Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Við þökkum þeim Jesper og Nikolaj fyrir samveruna



24. október 2008 - Akureyri handboltafélag skrifar

Fréttatilkynning: Jesper og Nikolaj hætta með Akureyri

Akureyri Handboltafélag hefur samið um starfslok erlendu leikmanna tveggja sem verið hafa á mála hjá félaginu. Þeir eru danski markvörðurinn Jesper Sjøgren og Svartfellingurinn Nikolaj Jankovic.

Stjórn Akureyrar Handboltafélags kappkostar að halda kostnaði félagsins í lágmarki og í ljósi núverandi ástands efnahagsmála þótti ekki annað fært en grípa til þessa ráðs.

Sjøgren kom til Akureyrar í sumar en hefur lítið komið við sögu í leikjum Akureyrarliðsins þar sem Hafþór Einarsson hefur farið á kostum í markinu eftir að hann tók fram skóna á ný eftir tveggja ára fjarveru. Að auki er liðið með tvo bráðefnilega markmenn sem leika með 2. flokki, þá Elmar Kristjánsson og Siguróla Magna Sigurðsson sem báðir léku töluvert með meistaraflokki í fyrravetur.

Nikolaj sem hefur leikið í hægra horninu hefur verið í herbúðum Akureyrarliðsins frá stofnun þess 2006 en þar áður lék hann með KA. Hann hefur heldur ekki fengið mörg tækifæri með liðinu í vetur þar sem ungir og bráðefnilegir heimaleikmenn Akureyrar hafa fengið að spreyta sig í þeirri stöðu og svo sannarlega staðið undir væntingum.

Stjórn Akureyrar Handboltafélags þakkar þeim Sjøgren og Jankovic kærlega fyrir samstarfið og óskar þeim alls hins besta.

Eftir þessar málalyktir eru engir erlendir leikmenn hjá Akureyri Handboltafélagi og í rauninni allir leikmenn uppaldir hjá Akureyrarliðunum.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson