Tónlistarskólans á Akureyri á heimasíðu skólans http://tonak.is



Agadómstóll HSÍ hefur talað

11. mars 2010 - Akureyri handboltafélag skrifar

Stjörnumaður í banni gegn Akureyri

Vilhjálmur Halldórsson leikmaður Stjörnunnar verður ekki í leikmannahópi þeirra gegn Akureyri á föstudaginn. Vilhjálmur fékk beint rautt spjald í síðasta leik Stjörnunnar þegar hann skaut úr vítakasti beint í andlit Sveinbjörns Péturssonar markvarðar HK.

Sveinbjörn var að vonum ekki sáttur með þetta og kom til stympinga á milli þeirra sem lyktaði þannig að báðir fengu rautt spjald.

Sveinbjörn fékk tveggja leika bann fyrir sinn hlut og Vilhjálmur einn eins og áður segir.


Vilhjálmur er hér ásamt Patreki þjálfara í ströggli við dómarana þegar Akureyri og Stjarnan áttust síðast við í Höllinni



Patrekur kemur með sína stráka á föstudaginn

10. mars 2010 - Akureyri handboltafélag skrifar

Heimaleikur gegn Stjörnunni á föstudaginn

Fyrsta umferð þriðja hluta N1 deildarinnar hefst nú í vikunni, Akureyri fær heimaleik gegn Stjörnunni og verður hann leikinn á föstudaginn klukkan 19:00. Aðrir leikir umferðarinnar eru á fimmtudaginn en þá er Íþróttahöllin upptekin vegna keppni í Skólahreysti.

Akureyri er sem kunnugt er komið í 2. sæti N1 deildarinnar eftir magnaðan sigur á HK í síðustu umferð og ákaflega mikilvægt að halda áfram stemmingunni sem komin er í liðið og verja sætið.
Liðin mættust hér í Höllinni í nóvember og þar fór Akureyri með eins marks sigur 25-24 eftir að hafa hleypt Stjörnunni inn í leikinn á síðustu andartökum leiksins.
Liðin mættust svo í Garðabænum í febrúar og þar var sama dramatíkin í leikslok nema hvað þar tókst Stjörnunni að jafna leikinn úr vítakasti eftir að leiktíminn rann út.

Þar tapaði Akureyri óþarfa stigi og nú þurfa menn að mæta til leiks og sýna að það er engin tilviljun að liðið er í toppbaráttunni því það munar um hvert stig þessa dagana og minnsta kæruleysi getur þýtt hrap um nokkur sæti í deildinni.

Staðan í deildarkeppni karla er nú þannig
Nr. FélagLeikir U J TMörkHlutfallStig-
1. Haukar141121359 : 3233624:4
2. Akureyri14824368 : 3501818:10
3. HK14815381 : 3621917:11
4. FH14815392 : 3682417:11
5. Valur14725349 : 3331616:12
6. Grótta144010348 : 379-318:20
7. Stjarnan143110326 : 371-457:21
8. Fram142111361 : 398-375:23


Eins og áður segir er leiktíminn óvenjulegur, þ.e.a.s. föstudagur og mikilvægt að það berist til allra stuðningsmanna en að sjálfsögðu verður hefðbundin stemming í kringum leikinn, matur og veitingar fyrir meðlimi stuðningsmannaklúbbsins.


Til baka    Senda á Facebook

Umsjón og hönnun: Stefán Jóhannsson og Ágúst Stefánsson