Warning: Undefined array key "frettanr" in /web/akhandadmin/public_html/index.php on line 15
Magnaður varnarleikur skilaðu engu að Varmá - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2015-16

Leikmenn meistarafl. karla
Úrslit leikja
Deild karla
Myndband frá leiknum      Textalýsing frá leiknum     Tölfræði leiksins 
    Afturelding - Akureyri  22-19 (9-7)
Olís deild karla
N1 höllin
Lau. 19. sept. 2015 klukkan: 16:00
Dómarar: Anton Gylfi Pálsson og Jónas Elíasson. Eftirlit Kristján Halldórsson
Umfjöllun

Hreiðar var mjög öflugur í dag fyrir aftan frábæra vörn

19. september 2015 - Akureyri handboltafélag skrifar

Magnaður varnarleikur skilaðu engu að Varmá

Akureyri mætti í Mosfellsbæinn í 3. umferð Olís deildar karla og lék þar við lið Aftureldingar. Bæði lið höfðu tapað síðasta leik sínum og var ljóst að bæði lið ætluðu sér sigurinn í dag. Akureyri lék frábæran varnarleik og þar fyrir aftan átti Hreiðar Levý stórkostlegan leik en það var því miður ekki nóg þar sem sóknarleikur liðsins var ekki nægilega beittur.


Hér má sjá svipmyndir úr leiknum

Akureyri hóf leikinn af miklum krafti og var hreinn unaður að fylgjast með leik liðsins. Sóknarleikurinn var árangursríkur og vörnin var hreyfanleg og lokaði vel á Mosfellinga. Hreiðar Levý varði svo hvert skotið á eftir öðru og staðan 1-3 Akureyri í vil. Sóknarleikurinn fór þó fljótlega að hiksta mikið á meðan vörn og markvarsla hélt áfram á góðu róli.

Mosfellingar skoruðu sitt þriðja mark eftir rúmlega kortér og segir það ansi mikið um styrk varnarleiksins að halda silfurliði síðasta tímabils í tveimur mörkum á 15 mínútum. En sóknarleikur Akureyrar var ekki nægilega góður og svo fór að Afturelding náði að refsa með hröðum upphlaupum og seinni bylgju eftir að Akureyri hafði misst boltann. Hálfleikstölur voru 9-7 fyrir Aftureldingu en þess má geta að Hreiðar Levý varði 14 skot í fyrri hálfleik sem gerir rúmlega 60% markvörslu.

Akureyri hélt áfram að verjast vel í síðari hálfleik og með góðum kafla þar sem liðið keyrði vel á heimamenn tókst liðinu að jafna metin í 10-10 og stuttu síðar ná tveggja marka forskoti í stöðunni 11-13. En þá kom slæmur kafli þar sem menn misstu boltann klaufalega og heimamenn nýttu sér það vel og breyttu stöðunni í 16-14 þegar um 10 mínútur lifðu leiks.

Tvívegis minnkuðu okkar menn muninn niður í eitt mark en svo gáfu Mosfellingar í og kláruðu leikinn. Flott barátta þó hjá okkar mönnum sem minnkaði muninn aftur niður í tvö mörk og hleypti smá spennu í lokamínútuna en heimamenn uppskáru að lokum 22-19 sigur.

Hrikalega svekkjandi að fá ekkert útúr leiknum með svona góðri vörn og frábærri markvörslu. Hreiðar Levý varði 22 skot í leiknum og þar af 1 vítakast og það er í raun ótrúlegt að þetta skili ekki stigum í hús en sóknarleikur liðsins er bara því miður ekki nægilega góður. Vissulega komu kaflar þar sem sóknin var fín og skilaði mörkum en lengst af var erfitt að fylgjast með sóknarleik Akureyrar.

Það verður að gefa mönnum það að menn eru að gefa allt í leikina og það vantar ekkert upp á baráttuna og hungrið í liðinu. Nú þurfa menn bara að slípa sóknina aðeins til og fækka mistökunum, með svona varnarleik og markvörslu á liðið varla að geta tapað og þá ætti liðið að ná fleiri mörkum úr hraðaupphlaupum.

Það er aðeins rétt rúm vika búin af þessum vetri og það er nóg eftir, alls engin krísa þó liðið sé enn stigalaust og við höldum áfram að styðja okkar lið, áfram Akureyri!

Tengdar fréttir

Mosfellingar fóru í úrslitarimmuna síðasta vor

18. september 2015 - Akureyri handboltafélag skrifar

Útileikur gegn Aftureldingu á laugardaginn

Þá er komið að næsta leik Akureyrar Handboltafélags sem er útileikur gegn Aftureldingu á laugardaginn kemur klukkan 16:00. Bæði lið töpuðu síðasta leik og munu mæta grimm til leiks til að sækja stigin sem eru í boði, þetta er leikur sem þú vilt ekki missa af! Áfram Akureyri!

Þess má geta að tveir leikmanna Aftureldingar hafa verið í herbúðum Akureyrar. Línumaðurinn Þrándur Gíslason Roth sneri aftur heim í Mosfellsbæinn í sumar eftir tveggja vetra dvöl hjá Akureyri. Þar er einnig að finna hornamanninn Gunnar Þórisson Malmquist sem lék með Akureyri tímabilið 2013-2014.


Gunnar og Þrándur á æfingu hjá Akureyri haustið 2013

Við gerum ráð fyrir að vera með textalýsingu frá leiknum hér á heimasíðunni fyrir þá fjölmörgu stuðningsmenn sem ekki komast í Mosfellsbæinn. Fylgstu með hér á síðunni.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson