Warning: Undefined array key "frettanr" in /web/akhandadmin/public_html/index.php on line 15
Tíu marka sigur á Þrótti í bikarnum - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2013-14

Leikmenn meistarafl. karla
Úrslit leikja
Deild karla
Ljósmyndir frá leiknum     Tölfræði leiksins 
    Þróttur - Akureyri  19-29 (9-19)
Coca Cola bikar karla
Laugardalshöllin
Sun 17. nóvember 2013 klukkan: 16:00
Dómarar:
Umfjöllun

Andri og félagar komnir áfram í bikarnum

17. nóvember 2013 - Akureyri handboltafélag skrifar

Tíu marka sigur á Þrótti í bikarnum

Akureyri hóf bikarkeppnina með tíu marka sigri á Þrótti Reykjavík í dag. Lokatölur urðu 19 – 29 eftir að Akureyri leiddi 9 – 19 í hálfleik. Eins og tölurnar bera með sér réð Akureyri algjörlega ferðinni í fyrri hálfleik og úrslitin ráðin í hálfleik.

Í seinni hálfleik slökuðu menn á og ekki boðið upp á neitt sérstakan handbolta. Allir í hópnum fengu að spreyta sig og nánast allir útileikmenn komust á blað í markaskoruninni. Jovan stóð í markinu fyrstu 40 mínúturnar og Tomas síðustu 20 og áttu ágætan leik báðir.

Nákvæmt yfirlit yfir markaskorara og tölfræði leiksins liggur ekki fyrir enn sem komið er, þó vitum við að Valþór Guðrúnarsson skoraði 6, Bjarni Fritzson og Sigþór Heimisson 4 mörk hvor og Andri Snær Stefánsson 3.

Liðið er komið áfram í 16 liða úrslitin og gott að vera búið að vinna bug á Laugardalshallargrýlunni en þetta var fyrsti sigur liðsins þar. Nú er bara að setja stefnuna á að enda bikarkeppnina á sama stað.

Tengdar fréttir

Sigþór Árni lét Þróttara finna fyrir sér

23. nóvember 2013 - Akureyri handboltafélag skrifar

Myndasyrpa frá bikarleiknum gegn Þrótti

Um síðustu helgi má segja að Akureyri Handboltafélag hafi brotið ákveðið blað. Sigur liðsins á Þrótti Reykjavík í Coca Cola bikarnum var fyrsti sigur Akureyrar í bikarleik í Laugardalshöllinni. Þar að auki komst liðið á sigurbraut á ný þetta tímabilið og fylgdi því síðan eftir með mögnuðum sigri á ÍR á fimmtudaginn.

Þórir Tryggvason var í Laugardalshöllinni og sendi okkur myndir frá leiknum.


Jovan átti magnaðan leik eins og jafnan


Friðrik Svavarsson kom inn í hópinn frá Hömrunum

Smelltu hér til að skoða allar myndirnar.



Það er kominn tími á sigur í Laugardalshöllinni

17. nóvember 2013 - Akureyri handboltafélag skrifar

Leikur dagsins: Þróttur – Akureyri í Coca Cola bikarnum

Þátttaka Akureyrar Handboltafélags í bikarkeppninni hefst í dag með útileik gegn 1. deildarliði Þróttar í Reykjavík. Leikurinn hefst klukkan 16:00 í Laugardalshöllinni. Þegar litið er til stöðu liðnna þá ætti Akureyri að vera sigurstranglegra liðið en ekkert er þó gefið í þeim efnum. Þetta er þriðji leikur Akureyrar í Laugardalshöllinni í bikarkeppni og báðir fyrri leikirnir töpuðust. Fyrst úrslitaleikurinn gegn Val 2011 og síðan tapleikurinn gegn Stjörnunni í undanúrslitum á síðustu leiktíð.

Þá má minna á að Akureyri lenti í miklu basli með 1. deildarlið Víkings í bikarnum í fyrra þannig að menn verða að mæta til leiks af fullum krafti enda má gera ráð fyrir að leikir sem þessu séu einmitt leikir þar sem 1. deildarliðin geta mætt algjörlega stresslaus til leiks og hafa engu að tapa.

Reikna má með að lið Akureyrar verði svipað skipað í síðasta leik gegn Fram nema hvað að Heimir Örn Árnason verður væntanlega ekki í hóp í dag en hann meiddist lítillega í Fram leiknum. Í hans stað kemur Daníel Matthíasson inn í hópinn.

Ekki er reiknað með miklum fréttaflutningi í fjölmiðlum á meðan á leik stendur og helsti tíðindamaður heimasíðunnar á höfuðborgarsvæðinu á því miður ekki heimangengt. Við vonumst þó til að geta flutt fréttir af leiknum fljótlega eftir að honum lýkur.


Heimir mun stýra Daníel og gefa góð ráð af bekknum í dag



Ýmsar hetjur hafa leikið með Þrótti í gegnum tíðina

13. nóvember 2013 - Akureyri handboltafélag skrifar

Akureyri mætir Þrótti í bikarnum á sunnudaginn

Nú er búið að tímasetja leik Þróttar og Akureyrar í Coca-Cola bikarnum. Leikið verður sunnudaginn 17. nóvember í Laugardalshöllinni og hefst leikurinn klukkan 16:00.

Þetta verður í fyrsta sinn í sögu Akureyrar handboltafélags sem liðin mætast og því sögulegur viðburður. Þróttur leikur í 1. deild og hefur 4 stig að loknum sjö leikjum en öll þau stig fengu Þróttarar á móti Hömrunum. Raunar unnu Hamrarnir heimaleikinn en Þrótturum var dæmdur sigur vegna ólöglegs leikmanns Hamranna.
Þjálfarar Þróttar eru Óskar Jón Guðmundsson og Jakob Lárusson.


Friðrik Svavarsson með Hömrunum gegn Þrótti


Til baka    Senda á Facebook

Umsjón og hönnun: Stefán Jóhannsson og Ágúst Stefánsson