FH burstaði Akureyri - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
FH burstaði Akureyri - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2007-08

Leikmenn meistarafl. karla

Leikmenn meistarafl. kvenna

Sjá tölfræði leiksins

		Akureyri - FH 20-30 (11-15)
		N1 deild kvenna
		KA heimilið
		22. febrúar 2008 klukkan: 19.00
		Dómarar: Brynjar Einarsson og Vilbergur F Sverrisson

Umfjöllun


Auður stóð uppúr hjá liði Akureyrar ásamt systur sinni Unni		24. febrúar 2008 - Akureyri handboltafélag skrifar FH burstaði Akureyri Akureyrarstúlkur tóku á móti FH á föstudagskvöldið en þetta eru tvö neðstu lið deildarinnar og því var búist fyrirfram við hörku botnbaráttuslag. Það er hins vegar óhætt að fullyrða það að leikurinn spilaðist ekki þannig og má segja að stelpurnar okkar hafi aldrei séð til sólar í leiknum. FH tók strax yfirhöndina frá byrjun og komst meðal annars í 6-2 eftir 10 mínútna leik. Allan fyrri hálfleik virtist sem FH liðið væri eitt af toppliðunum og áttu þær ekki í erfiðleikum með að komast í gegnum vörn liðsins auk þess sem að markvarslan var ekki til að hrópa húrra fyrir. Staðan í hálfleik var 15-11 FH í vil, eftir að Ester skoraði mark úr aukakasti þegar leiktíminn var liðinn. Í seinni hálfleik var það sama uppá teningnum, okkar stelpur voru andlausar og FH þurfti ekki að hafa mikið fyrir því að raða inn mörkunum á meðan sóknin var stirð hjá Akureyri og stelpurnar létu Ebbu Særúnu, fyrrum leikmann KA/Þórs, trufla sig alltof mikið í 5-1 vörn FH liðsins. Lokatölur urðu 30-20 fyrir FH og niðurstaðan töluverð vonbrigði, stelpurnar geta gert töluvert betur en þær sýndu í þessum leik. Það var þó gaman að sjá þær systur Auði og Unni reynandi allan leikinn og stóðu þær uppúr í leik liðsins að þessu sinni.


Tengdar fréttir
Sendum Þórsteinu og félögum baráttukveðjur		22. febrúar 2008 - Akureyri handboltafélag skrifar Meistaraflokkur kvenna - heimaleikur við FH í kvöld Í kvöld mæta stelpurnar liði FH sem situr einu sæti ofar en Akureyri í N1 deildinni. Leikurinn sem hefst klukkan 19:00 er í KA Heimilinu og ástæða til að hvetja áhugasama til að koma og hvetja stelpurnar. Í fyrri leik liðanna hér í haust leiddu Akureyrarstelpur leikinn lengi framan af en slæmur leikkafli undir lok fyrri hálfleiks gerði út um vonir þeirra um sigur. Það hefur verið stígandi í liðinu síðan í haust og vonandi að takist að halda út allan leikinn og þá ættu góðir hlutir að gerast.


Inga Dís og félagar taka á móti FH á föstudaginn		20. febrúar 2008 - Akureyri handboltafélag skrifar Meistaraflokkur kvenna - breyting á leikdegi Leikur Akureyrar og FH í meistaraflokki kvenna sem vera átti laugardaginn 23. febrúar hefur verið færður fram um einn dag og verður í staðinn leikinn föstudaginn 22. febrúar og hefst klukkan 19:00 í KA Heimilinu.

Umsjón og hönnun: Stefán Jóhannsson og Ágúst Stefánsson

web statistics