Warning: Undefined array key "frettanr" in /web/akhandadmin/public_html/index.php on line 15
Tap gegn Gróttu og leikur á morgun! - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2006-07

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna




Sjá tölfræði leiksins 
    Akureyri - Grótta  16-22 (8-9)
DHL deild kvenna
KA-Heimilið
9. nóvember 2006 klukkan: 19:00
Dómarar: Gunnar Jarl Jónsson og Hörður Aðalsteinsson
Umfjöllun

Það gekk ekki þennan daginn

10. nóvember 2006 - SMS skrifar
Tap gegn Gróttu og leikur á morgun!
Það var vel setið í KA-Heimilinu þetta fimmtudagskvöldið. Lið Akureyrar hefur ekki átt góðu gengi að fagna þessa leiktíðina og spurning hvað liðið mundi gera í leiknum. Lið Gróttu hefur verið stígandi alveg frá fyrsta leik og með tvo Akureyringa innanborðs, þær Hildi Marín Andrésdóttir og Þórhildi Árnadóttir.

Byrjunarlið Akureyrar var ekki mikið breytt en ein nýjung þó og það var í hægra horninu. Það var hún Emma Havin Davoody, 16 ára stelpa, sem átti eftir að eiga mjög góðan leik. Annars var það Sibba sem byrjaði í markinu, Þórsteina í vinstra horni, Ester Óskarsdóttir sem átti stórleik gegn val í vinstri skyttu, Erla Hleiður byrjaði á miðjunni í sókn og Auður Ómarsdóttir í hægri skyttu, svo var það Guðrún Tryggvadóttir á línunni eins og venjulega.

Leikurinn fór vel á stað og komumst við í 2-0 með mörkum frá Guðrúnu á línunni og Auði Ómarsdóttur. Leikurinn er mjög jafn framan af og alveg til enda, Akureyri er yfir 8-7 en Grótta nær að komast yfir rétt áður en hálfleiksflautan gellur og staðan 8-9 í hálfleik. Það sem einkenndi fyrri hálfleikin var virkilega öflugur varnarleikur þar sem Guðrún og Auður spiluðu miðju í vörn og stóðu sig frábærlega. Vörnin var eins og klettur.

Grótta byrjar seinni hálfleikin betur og komast þær í 9-13 en það var gaman að sjá að Akureyrarliðið gafst ekki upp eins og hefur nú einkennt þær og minnkuðu þær í 12-13 og svo aftur 14-15. Þá var greinilegt að Akureyrarliðið hefur ekki nógu mikla breidd og sigldu Grótta framúr á þessum tímapunkti og skoruðu 3 mörk á móti einu frá okkur og svo aftur 4 mörk á móti einu hjá okkur. Lokastaða 16-22.

Það var virkilega svekkjandi að tapa svona stórt í leik sem stelpurnar áttu skilið að fá eitthvað útúr. Þær stóðu sig mjög vel og var þetta sennilega besti leikurinn þeirra í vetur hingað til. Vörnin var að smella en að skora 16 mörk á 60 mínútum er frekar slakt. Sibba varði aðeins 9 bolta og hefði maður viljað sjá hana á betri degi þarna í markinu og taka aðeins fleiri bolta.

Markahæst í liði Akureyrar var Ester Óskarsdóttir með 5 mörk úr 11 skotum, hún átti einnig 5 stoðsendingar og fiskaði 1 víti. Næstar komu Guðrún Tryggvadóttir með 4/6 og fiskaði 2 víti. Emma 3/3, Auður 2/6, Erla 1/6 og Lilja Sif 1/ 4. Sibba varði svo 9 bolta í markinu eins og áður sagði.

Maður leiksins: Emma, fyrir að taka ábyrgð og setja 3 mikilvæg mörk og nýta sín færi, aðeins 16 ára gömul.

Næsti leikur hjá stelpunum er á morgun og það er heimaleikur á móti Haukum. Leikurinn átti upphaflega að vera á sunnudaginn er hann var færður þar til á morgun klukkan tvö í KA-heimilinu. Við hvetjum alla til að mæta og Akureyri nær vonandi í sín fyrstu stig á móti skemmtilegu liði Hauka.


Tengdar fréttir

Hvernig fer í kvöld?

9. nóvember 2006 - SMS skrifar
Kvennaleikur í kvöld
Í kvöld klukkan 18:00 fær kvennalið Akureyrar sterkt lið Gróttu í heimsókn. Leikurinnn er í KA-heimilinu og er frítt inn.

Nú á dögunum unnu unglingaflokkur tvo leiki á heimavelli og vonandi gerir meistaraflokkur bara það sama en þær eiga núna tvo erfiða heimaleiki í röð. Í kvöld gegn Gróttu og á sunnudaginn gegn Haukum. Grótta er í 3. sæti í deidlinni með 10 stig, einu stigi á eftir toppliði Vals. Skemmtilegt verður að sjá hvað stelpurnar gera í kvöld á heimvelli og eins og áður sagði hefst leikurinn klukkan sex í KA heimilinu og það er frítt inn eins og venjulega. Allir að mæta og hvetja stelpurnar.

Til baka

Umsjón og hönnun: Stefán Jóhannsson og Ágúst Stefánsson